కోహ్లీపై ఒత్తిడి తగ్గిస్తా.. ఫించ్ కామెంట్స్..

Finch Comments: ఐపీఎల్ 13వ సీజన్‌కు రంగం సిద్దమైంది. కేంద్ర ప్రభుత్వం నుంచి అనుమతులు లభించడంతో ఈ నెల 19న ఆటగాళ్లు అందరూ కూడా యూఏఈ పయనం కానున్నారు. బయో బబుల్ వాతావరణంలో ఐపీఎల్ లీగ్ జరగనుంది. ఇదిలా ఉంటే ఈ ఏడాది జరగనున్న ఐపీఎల్ సీజన్‌లో రాయల్ ఛాలెంజర్స్ తరపున ఆస్ట్రేలియా క్రికెట్ ఆరోన్ ఫించ్ ఆడనున్నాడు.

అతడు తాజాగా కోహ్లీపై పలు ఆసక్తికరమైన వ్యాఖ్యలు చేశాడు. ”తొలిసారిగా అర్సీబీ తరపున ఆడబోతున్నాను. ఈ క్షణం కోసమే ఆసక్తిగా ఎదురు చూస్తున్నా. విరాట్ కోహ్లితో కలిసి బ్యాటింగ్ చేయడం ద్వారా ఎన్నో మెలుకువలు నేర్చుకునే అవకాశం ఉంటుంది. ఈసారి ఖచ్చితంగా విరాట్‌కు ఒత్తిడి తగ్గిస్తానని” ఫించ్ చెప్పుకొచ్చాడు.