
ఆ మధ్య ముంబైలో రోడ్డు మీద పాటలు పాడుకుంటూ భిక్షాటన చేస్తున్న రణు మోండల్ అనే మహిళ నేషనల్ లెవల్లో పాపులర్ అయిన సంగతి గుర్తుంది కదా.. ఇప్పుడు సౌత్లో కూడా అలాంటి ఇన్సిడెంటే రిపీట్ అయ్యింది. గంగిరెద్దును ఆడిస్తూ సన్నాయి వాయిస్తున్న ఓ వ్యక్తి వీడియో సోషల్ మీడియాలో హల్ చల్ చేసింది. అయితే ఈ వీడియో మ్యూజిక్ డైరెక్టర్, హీరో జీవీ ప్రకాష్ కంట పడింది. అంతే… వెంటనే ఆ వ్యక్తి ఎవరో తెలిస్తే చెప్పండి… తనకు సినిమా ఛాన్స్ ఇస్తా అంటూ సోషల్ మీడియాలో షేర్ చేశారు జీవీ. అప్పటి నుంచి ఆ వీడియో మరింతగా వైరల్ అయ్యింది. ఫైనల్గా ఆ వ్యక్తి ఎవరు? ఎక్కడుంటారు? అన్న డీటైల్స్ కూడా జీవీ చేతికి చేరాయి. అతను నారాయణన్… బెంగళూరు చుట్టుపక్కల.. గంగిరెద్దును ఆడిస్తూ డబ్బు సంపాదిస్తున్నారు. త్వరలోనే నారాయణన్ … జీవీ బ్యాండ్లో జాయిన్ అవ్వబోతున్నారు. గతంలోనూ చాలా మంది కొత్త మ్యూజిషియన్స్కు ఛాన్స్ ఇచ్చిన జీవి… ఇప్పుడు స్ట్రీట్ టాలెంట్ను సిల్వర్ స్క్రీన్కు పరిచయం చేయబోతున్నారు. కాగా స్ట్రీట్ టాలెంట్కు గతంలో కూడా ఇలాంటి అవకాశాలు అడపా, దడపా వచ్చినా.. వాటిని నిలబెట్టుకుని రాణించినవారు చాలా అరుదనే చెప్పాలి.
Also Read: నెవ్వర్ బిఫోర్ క్యారెక్టర్లో ఎన్టీ రామారావు.. ఫ్యాన్స్కు ఫుల్ మీల్స్ అంటున్న కొరటాల శివ