Breaking News
  • కరోనా వైరస్‌ వ్యాపిస్తున్న నేపథ్యంలో శానిటైజర్‌, మాస్క్‌లు ఉపయోగించాలని తెలిపారు హైదరాబాద్‌ సీపీ అంజనీకుమార్‌. వ్యక్తిగత దూరాన్ని పాటిస్తూ లాక్‌డౌన్‌కు సహకరించాలని కోరారు. అలాగే పోలీసు వాహనాలను ఎప్పటికప్పుడు శానిటైజేషన్‌ చేయాలని ఆదేశించారు.
  • విశాఖలో కరోనా పాజిటివ్‌ కేసుల సంఖ్య 15కు చేరింది. అక్కయ్యపాలెం, తాటిచెట్ల పాలెం, ఐటీ జంక్షన్‌ ప్రాంతాలను ఆధీనంలోకి తీసుకున్నారు పోలీసులు. ఇటు ఇంటింటి సర్వేలు కూడా కొనసాగుతున్నాయి. 261 బృందాలు సర్వే నిర్వహిస్తున్నాయి.
  • ఆంధ్రప్రదేశ్‌లో కరోనా పాజిటివ్‌ కేసుల సంఖ్య 164కు చేరింది. ఇందులో 140 కేసులు ఢిల్లీ నుంచి వచ్చిన వారు, వారితో కాంటాక్టు అయిన వారివే! పాజిటివ్‌ కేసులుగా నమోదైన వారిలో ఇప్పటి వరకు నలుగురు డిశ్చార్జ్‌ అయ్యారు. కరోనా పాజిటివ్‌ కేసుల్లో అత్యధికంగా నెల్లూరులో నమోదయ్యాయి.
  • కరోనా వైరస్ తీవ్రత అధికంగా ఉన్న అమెరికాలో తెలుగువారికీ ఇబ్బందులు తప్పడంలేదేు. చాలా మంది ఇళ్ల నుంచే పని చేసుకుంటున్నారు. పిల్లలకు ఆన్ లైన్ లోనే తరగతులు, పరీక్షలు జరుగుతున్నాయి. బయట మార్కెట్లు మూత పడిన నేపథ్యంలో ఉన్న సరుకులతోనే సర్ధుకుంటున్నారు.
  • కరోనా బారిన పడి మరణించిన వారిలో 95 శాతం వృద్ధులే ఉన్నారని ప్రపంచ ఆరోగ్య సంస్థ నిర్ధారించింది. వీరిలో సగం మంది 80 ఏళ్ల వయసు దాటినవారేనని తెలిపింది. అందులో కూడా హృద్రోగం, అధిక రక్తపోటు, మధుమేహం ఉన్నవారే ఎక్కువగా ఉన్నారని గుర్తించింది. 50 ఏళ్లలోపు కొవిడ్ 19 వైరస్ బాధితుల్లో ఒక మోస్తారుగా వ్యాధి లక్షణాలు అధికంగా ఉన్నట్లు కూడా నిర్ధారించారు.

మొదటి టీ20: ఓపెనర్‌గా రాహుల్.. శాంసన్‌కు మరోసారి దక్కని చోటు!

IND Vs NZ, మొదటి టీ20: ఓపెనర్‌గా రాహుల్.. శాంసన్‌కు మరోసారి దక్కని చోటు!

సొంతగడ్డపై కంగారూలను ఓడించి ఫుల్ జోష్ మీద ఉన్న టీమిండియా నేటి నుంచి కివీస్‌తో తలబడనుంది. మూడు ఫార్మాట్ల సుదీర్ఘ సిరీస్‌లో భాగంగా ఇరు జట్ల మధ్య టీ20 సిరీస్ ఇవాళ్టి నుంచి ప్రారంభం కానుంది. అయితే న్యూజిలాండ్‌ను వారి సొంతగడ్డపై ఓడించడం అంత సులభమేమి కాదు. టీ20ల్లో ఆ జట్టు ఎప్పుడూ ప్రమాదకరమే. ఆల్‌రౌండర్లతో నిండి ఉన్న కివీస్ జట్టు విసిరే సవాళ్లను కోహ్లీసేన ఎదుర్కొనేందుకు సిద్ధంగా ఉండాల్సిందే. గతంలో జరిగిన ఐదు సిరీస్‌ల్లో ఒకసారి పరిశీలిస్తే.. కేవలం ఒక్క దానిలో మాత్రమే ఇండియా విజయం సాధించడం గమనార్హం. ఇక ఈ రోజు మధ్యాహ్నం 12.20కు మొదలుకానున్న మొదటి టీ20 ఆక్లాండ్ వేదికగా జరగనుంది. ఈ పిచ్ పూర్తిగా బ్యాటింగ్‌కు అనుకూలిస్తుంది.

ఇదిలా ఉంటే కోహ్లీ టీమిండియా తుది జట్టు కూర్పును ముందుగానే ప్రకటించిన సంగతి తెలిసిందే. ఆసీస్‌తో సిరీస్‌లో అదరగొట్టిన కేఎల్ రాహుల్.. రోహిత్ శర్మతో కలిసి ఓపెనర్‌గా ఇన్నింగ్స్ ఆరంభించడమే కాకుండా వికెట్ కీపర్‌గా కూడా బాధ్యతలు నిర్వర్తించనున్నాడు. దీని బట్టి చూస్తే రిషబ్ పంత్ బెంచ్‌కే పరిమితం కానున్నాడు. అంతేకాకుండా మరో వికెట్ కీపర్, బ్యాట్స్‌మెన్ సంజూ శాంసన్‌కు కూడా తుది జట్టులో చోటు దక్కే అవకాశాలు కనిపించట్లేదు. మిడిల్ ఆర్డర్‌లో శ్రేయాస్ అయ్యర్, మనీష్ పాండే, కోహ్లీలు ఆడనుండగా.. శివమ్ దూబే ఆల్‌ రౌండర్ పాత్ర పోషించనున్నాడు.

భారత్ జట్టు(అంచనా): రోహిత్‌, కేఎల్‌ రాహుల్‌, కోహ్లి (కెప్టెన్‌), శ్రేయస్‌ అయ్యర్‌, మనీష్‌ పాండే, శివమ్‌ దూబె, జడేజా/సుందర్‌, కుల్‌దీప్‌, షమి, సైని, బుమ్రా

కివీస్ జట్టు(అంచనా): గప్తిల్‌, మన్రో, సీఫెర్ట్‌, విలియమ్సన్‌ (విలియమ్సన్‌), రాస్‌ టేలర్‌, గ్రాండ్‌హోమ్‌/మిచెల్‌, శాంట్నర్‌, ఇష్‌ సోధి, సౌథీ, కుగెలీన్‌, బెనెట్‌

Related Tags