బీరు కంపెనీకి బ్రాండ్ అంబాసిడర్‏గా కుక్క.. జీతం రూ.15 లక్షలు.. రూ. 60 వేల ఇన్సూరెన్స్.. ఎక్కడంటే..

Dog

యావత్ ప్రపంచాన్ని భయంతో వణికిస్తోంది కరోనా. ఈ మహమ్మారి మిగిల్చిన నష్టం అంతా ఇంతా కాదు. ఈ వైరస్ ప్రభావంతో ఎంతోమంది ఉద్యోగాలు పోగొట్టుకున్నారు. అంతే కాదు ఎన్నో కుటుంబాల్లో ఈ మహమ్మారి చీకట్లను నింపింది. ఈ వైరస్ కాస్త తగ్గింది అనుకొని ఊపిరి పీల్చుకునేలోపే సెకండ్ వేవ్ రూపంలో మళ్లీ మరణ మృదంగం మోగిస్తోంది. ఇక దీని ప్రభావంతో మరోసారి ఉద్యోగాలు పోగోట్టుకునే ప్రమాదం లేకపోలేదు. ఇంతటి దారుణ పరిస్థితులలో ఓ బీరు కంపెనీ చీఫ్ టెస్టింగ్ ఆఫీసర్ ఆఫీసర్ జాబ్  భర్తీ చేసేందుకు నోటిఫికేషన్ ఇచ్చింది. నెలకు రూ.15 లక్షల జీతం. రూ. 60 వేల విలువైన హెల్త్ ఇన్సూరెన్స్. ఇలా ఒక్కటేమిటి చాలా బెనిఫిట్స్ ఉన్నాయి. అయితే ఇంకేంటి.. ఈజీగా అప్లై చేయ్యోచ్చు అని చూస్తున్నారా. కానీ ఆ జాబ్ మనుషులకు కాదండోయ్. కుక్కలకు. అవును. నిజమే. కేవలం శునకాలకు మాత్రమే ఆ జాబ్. అందులో అవి చేయాల్సిందల్లా.. బీరును రుచి చూడడంతోపాటు.. సంస్థ బ్రాండ్ అంబాసిడర్ గా ఉండాలి.

ఈ న్యూస్ అసలు అర్థం కావట్లేదు కదూ. సరే ఇప్పుడు అసలు విషయం తెలుసుకుందాం. అమెరికాలోని బుష్ కంపెనీ కేవలం కుక్కల కోసం జంతువుల ఎముకలతో ప్రత్యేకమైన బీరును తయారు చేస్తోంది. ఈ ఆల్కహాల్ రహిత బీరును రుచి చూసేందకు మాంచి ఘ్రాణ శక్తి ఉండి.. రుచి చూడడంలో దిట్ట అయిన కుక్క కావాలి. అందుకే ఎవరైనా తమ పెంపుడు కుక్కలను ఈ జాబ్ లో జాయిన్ చేసేందుకు దరఖాస్తు చేసుకోవాల్సిందిగా ఆ కంపెనీ పేపర్ లో యాడ్ ఇచ్చింది.

Also Read: పోస్టాఫీసులో అదిరిపోయే స్కీమ్.. రోజుకు రూ.22 ఆదా చేస్తే.. ఏకంగా రూ.8 లక్షలు పొందవచ్చు…

Facebook: ఉద్యోగులకు షాక్ ఇవ్వనున్న ఫేస్‏బుక్.. ఆ ఎంప్లాయిస్ జీతాలను తగ్గించే యోచనలో సంస్థ..

SBI కస్టమర్లకు శుభవార్త… ఆ అకౌంట్ ఉంటే రూ. 2 లక్షలు మీ సొంతం.. అది ఎలానో తెలుసా..