Bigg Boss 4: చాన్స్‌ దొరికితే చాలు ఇంట్లోని అమ్మాయిలను ఇంప్రెస్‌ చేస్తున్న అఖిల్

బిగ్ బాస్ హౌస్ లో పులిహోర రాజా ఎవరంటే ఇప్పుడు అంతా అఖిల్ పేరుచెప్తున్నారు. మొదటినుంచి గుజరాతీ భామ మోనాల్ తో క్లోజ్ గా ఉంటూ వస్తున్న అఖిల్ ఆ తరవాత హౌస్ లో ఉన్న అమ్మాయిలందరితో పులిహోర కలుపుతున్నాడు అంటూ సోషల్ మీడియాలో ట్రోల్స్ నడుస్తున్నాయి. చాన్స్‌ దొరికితే చాలు ఇంట్లోని అమ్మాయిలను ఇంప్రెస్‌ చేయడానికి ట్రై చేస్తున్నాడు.

ఆ మధ్య జరిగిన ‘రేస్ టు ఫినాలే’ టాస్కులో విజయం సాధించడం ద్వారా ఓ వారం ముందుగానే ఫైనల్‌లోకి అడుగు పెట్టాడు అఖిల్ దాంతో టాస్క్ లు చేసే పనిలేకపోవడంతో రిలాక్స్ అవుతున్నాడు. బిగ్ బాస్ ఇచ్చిన ఫ్రీడంను ఎంజాయ్ చేస్తున్నాడు. పులిహోర రాజా అన్నందుకే మోనాల్ తో గొడవ పెట్టుకున్న అఖిల్ ఇప్పుడు ఆమె ముందే హారికను ఇంప్రెస్ చేయడానికి ట్రై చేసాడు.

కిచన్ లో హారిక ఎదో పని చేసుకుంటుంటే..అఖిల్ మెల్లగా ఆమె దగ్గరకు వెళ్లి వెనకనుంచి కౌగిలించుకున్నాడు. ‘ఏం షాంపూ ఇది.. మా దగ్గర లేదే నీ దగ్గరకు ఎలా వచ్చింది? అంటూ ఆమెతో మాటలు కలపడం స్టార్ట్‌ చేశాడు. ఏంట్రా ఇది అంటూనే హారిక కూడా అఖిల్‌తో డబుల్‌ మీనింగ్‌ వచ్చే మాటలు మాట్లాడింది. ‘బాత్‌రూంలోనే ఉంది. నువ్వు కళ్లు ఎక్కడ పెట్టుకుని స్నానం చేస్తున్నావ్’ అని జవాబు ఇచ్చింది హారిక..దానికి బదులుగా అఖిల్ కూడా ‘నేను కళ్లు ఎక్కడ పెట్టుకున్నానో చెబితే బాగోదులే’ అంటూ డబుల్ మీనింగ్ సమాధానం ఇచ్చాడు. ఇప్పుడు వీళిద్దరి రొమాన్స్ సోషల్ మీడియాలో ట్రోల్ అవుతుంది.