టెకీలకు షాకింగ్ న్యూస్.. వేల ఉద్యోగాలు హాంఫట్..!

ప్రముఖ సాఫ్ట్‌వేర్ కంపెనీ కాగ్నిజెంట్.. ఉద్యోగులకు భారీ షాక్ ఇచ్చింది. అమెరికాకు చెందిన ఈ కంపెనీ రాబోయే త్రైమాసికాల్లో దాదాపు 7,000 మంది ఉద్యోగులను తొలగించేందుకు ప్రణాళికలను సిద్ధం చేస్తోంది. ఇది కఠినతరమైన నిర్ణయమే అయినప్పటికే ప్రస్తుతం నెలకొన్న తప్పని పరిస్థితుల్లో.. ఈ నిర్ణయం తీసుకున్నట్లు కాగ్నిజెంట్ పేర్కొంది. కంటెంట్‌ మోడరేషన్‌ బిజినెస్‌ నుంచి తప్పుకోబోతుండటంతో ఈ నిర్ణయం తీసుకున్నట్లు తెలుస్తోంది. ఆ తర్వాత జరిగే పునర్‌వ్యవస్థీకరణ ప్రభావం మరో 6,000 మంది ఉద్యోగులపై కూడా పడే అవకాశం ఉంది.

అయితే.. కంపెనీ నుంచి తొలగించాలని భావిస్తున్న 5000 మందిని మళ్లీ తీసుకునే ప్రయత్నాలు కూడా చేస్తున్నట్లు తెలుస్తోంది. వారికి కొత్తగా మళ్లీ శిక్షణ ఇచ్చి.. ఇతర స్థాయి ఉద్యోగాల్లో నియమించే అవకాశం ఉంది. అంటే.. మొత్తం మీద దాదాపు 7000 మంది ఉద్యోగులకు కాగ్నిజెంట్ షాక్ ఇవ్వబోతున్నట్లు అర్థమవుతోంది. ఇదేగానీ జరిగితే.. కంపెనీ మొత్తం ఉద్యోగుల్లో దాదాపు 2శాతం మందిని తొలగించినట్లు అవుతుంది. నిర్వహణ వ్యయాన్ని తగ్గించుకునే ఉద్దేశంతో కూడా కాగ్నిజెంట్ ఈ నిర్ణయం తీసుకున్నట్లు తెలుస్తోంది.