Telangana: అయ్యబాబోయ్.! 14 యూనిట్లకు కరెంట్ బిల్లు ఎంత వచ్చిందో తెలిస్తే మైండ్ బ్లాంక్..

రెండు బల్బులు.. ఓ ఫ్యాన్ ఉంటే.. సాధారణంగా కరెంట్ బిల్లు ఎంత వస్తుందని అనుకునేరు. రెండొందలో.. లేదా మూడొందలో వస్తుంది.. అంతేగా.! కాదండోయ్.. ఎంత వచ్చిందో తెలిస్తే.. మీరు దెబ్బకు షాక్ అవుతారు. మాడుపగిలే ఎండలకు చెమటలు పట్టడం అటుంచితే.. ఓ షాపు యజమానికి కరెంట్ బిల్లుతో దెబ్బకు ముచ్చెమటలు పట్టాయి. వివరాల్లోకెళ్తే.. తెలంగాణలోని జగిత్యాల పట్టణం బైపాస్ రోడ్డులో అడ్డగట్ట రాజేషమ్ అనే షాప్ యజమానికి ఫ్యూజులు ఎగిరిపోయేలా కరెంట్ బిల్లు వచ్చింది. ప్రతీ నెలా రూ. 200 వచ్చే ఆ షాప్ కరెంట్ బిల్లు.. ఇప్పుడు కేవలం 14 యూనిట్లకే ఏకంగా రూ. 60,701 కరెంట్ బిల్లు వచ్చింది. దీంతో దెబ్బకు అతడికి మైండ్ బ్లాంక్ అయింది. ఈ అంశంపై మీడియాతో మాట్లాడిన అతడు.. తాను ఈ కరెంట్ బిల్లుపై ట్రాన్స్‌కో అసిస్టెంట్ మేనేజర్‌కు ఫిర్యాదు చేశామన్నారు.