Breaking News
  • అమరావతి. రైతు భరోసా కేంద్రాల నుంచి రైతులకు ఎస్‌ఎంఎస్‌ ద్వారా సమాచారం ఇవ్వడంతో పాటు, ఎరువుల హోం డెలివరీ ప్రక్రియ ప్రారంభం. ఆర్‌బీకేల నుంచి ఎరువుల సరఫరాకు సంబంధించి రైతులకు పాయింట్‌ ఆఫ్‌ సేల్‌ (పీఓఎస్‌) వర్షన్‌, ఎస్‌ఎంఎస్‌ సర్వీసును ముఖ్యమంత్రి శ్రీ వైయస్‌ జగన్‌ సమక్షంలో ప్రారంభించిన కేంద్ర మంత్రులు. ఢిల్లీ నుంచి వీడియో కాన్ఫరెన్సు ద్వారా కార్యక్రమంలో పాల్గొన్న కేంద్ర రసాయనాలు, ఎరువుల శాఖ మంత్రి డీవీ సదానందగౌడ, ఆ శాఖ సహాయ మంత్రి మన్‌సుఖ్‌ మాండవియా. క్యాంపు కార్యాలయం నుంచి పాల్గొన్న వ్యవసాయ శాఖ మంత్రి కురసాల కన్నబాబు, వ్యవసాయ శాఖ ప్రత్యేక ప్రధాన కార్యదర్శి పూనం మాలకొండయ్య, ఇతర ఉన్నతాధికారులు.
  • తిరుమల: టీటీడీకి రూ.కోటి విరాళం. ఎస్వీబీసీకి రూ.కోటి విరాళంగా ఇచ్చిన చైన్నైకు చెందిన కామాక్షి శంకర్. టీటీడీ అడిషనల్ ఈఓ ధర్మారెడ్డికి చెక్కు అందజేత. ఎస్వీబీసీని యాడ్ ఫ్రీ చేయడంతో భక్తుల నుండి పెరుగుతున్న విరాళాలు. మూడు నెలల్లో రూ.6 కోట్లు దాటిన విరాళాలు.
  • విజయవాడ : ఆర్కియాలజి కమిషనర్ వాని మోహన్ కామెంట్స్ అక్టోబర్ ఒకటో వ తేదీన బాపు మ్యూజియం ముఖ్యమంత్రి జగన్ ప్రారంభిస్తారు. గత పదేళ్లుగా ముత పడిన మ్యూజియం రేపటి నుంచి పర్యాటకలకు అందుబాటులో కి రానుంది. ఏళ్ల తరబడి పొందుపరిచిన శిల్పాలు, రాతి కట్టుబడులు మ్యూజియం లో ఉన్నాయ్. బాపు మ్యూజియం లో ఇంటరాక్టివ్ కియోస్క్ ను అధునాతన టెక్నాలజీ తో అభివృద్ధి.
  • వైద్య, ఆరోగ్యశాఖ ఆస్పత్రులలో నాడు–నేడు పై సీఎం వైయస్‌ జగన్‌ సమీక్ష: నాడు–నేడు కార్యక్రమంలో ఆస్పత్రులలో చేపడుతున్న మార్పులతో పాటు, కొత్తగా ఏర్పాటు చేస్తున్న వైద్య కళాశాలల ప్రస్తుత పరిస్థితిని వివరించిన అధికారులు. పాడేరు, పిడుగురాళ్ల, మచిలీపట్నం, పులివెందులలో వైద్య కళాళాలలకు సంబంధించి భూసేకరణతో పాటు, అవసరమైన అన్ని పనులు పూర్తయ్యాయని, టెండర్ల ఖరారుకు జ్యుడీషియల్‌ రివ్యూకు పంపిస్తున్నామని తెలిపిన అధికారులు.
  • సిఎం వైఎస్ జగన్ కామెంట్స్: అన్ని ఆస్పత్రులలో అత్యాధునిక వైద్య సదుపాయాలు ఉండాలి. వాటి నిర్మాణ విషయంలో ఎక్కడా రాజీ పడొద్దు. ఆస్పత్రికి వచ్చే రోగులకు అక్కడ కార్పొరేట్‌ లుక్‌ కనిపించాలి. చరిత్రలో నిల్చిపోయే విధంగా వాటి నిర్మాణం జరగాలి. మూడేళ్లలో అన్ని ఆస్పత్రుల నిర్మాణాలు పూర్తి కావాలి. ఆ ఆస్పత్రులలో యంత్రాలు, ఏసీలు, లిఫ్ట్‌లు, ఎలక్ట్రికల్, నాన్‌ ఎలక్ట్రికల్‌ ఉపకరణాలు, ఫైర్‌ కంట్రోల్‌ ఎక్విప్‌మెంట్‌ వంటి అన్నింటి నిర్వహణ బాధ్యత ఏడేళ్ల పాటు అప్పగించాలి. తద్వారా ఏ సమస్య తలెత్తినా వెంటనే పరిష్కారం అవుతుంది. ఆస్పత్రిలో ఓనర్‌షిప్‌ తీసుకోవాలి. తప్పనిసరిగా సెంట్రలైజ్డ్‌ ఏసీ ఉండాలి, డాక్టర్లు ఇబ్బంది పడకుండా ఉన్నప్పుడే వారు చక్కగా సేవలందించగలుగుతారు. అవసరం అయితే సౌర విద్యుత్‌ వ్యవస్థ ఏర్పాటు చేస్తాం, దాని వల్ల యూనిట్‌ విద్యుత్‌ కేవలం రూ.2.50 కే వస్తుంది. దాదాపు ఏడు దశాబ్దాల తర్వాత రాష్ట్రంలో ఆస్పత్రుల రూపురేఖలు మారబోతున్నాయి. అందువల్ల ప్రతి ఆస్పత్రి బెస్టుగా ఉండాలి.
  • చెన్నై హిందూ మున్నని సంస్థ వ్యవస్థాపకుడు రామగోపాలన్ ( 94 ) మృతి . కరోనా మహమ్మారి కారణంగా ఆస్పత్రిలో చికిత్స పొందుతూ మృతి . 1980 లో హిందూ ధర్మ పరిరక్షణ కోసం హిందూ మున్నని అనే సంస్థను ఏర్పాటు చేసిన రామగోపాలన్. హిందూ ధర్మ పరిరక్షణ కోసం రాష్ట్ర వ్యాప్తంగా పలు ఉద్యమాలను నడిపించిన రామగోపాలన్ . హిందూ మున్నని సంస్థ వ్యవస్థాపకుడు రామగోపాలన్ మృతి సంతాపం తెలిపిన పలువురు రాజకీయ ప్రముఖులు .

