‘రోగ నిరోధకుడైన ఈ ప్రెసిడెంట్ మీ వాడు’, ట్రంప్

రోగ నిరోధకశక్తి తో కూడిన తాను మరింత ఉత్సాహంతో ప్రజలకు సేవ చేయడానికి రెడీగా ఉన్నానని అమెరికా అధ్యక్షుడు డోనాల్డ్ ట్రంప్ ప్రకటించారు. కరోనా వైరస్ నుంచి పూర్తిగా కోలుకున్నానని, రోగనిరోధక శక్తి అన్నది తనకు ప్రొటెక్టివ్ గ్లో (రక్షిత కవచం) ఇచ్చిందని, దాన్ని వీడబోనని ఆయన అన్నారు. మీలో అసలు కరోనా వైరస్ లక్షణాలు లేవని వైట్ హౌస్ లోని తన డాక్టర్లు స్పష్టం చేశారన్నారు. వాళ్ళు చాలా గ్రేట్ అని కీర్తించాడు. తన మద్దతుదారులను ఉద్దేశించి మాట్లాడినఆయన.. ఇక ఈ వైరస్ మీద పోరును ఉధృతం చేయాల్సి ఉందన్నాడు. అయితే ఎంతసేపూ కోవిడ్ పై  తన విజయాన్నిఅదే పనిగా ఊదరగొడుతున్నారు గానీ ముంచుకొస్తున్న అధ్యక్ష ఎన్నికల సందర్భంగా మరెన్ని సంస్కరణలని ప్రవేశపెట్టాలన్నది ట్రంప్  ప్రసంగాల్లో మచ్ఛుకైనా కనబడడంలేదని ఆయన ప్రత్యర్థి, డెమొక్రాట్ అభ్యర్థి జో బైడెన్ వర్గీయులు విమర్శిస్తున్నారు.