Oxygen cylinder: ఎల్పీజీ కంటే ఆక్సిజన్ సిలిండర్ చాలా ప్రమాదం.. ఎందుకో తెలుసా.?
ఎల్పీజీ, ఆక్సిజన్ వాయువులను సిలిండర్లలో నిల్వ చేస్తుంటారనే విషయం తెలిసిందే. అయితే ఎల్పీజీ గ్యాస్ తో పోల్చితే ఆక్సిజన్ సిలిండర్లు మరింత ప్రమాదకరణమని మీకు తెలుసా.? ఇంతకీ ఆక్సిజన్ సిలిండర్ ఎందుకంత ప్రమాదాకరం. అసలు ఆక్సిజన్ సిలిండర్ పేలితే ఎలాంటి ప్రమాదం సంభవిస్తుంది ఇప్పుడు తెలుసుకుందాం..
ఎల్పీజీ గ్యాస్ సిలిండర్ ఎంత ప్రమాదకరమో ప్రత్యేకంగా చెప్పాల్సిన పనిలేదు. ఎల్పీజీ సిలిండర్ పేలడం ద్వారా మరణాలు సంభవించిన సందర్భాల్లో ఎన్నో చూసే ఉంటాం. అయితే ఎల్పీజీతో పోల్చితే ఆక్సిజన్ సిలిండర్లు మరింత ప్రమాదకరమని మీకు తెలుసా.? ఇటీవల ఉత్తరప్రదేశ్లోని బులంద్షహర్లోని ఓ ఇంట్లో ఆక్సిజన్ సిలిండర్ పేలింది. ఈ పేలుడు కారణంగా ఒకే కుటుంబానికి చెందిన 7 మంది మృతి చెందారు.
దీంతో ఆక్సిజన్ సిలిండర్కు సంబంధించి చర్చ తెరపైకి వచ్చింది. సాధారణంగా ఎల్పీజీ సిలిండర్లు పేలడం వల్ల మరణం సంభవిస్తుందని అనుకుంటాం. కానీ ఆక్సిజన్ సిలిండర్ కూడా పేలుడుకు దారి తీస్తుంది. నిజానికి ఎల్పీజీ, గ్యాస్ ఆక్సిజన్ రెండు వాయువులే అయినప్పటకీ.. వాటి వినియోగం, నిల్వలో తేడా ఉంటుంది. అయితే పేలుడు విషయంలో ఎల్పీజీ, ఆక్సిజన్ రెండూ ప్రమాదకరమని నిపుణులు అంటున్నారు. ఎల్పీజీలో ఉండే ప్రొపేన్, బ్యూటేన్ మిశ్రమం కారణంగా అది మండే స్వభావాన్ని కలిగి ఉంటుంది.
ఈ గాలి మంటతో తాకగానే పేలే అవకాశాలు ఉంటాయి. ఎల్పీజీ పేలినప్పుడు అగ్ని ప్రమాదానికి దారి తీస్తుంది. ఇక ఆక్సీజన్ సిలిండర్ విషయానికొస్తే.. సాధారణంగా ఆక్సిజన్ వాయువు మంటను పెంచడంలో సహాయపడుతుంది. మంటకు ఆక్సిజన్ తోడైతే అది మరింత భయంకరంగా ఉంటుంది. ఆక్సిజన్ ఉష్ణోగ్రతను మరింత పెంచుతుంది. ఈ వేడికి రాయి కూడా కరిగిపోతుంది. ఎల్పీజీ బ్లాస్ట్ కంటే ఆక్సిజన్ బ్లాస్ట్ ఎక్కువ ప్రమాదకరం కావడానికి కారణం ఇదే.
ఆక్సిజన్ సిలిండర్ ఉన్న చుట్టు పక్కల అగ్రి ప్రమాదాలు జరగకుండా చూసుకోవాలి. ఒకవేళ ఆక్సిజన్ సిలిండర్ లీక్ అయితే.. ఇది తీవ్ర ప్రమాదానికి దారి తీస్తుందని నిపుణులు చెబుతున్నారు. అందుకే ఆక్సిజన్ సిలిండర్లను రవాణా చేసే సమయంలో, నిల్వ చేసే సమయంలో మరింత జాగ్రత్తలు తీసుకుంటారు.
మరిన్ని ఇంట్రెస్టింగ్ వార్తల కోసం క్లిక్ చేయండి..