పల్నాడులో పొలిటికల్ హీట్..

High Tension in Palnadu due to Political War between TDP and YSRCP, పల్నాడులో  పొలిటికల్ హీట్..

పునరావాస శిబిరాలు.. ఈ మాట తరచూ వరదలు, ప్రకృతి వైపరీత్యాలు సంభవించినపుడు ప్రభుత్వాలు ఏర్పాటు చేస్తాయని మాత్రమే తెలుసు. కానీ ఇప్పుడు రాజకీయ పార్టీలు తమ ప్రత్యర్ధుల కోసం ఏర్పాటు చేస్తున్నాయనే విషయం చాలా వింతగానూ, కొత్తగానూ అనిపించవచ్చు. ఏపీలో గుంటూరు జిల్లా పల్నాడులో ప్రతిపక్ష టీడీపీ ఈ విధమైన పునరావాస కేంద్రాల ఏర్పాటుకు తెరతీసింది.  అసలు విషయంలోకి వెళితే ఏపీలో వైసీపీ అధికారంలోకి వచ్చిన వెంటనే టీడీపీ కార్యకర్తలపై భౌతిక దాడులకు పాల్పడిందని, ఈ దాడుల్లో టీడీపీ కార్యకర్తలు ప్రాణాలు సైతం కోల్పోయారంటూ ఆరోపిస్తోంది. దీనిపై టీడీపీ అధినేత చంద్రబాబు, ఆయన తనయుడు, మాజీ మంత్రి లోకేశ్ కూడా తీవ్రస్ధాయిలో విమర్శలు చేశారు.

గుంటూరు జిల్లా పల్నాడు ప్రాంతంలో తెలుగుదేశం పార్టీ కార్యకర్తలపై పాశవికమైన దాడులు చేస్తున్నారంటూ ఆపార్టీ నేతలు వైసీపీపై ఆరోపణలు చేస్తోంది. అధికారాన్ని అడ్డంపెట్టుకుని దారుణాలకు పాల్పడుతోందని, దీంతో పల్నాడు ప్రాంతంలో శాంతిభద్రతలకు విఘాతం కలుగుతుందని ఆందోళన వ్యక్తం చేస్తోంది.

ఇప్పటికే వైసీపీ క్యాడర్ చేసిన దాడులల్లో తమ పార్టీకి చెందిన ఎంతో మంది  కార్యకర్తలు తీవ్రంగా గాయపడినట్టు టీడీపీ ఆరోపణలు చేస్తోంది. ఈ దాడుల్లో గాయపడి, కనీసం గ్రామాల్లోకి కూడా వెళ్లలేని వారి కోసం మానవతా దృక్ఫధంతో టీడీపీ గుంటూరులో పునరావాస శిబిరాన్ని సైతం ఏర్పాటు చేసింది. ఇప్పటికే కొంతమంది బాధితులు ఈ శిబిరాల్లో చేరారు. ఎమ్మెల్యే కాసు మహేశ్‌రెడ్డి అనుచరులు తమపై దాడులకు తెగబడుతున్నారని , తమ ప్రాణాలకు ముప్పు ఉందని వారు ఆందోళన వ్యక్తం చేస్తున్నారు. ఈ నేపథ్యంలో స్వయంగా టీడీపీ అధినేత చంద్రబాబు పునరావాస శిబిరాల్లో ఉన్న ఆ పార్టీ కార్యకర్తలకు ధైర్యం చెప్పి దగ్గరుండి మరీ గ్రామానికి చేర్చారు. బాధితులకు తాను అండగా ఉంటానంటూ హామీ ఇచ్చారు.

