Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

వరల్డ్ కప్ 2019: పసికూన ఆఫ్గన్‌పై ఇంగ్లాండ్ ఘనవిజయం

, వరల్డ్ కప్ 2019: పసికూన ఆఫ్గన్‌పై ఇంగ్లాండ్ ఘనవిజయం

ట్రాఫర్డ్ వేదికగా ఇంగ్లాండ్, ఆఫ్గనిస్తాన్ వరల్డ్ కప్ లీగ్ మ్యాచ్‌లో భారీ లక్ష్యఛేదనని ఆఫ్గనిస్తాన్ ఈదలేకపోయింది . 398 పరుగుల లక్ష్యాన్ని ఛేదించడంలో ఆఫ్గన్ బ్యాట్స్‌మెన్ చతికల పడ్డారు. దీంతో ఇంగ్లాండ్ 150 పరుగుల తేడాతో ఆప్గనిస్తాన్ ను ఓడించింది. ఆఫ్గన్ బ్యాట్స్‌మెన్స్‌లో  ఓపెనర్ జద్రాన్ డకౌట్ కాగా, గుల్బదీన్ నయిబ్(37), రహ్మత్ షా(46), షహీదీ (76), అస్గర్ అఫ్గన్(44) క్రీజులో నిలబడి గౌరవ ప్రదమైన స్కోరు సాధించేందుకు చెమటోడ్చారు. నిర్ణీత 50 ఓవర్లలో ఆఫ్గనిస్తాన్ 247/8 పరుగులు చేసి విజయానికి 150 పరుగుల దూరంలో నిలిచిపోయింది. కాగా ఈ విజయంతో ఇంగ్లాండ్ పాయింట్ల పట్టికలో తొలి స్థానంలో నిలిచింది.

తొలుత బ్యాటింగ్ చేసిన ఇంగ్లాండ్ ఆఫ్గన్ బౌలర్లకు చుక్కలు చూపించింది. ఒక రకంగా దండయాత్ర చేశారనే చెప్పాలి.. నిర్ణీత 50 ఓవర్లకు ఇంగ్లాండ్ 397/6 పరుగులు చేసింది. ఇంగ్లాండ్ బ్యాట్స్‌మెన్ లో ఇయాన్ మోర్గాన్ కేవలం 71 బంతుల్లో 148 పరుగులు చేశాడు. మోర్గాన్ సాధించిన స్కోరులో ఏకంగా 17 సిక్సర్లు ఉండటం విశేషం. దీంతో మోర్గాన్ వన్డే ఇంటర్నేషనల్ మ్యాచుల్లో ఒక ఇన్నింగ్స్‌లో అత్యధిక సిక్సర్లు బాదిన బ్యాట్స్ మెన్ గా సరికొత్త రికార్డు స్థాపించాడు. మోర్గన్ తర్వాత స్థానాల్లో రోహిత్ శర్మ, ఏబీ డివిలీర్స్, క్రిస్ గేల్ 16 సిక్సర్లు బాది రెండో స్థానంలో సంయుక్తంగా ఉన్నారు. కాగా మొత్తం ఇన్నింగ్స్ లో ఇంగ్లాండ్ బ్యాట్స్‌మెన్ ఏకంగా 25 సిక్సర్లు బాదారు. ఇంగ్లాండ్ ఓపెనర్లు బెయిర్‌స్టో(90), జేమ్స్(26) శుభారంభం ఇవ్వడానికి తోడు..మోర్గాన్ మెరుపు ఇన్నింగ్స్‌తో.. 35 ఓవర్ల వద్ద ఇంగ్లాండ్ స్కోరు 200 పరుగులు దాటగా, 45 ఓవర్ కు ఏకంగా 325 పరుగులకు చేరుకుంది. అంటే పది ఓవర్లలో దాదాపు 125 పరుగులు నమోదయ్యాయి. మోర్గాన్ కు తోడుగా రూట్ కూడా బ్యాట్ ఝళిపించడంతో ఆఫ్గన్ బౌలర్లు నిశ్చేష్టులయ్యారు. ఐపిఎల్‌లో సత్తా చాటిన రషీద్ ఖాన్ తన స్పెల్ లో ఏకంగా 110 పరుగులు సమర్పించుకున్నాడు. అలాగే మహ్మద్ నబీ కూడా 70 పరుగులు ఇచ్చాడు.

 

Related Tags