Bigg Boss 14: కొంచెం భిన్నంగా.. మరి కొంచెం కొత్తగా హిందీ బిగ్ బాస్ సీజన్ 14 కొనసాగుతున్న సంగతి తెలిసిందే. డిఫరెంట్ టాస్కులతో.. గత సీజన్ల విన్నర్స్ సీనియర్ల రూపంలో హౌస్లోకి అడుగుపెట్టి జూనియర్లను ర్యాగింగ్ కూడా చేయడం జరిగింది. ఇలా చెప్పుకుంటూపోతే ఎన్నో చిత్రాలు ఉన్నాయి లెండి.! ఇదంతా పక్కన పెడితే.. ఈ వారం హోమ్ సిక్తో బయటికి వచ్చేసిన సింగర్ రాహుల్ వైద్య మరోసారి హౌస్లోకి ఎంట్రీ ఇవ్వనున్నాడు. అయితే అతడికి హోస్ట్ సల్మాన్ ఖాన్ మాత్రం తలంటినట్లుగా కలర్స్ ఓ ప్రోమోను విడుదల చేసింది.
తన ఫ్యామిలీ బాగా గుర్తుకు రావడంతోనే హౌస్ నుంచి అర్ధాంతరంగా బయటికి వెళ్లాల్సి వచ్చిందని రాహుల్ వివరణ ఇచ్చినా.. బిగ్ బాస్ హౌస్లో ఉన్న నీ ఒక్కడికి తప్పితే మరెవరికీ కుటుంబం లేదా అంటూ అతడ్ని సల్మాన్ తీవ్రంగా తప్పుబట్టాడు. ”నీ ఫ్యాన్స్కు కూడా నీవు ద్రోహం చేశావని.. వారు నీపై ఉంచిన నమ్మకాన్ని నిలబెట్టుకోలేకపోయావని” కోపగించుకున్నాడు.
కాగా, గతవారం హౌస్ నుంచి కవితా కౌశిక్ ఎలిమినేట్ అయిన అనంతరం.. రాహుల్ కూడా బయటికి వచ్చేశాడు. తన కుటుంబాన్ని బాగా మిస్ అవుతున్నట్లుగా రీజన్ చెప్పి ఎలిమినేట్ అయ్యాడు. అయితే, నటి దిశా పర్మర్ నుంచి తన ప్రేమ విషయమై ఎలాంటి స్పందన రాకపోవడంతో.. అది తెలుసుకునేందుకు రాహుల్ బయటికి వచ్చాడని వార్తలు వినిపిస్తున్నాయి. కానీ దిశ మాత్రం తన స్పందనను రాహుల్కి తెలిపినట్లు చెబుతోంది. మరి ఈ విషయాన్ని రాహుల్ మాత్రం బిగ్ బాస్ షోలో రివీల్ చేయలేదు.