ఇది ఇలా ఉంటే.. అధికార వైసీపీ కూడా ఆయా గ్రామాల్లో పునరావాస శిబిరాలు ఏర్పాటు చేయాలని నిర్ణయించింది. గత ప్రభుత్వ హయాంలో తీవ్రంగా నష్టపోయినవారిని, అప్పటి ఎమ్మెల్యే యరపతినేని శ్రీనివాసరావు కాలంలో తీవ్రంగా ఇబ్బందులు ఎదుర్కొన్న వైసీపీ కార్యకర్తల కోసం ఈ శిబిరాన్ని పిడుగురాళ్లలో ఏర్పాటు చేస్తోంది. ప్రస్తుత ఎమ్మెల్యే కాసు మహేశ్‌రెడ్డి ఆధ్వర్యంలో ఈశిబిరం నడుస్తోంది.

పల్నాడు ప్రాంతంలో గ్రామాల్లో జరిగే ప్రతి చిన్న విషయాన్ని పెద్దగా రాద్ధాంతం చేసి రాజకీయంగా లబ్దిపొందాలని టీడీపీ భావిస్తోందని విమర్శించారు గుంటూరు జిల్లాకు చెందిన వైసీపీ ఎమ్మెల్యే అంబటి రాంబాబు. మీడియాలో వస్తున్న కథనాలు చూస్తుంటే తనకు ఆశ్చర్యం కలుగుతుందని, ఇక్కడ ఏదో జరిగిపోతుందనే విధంగా చంద్రబాబు దుష్ప్రచారానికి  తెరతీశారంటూ ఆరోపించారు. గ్రామాలను విడిచి జనం తరలిపోతున్నారని, అవసరమైతే తనమీద దాడులు చేయాలని చంద్రబాబు అనడం చూస్తుంటే వింతగా ఉందంటూ ఎద్దేవా చేశారు. గత ఎన్నికల్లో తెలుగుదేశం పార్టీని ప్రజలంతా తరిమికొట్టిన సంగతి చందబ్రాబు మర్చిపోయారేమో అంటూ వ్యాఖ్యానించారు.

ఇదిలా ఉంటే గుంటూరు జిల్లా పల్నాడులో టీడీపీ కార్యకర్తల పరిస్థితి చూస్తుంటే గుండె తరుక్కుపోతుందంటూ వ్యాఖ్యానించారు మాజీ మంత్రి లోకేశ్. రాష్ట్రంలో వైసీపీ నాయకులు అచ్చోసిన ఆంబోతుల్లా ప్రజలపై దాడులు చేస్తున్నారంటూ ఓ రేంజ్‌లో మండిపడ్డారు. పల్నాడు ప్రాంతంలో టీడీపీ కార్యకర్తలపై రాక్షసంగా ప్రవర్తిస్తున్నారని ఆరోపించారు.

పల్నాడు ప్రాంతంలో టీడీపీ నేత, మాజీ ఎమ్మెల్యే యరపతినేని శ్రీనివాసరావు కీలకంగా మారారు. ఆయన అక్రమ మైనింగ్‌కు పాల్పడినట్టు తేలడంతో ఈ కేసును సీబీఐకి అప్పగించే బాధ్యతను రాష్ట్ర ప్రభుత్వానికి వడిచిపెట్టింది. అయితే ఈ కేసుపై రాష్ట్ర ప్రభుత్వం సీబీఐకి అప్పగించాలని నిర్ణయం తీసుకుంది. యరపతినేని ప్రతిపక్ష పార్టీకి చెందిన నేత కావడంతో సీఐడీ దర్యాప్తు కొనసాగిస్తే అది కక్షసాధింపుగా భావించే అవకాశమున్నందున.. సీబీఐని వేయాలని ప్రభుత్వం నిర్ణయించిందన్నారు. టీడీపీ నేత యరపతినేనిని వైసీపీ ప్రభుత్వం టార్గెట్ చేయడంతోనే  ప్రతిపక్ష టీడీపీ ఈ విధమైన వ్యాఖ్యలు చేస్తున్నట్టుగా వైసీపీ ఆరోపిస్తోంది.

మొత్తానికి గుంటూరు జిల్లా పల్నాడులో రాజకీయ పార్టీల పునరావాసాలతో పొలిటికల్ హీట్ మరింతగా పెరిగింది. మరి రానున్న రోజుల్లో ఈ గొడవలు ఏ రూపు సంతరించుకుంటాయో చూడాల్సి ఉంది.

Related Tags