డబ్బు ఖర్చులేదు..లాండ్రీకి వెళ్లనక్కర్లేదు! ఖరీదైన బట్టలను ఇంట్లోనే డ్రై క్లీన్ చేసే సులభమైన పద్ధతి ఇదే..
ఖరీదైన బట్టలను డ్రై క్లీనింగ్ కోసం లాండ్రీకి పంపడం వల్ల ఖర్చుతో పాటు సమయం కూడా వృధా అవుతుంది. కానీ,కొన్ని జాగ్రత్తలు పాటిస్తే వీటిని ఇంట్లోనే శుభ్రం చేసుకోవచ్చు. కొన్ని స్మార్ట్ చిట్కాలు పాటిస్తే మీరు ఇంట్లోనే ప్రొఫెషనల్ పద్ధతిలో డ్రై క్లీనింగ్ చేసుకోవచ్చు. ఇంట్లోనే సులభంగా, తక్కువ ఖర్చుతో బట్టలను ఎలా డ్రై క్లీన్ చేసుకోవాలో ఇక్కడ తెలుసుకోండి. దీంతో మీకు డబ్బు ఆదా అవడం కాదు.. టైమ్ కూడా కలిసి వస్తుంది. పైగా ఇంట్లో వాష్ చేయటం వల్ల బట్టలు ఎక్కువ కాలం మన్నికగా ఉంటాయి.
పండుగలు లేదా ఫంక్షన్ల సమయంలో మనం కట్టుకునే పట్టు చీరలు, కోట్లు (Coats), లెహంగాలు సాధారణ వాషింగ్ మెషీన్లో వేస్తే పాడైపోతాయి. అందుకే మనం వాటిని డ్రై క్లీనింగ్కు ఇస్తుంటాం. సిల్క్ చీరలు, ఉన్ని బట్టలు లేదా డిజైనర్ దుస్తులను ప్రతిసారీ డ్రై క్లీనింగ్కు పంపడం ఖర్చుతో కూడుకున్న పని. కొన్ని జాగ్రత్తలు పాటిస్తే వీటిని ఇంట్లోనే శుభ్రం చేసుకోవచ్చు. కొన్ని స్మార్ట్ చిట్కాలు పాటిస్తే మీరు ఇంట్లోనే ప్రొఫెషనల్ పద్ధతిలో డ్రై క్లీనింగ్ చేసుకోవచ్చు. అదేలాగో ఇక్కడ చూద్దాం..
1. బట్టల లేబుల్ని గమనించండి:
ముందుగా బట్టలపై ఉన్న ‘Care Label’ను చదవండి. ‘Dry Clean Only’ అని ఉంటే చాలా జాగ్రత్తగా ఉండాలి. ఒకవేళ అది సిల్క్ లేదా ఉన్ని (Wool) అయితే ఇంట్లో ప్రయత్నించవచ్చు, కానీ లెదర్ వంటి వాటిని నిపుణులకే ఇవ్వడం మంచిది.
2. మరకలను తొలగించడం (Spot Cleaning):
బట్టలు మొత్తం ఉతకడానికి ముందే, ఎక్కడైనా మరకలు ఉన్నాయేమో చూడండి. కొద్దిగా డిటర్జెంట్ లేదా క్లీనింగ్ లిక్విడ్ను ఒక కాటన్ క్లాత్పై వేసి, మరక ఉన్న చోట నెమ్మదిగా తుడవండి.
3. వాషింగ్ పద్ధతి:
ఒక టబ్ లేదా బకెట్లో చల్లని నీటిని తీసుకుని, అందులో సున్నితమైన బట్టల కోసం వాడే లిక్విడ్ వాష్ లేదా బేబీ షాంపూ కలపండి. బట్టలను అందులో వేసి కేవలం 10-15 నిమిషాలు మాత్రమే నానబెట్టండి. బట్టలను బ్రష్తో రుద్దడం లేదా గట్టిగా పిండడం వంటివి అస్సలు చేయకూడదు.
4. శుభ్రం చేయడం:
నానిన బట్టలను బయటకు తీసి, మళ్ళీ మంచి చల్లని నీటిలో ముంచి అందులోని సబ్బు నురుగు పోయేలా చేయండి. ఎక్కువ సేపు నీటిలో ఉంచడం వల్ల రంగు వెలిసిపోయే ప్రమాదం ఉంది.
5. ఆరబెట్టడం, ఇస్త్రీ చేయడం:
బట్టలను పిండకుండా, ఒక పెద్ద టవల్పై పరిచి నీటిని పీల్చుకునేలా చేయండి. ఆ తర్వాత నీడలో (డైరెక్ట్ ఎండ తగలకుండా) ఆరబెట్టాలి. బట్టలు కొద్దిగా తేమగా ఉన్నప్పుడే తక్కువ వేడితో (Steam Iron) ఇస్త్రీ చేస్తే అవి కొత్తవాటిలా మెరుస్తాయి.
బట్టల రంగు వదులుతుంటే (Color Bleeding) వెంటనే ఆపేయాలి. వర్క్ ఎక్కువగా ఉన్న భారీ దుస్తులను నేరుగా నీటిలో ముంచకుండా కేవలం స్టీమ్ క్లీనింగ్ చేయడం ఉత్తమం. ఈ పద్ధతులను పాటిస్తే మీ డబ్బు ఆదా అవ్వడమే కాకుండా, మీ ప్రియమైన దుస్తులు కూడా సురక్షితంగా ఉంటాయి.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..