Breaking News
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.
  • భవానీని కన్న తల్లిదండ్రులకు అప్పగించిన పోలీసులు. కన్న తల్లిదండ్రులకు ఎలాంటి డీఎన్‌ఏ అక్కర్లేదన్న పోలీసులు. కన్న తల్లిదండ్రుల దగ్గర అన్ని ఆధారాలున్నాయి. ఇరు కుటుంబాలు తమ అనుమానాలను మా దృష్టికి తీసుకొచ్చారు. వాళ్ల అనుమానాలను నివృత్తి చేశాం-పోలీసులు. భవానీ కన్న తల్లిదండ్రుల వద్దకు వెళ్లేందుకు అంగీకరించింది. ఇరువురు ఒప్పుకోవడంతో కన్నవారికే అప్పగించాం-పోలీసులు.
  • తిరుమల శ్రీవారి ఆలయం దగ్గర అగ్నిప్రమాదం. శ్రీవారి ఆలయం వెలుపల ఉన్న బూందీ తయారీ పోటులో మంటలు. మంటలార్పుతున్న ఫైర్‌ సిబ్బంది.
  • అమరావతి: రేపటి నుంచి ఏపీ అసెంబ్లీ సమావేశాలు. వాడీవేడిగా జరగనున్న సమావేశాలు. ఉల్లి, నిత్యావసరాల ధరల పెరుగుదలపై.. రేపు అసెంబ్లీలో వాయిదా తీర్మానం ఇవ్వనున్న టీడీపీ. ఉల్లి ధరల పెరుగుదలపై టీడీపీ నిరసన. అసెంబ్లీ గేట్‌ నుంచి ఉల్లిపాయల దండలతో.. అసెంబ్లీకి వెళ్లనున్న టీడీపీ ఎమ్మెల్యేలు, ఎమ్మెల్సీలు.

ఆ పదవి కోసం.. తన బయోడేటాను పంపిన జగ్గారెడ్డి..

Jagga Reddy enters TPCC chief race, ఆ పదవి కోసం.. తన బయోడేటాను పంపిన జగ్గారెడ్డి..

కాంగ్రెస్‌ పార్టీలో మళ్లీ టీపీసీసీ పదవికోసం ఫైట్ స్టార్ట్ అయ్యింది. ఇప్పటి వరకు కోమటిరెడ్డి వెంకట్ రెడ్డి, రేవంత్ రెడ్డి, భట్టివిక్రమార్క మాత్రమే ఈ పదవి కోసం పోటీలో ఉన్నారనుకుంటే.. తాజాగా వీరికి పోటీగా సంగారెడ్డి ఎమ్మెల్యే జగ్గారెడ్డి కూడా ఎంటర్ అయ్యారు. ఈ విషయాన్ని ఆయనే స్వయంగా తెలిపారు. గురువారం సీఎల్పీ కార్యాలయంలో జరిగిన చిట్‌చాట్‌లో తన మనసులో ఉన్న మాటను బయటపెట్టారు. అంతేకాదు కాంగ్రెస్ పార్టీ అధిష్టానానికి తన బయోడేటా కూడా పంపించినట్లు జగ్గారెడ్డి తెలిపారు. ప్రస్తుతం ఉన్న టీపీసీసీ చీఫ్ ఉత్తమ్‌ కుమార్‌ రెడ్డి వైదొలిగిన తర్వాత..  ఆ పదవిని తనకు ఇవ్వాలని ఏఐసీసీకి విన్నవించుకున్నట్లు వెల్లడించారు.

ఈ నెల 16వ తేదీ శనివారం ఢిల్లీలో ఏఐసీసీ కీలక సమావేశం ఉందని.. ఈ నేపథ్యంలోనే ఢిల్లీ పెద్దలకు తన బయోడేటాను పంపినట్లు తెలిపారు. ఆ బయోడేటాలో జగ్గారెడ్డి తన పూర్తి వివరాలను వెల్లడించారని తెలుస్తోంది. తన కుటుంబ వివరాలతో పాటుగా.. ఆయనపై ఉన్న కేసుల విషయం కూడా ఆ బయోడేటాలో పొందుపరిచారు. 14 రోజులు జైలు జీవితం గడిపిన విషయాన్ని కూడా అందులో పేర్కొన్నారు. ఈ బయోడేటా కాపీలను కాంగ్రెస్‌ అధ్యక్షురాలు సోనియా గాంధీ, రాహుల్‌ గాంధీ, ఏఐసీసీ ప్రధాన కార్యదర్శి కేసీ వేణుగోపాల్‌తో పాటు పలువురికి పంపించినట్లు తెలిపారు.

త్వరలోనే పార్టీ అధినేతలను కలిసి.. టీపీసీసీ పదవి గురించి చర్చిస్తానని.. వచ్చే ఎన్నికల్లో రాష్ట్రంలో కాంగ్రెస్‌ను తిరిగి అధికారంలోకి తీసుకొచ్చేందుకు ప్రయత్నిస్తానన్నారు. అందుకోసం తనవద్ద అద్భుతమైన మెడిసిన్ ఉందంటూ చెప్పుకొచ్చారు. సమయం వచ్చినప్పుడు దాన్ని బయటకు తీసి ఉపయోగిస్తానని వ్యాఖ్యనించారు. కాగా, టీ పీసీసీ చీఫ్ పదవికోసం.. పార్టీలో టఫ్ ఫైట్ ఉన్న విషయం తెలిసిందే. ఇటీవల జరిగిన హుజూర్ నగర్ ఉప ఎన్నికల్లో ఉత్తమ్ సతీమణి ఓటమి పాలయ్యారు. అయితే ఆ తర్వాత టీ పీసీసీ పదవి మార్చాలన్న డిమాండ్‌ బలంగా వినిపిస్తోంది. దీంతో అటు అధిష్టానం కూడా టీపీసీసీ పదవి విషయంలో ఉత్తమ్‌కు ఉద్వాసన పలికి.. కొత్త వారిని నియమించాలని చూస్తున్నట్లు తెలుస్తోంది.