చిటికేస్తే రికార్డులు అన్ని ఉఫ్..!
మార్వెల్ స్టూడియోస్ నుంచి వచ్చిన ఆఖరి చిత్రం ‘అవెంజర్స్ ఎండ్ గేమ్’. ఈ చిత్రం ప్రపంచవ్యాప్తంగా ఏప్రిల్ 26న ప్రేక్షకుల ముందుకు వచ్చింది. ఇక రిలీజైన మొదటి రోజునే ఈ చిత్రం పలు రికార్డులను బ్రేక్ చేసింది. ఇండియాలో ఇప్పటివరకూ అత్యధిక తొలిరోజు వసూళ్లు అందుకున్న బాలీవుడ్ చిత్రంగా ‘థగ్స్ ఆఫ్ హిందుస్థాన్’ ఉండేది. ఆ చిత్రం రూ.52.25 కోట్లు వసూలు చేసింది. అయితే ‘అవెంజర్స్’ దెబ్బకు ఆ రికార్డు మటాష్ అయింది. తొలిరోజే ఈ సినిమా […]
మార్వెల్ స్టూడియోస్ నుంచి వచ్చిన ఆఖరి చిత్రం ‘అవెంజర్స్ ఎండ్ గేమ్’. ఈ చిత్రం ప్రపంచవ్యాప్తంగా ఏప్రిల్ 26న ప్రేక్షకుల ముందుకు వచ్చింది. ఇక రిలీజైన మొదటి రోజునే ఈ చిత్రం పలు రికార్డులను బ్రేక్ చేసింది. ఇండియాలో ఇప్పటివరకూ అత్యధిక తొలిరోజు వసూళ్లు అందుకున్న బాలీవుడ్ చిత్రంగా ‘థగ్స్ ఆఫ్ హిందుస్థాన్’ ఉండేది. ఆ చిత్రం రూ.52.25 కోట్లు వసూలు చేసింది. అయితే ‘అవెంజర్స్’ దెబ్బకు ఆ రికార్డు మటాష్ అయింది. తొలిరోజే ఈ సినిమా రూ.53.10 కోట్లు అందుకోవడం విశేషం. చైనాలోనూ తొలిరోజే రూ.750 కోట్లు అందుకుని చైనీస్ చిత్రం ‘మాన్స్టర్ హంట్ 2’ పేరిట ఉన్న రికార్డును బద్దలకొట్టింది. అమెరికాలో గురువారం ప్రీమియర్స్తోనే రూ.420 కోట్లు సాధించి సత్తా చాటింది. దీంతో పాటు హాంకాంగ్, థాయ్లాండ్, ఆస్ట్రేలియా, కొరియా, యూకే, బ్రెజిల్ తదితర 20 దేశాల్లో తొలి రోజు సంచలన వసూళ్ల నమోదు చేస్తూ రికార్డు సృష్టిస్తోంది. ప్రపంచవ్యాప్తంగా ఈ చిత్రం ప్రీమియర్స్తో కలిపి రెండు రోజులకు రూ.2130 కోట్లు వసూళ్లు రాబట్టినట్లు ట్రేడ్ విశ్లేషకులు చెబుతున్నారు.