Aloo Bites Recipe: ఆలుగడ్డతో ఇలా స్నాక్స్ చేసుకుని తినండి.. ప్లేట్ మొత్తం ఖాళీ అవ్వాల్సిందే!!
చాలా మందికి డీప్ ఫ్రై స్నాక్స్ అంటే చాలా ఇష్టం. సాయంత్రం అవ్వగానే ఏదో ఒకటి తినాలని అనుకుంటారు. దీంతో బయట దొరికే ఐటెమ్స్ ని లాగించేస్తారు. వాళ్లు ఏ నూనె వాడారో.. ఎలా తయారు చేస్తారో తెలీదు. అనంతరం అనారోగ్య సమస్యలతో సతమతమవుతూంటారు. అదే ఇంట్లోనే హెల్దీగా చేసుకుని తింటే.. రుచికి రుచి.. ఆరోగ్యానికి ఆరోగ్యం మన సొంతమవుతుంది. అందులోనూ ఆలు గడ్డతో ఏ ఐటెమ్ చేసినా సూపర్ టేస్ట్ ఉంటాయి. తక్కువ సమయంలోనే ఈజీగా తయారు చేసుకోవచ్చు. ఆలూతో సింపుల్ గా తయారు చేసుకునే..
చాలా మందికి డీప్ ఫ్రై స్నాక్స్ అంటే చాలా ఇష్టం. సాయంత్రం అవ్వగానే ఏదో ఒకటి తినాలని అనుకుంటారు. దీంతో బయట దొరికే ఐటెమ్స్ ని లాగించేస్తారు. వాళ్లు ఏ నూనె వాడారో.. ఎలా తయారు చేస్తారో తెలీదు. అనంతరం అనారోగ్య సమస్యలతో సతమతమవుతూంటారు. అదే ఇంట్లోనే హెల్దీగా చేసుకుని తింటే.. రుచికి రుచి.. ఆరోగ్యానికి ఆరోగ్యం మన సొంతమవుతుంది. అందులోనూ ఆలు గడ్డతో ఏ ఐటెమ్ చేసినా సూపర్ టేస్ట్ ఉంటాయి. తక్కువ సమయంలోనే ఈజీగా తయారు చేసుకోవచ్చు. ఆలూతో సింపుల్ గా తయారు చేసుకునే స్నాక్స్ లో క్రిస్పీ బైట్స్ ఒకటి. దీన్ని ఎవరైనా, చాలా సులభంగా తయారు చేసుకోవచ్చు. మరి వీటికి కావాల్సిన పదార్థాలు ఏంటో తెలుసుకుందామా.
క్రిస్పీ ఆలూ బైట్స్ కి కావాల్సిన పదార్థాలు:
ఉడికించిన బంగాళదుంపలు – 3, బియ్యం పిండి – 3 టీ స్పూన్స్, కార్న్ ఫ్లోర్ – రెండు టీ స్పూన్స్, ఉప్పు – రుచికి సరిపడినంత, చిన్నగా తరిగిన ఉల్లిపాయ – 1, కారం – ఒక టీ సపూన్, గరం మసాలా – అర టీ స్పూన్, చిన్నగా మిరియాల పొడి – పావు టీస్పూన్, తరిగిన కొత్తిమీర, కరివేపాకు – కొద్దిగా, బ్రెండ్ క్రంబ్స్ – అర కప్పు, నూనె – డీప్ ఫ్రైకి సరిపడినంత.
తయారీ విధానం:
ముందుగా ఒక కళాయిలో నూనె పోసుకుని వేడి చేసుకోవాలి. ఈలోపు ఉడికించిన బంగాళ దుంపలను తురిమి ఒక గిన్నెలోకి వేసుకోవాలి. ఇందులో కార్న్ ఫ్లోర్, బ్రెడ్ క్రంబ్స్ తప్పించి.. మిగతా అన్ని పదార్థాలు, తగిననన్ని నీళ్లు పోసి.. బైట్స్ వచ్చేలా కలుపుకోవాలి. ఇప్పుడు చేతికి నూనె లేదా నెయ్యి రాసుకుంటూ మీకు నచ్చిన ఆకారంలో బైట్స్ ని సిద్ధం చేసుకోండి. ఆ తర్వాత వీటిని కార్న్ ఫ్లోర్ వాటర్ లో ముంచి.. ఆ తర్వాత బ్రెడ్ క్రంబ్స్ లో కోటింగ్ చేసుకోవాలి. ఇలా అన్నింటిని తయారు చేసుకున్న వాటిని.. నూనెలో వేసి.. బాగా వేగాక ప్లేట్ లోకి తీసుకోవాలి. అంతే ఎంతో టేస్టీగా ఉండే క్రిస్పీ ఆలూ బైట్స్ రెడీ. వీటిని టమాటా సాస్ తో తింటే భలే రుచిగా ఉంటాయి.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణుల నుంచి సేకరించిన సమాచారం. దీన్ని ఫాలో అయ్యే ముందు ఒకసారి వైద్యుల్ని సంప్రదించడం మేలు.