Weight Loss: బరువు తగ్గాలంటే పరుగులు పెట్టడం ఒక్కటే కాదు.. ఈ డ్రై ఫ్రూట్స్ కూడా తినండి..

Weight Loss Tips

బరువు తగ్గడానికి తెల్లవారుజామున నిద్రలేచి పరుగెత్తుతారు. వారికి ఇష్టమైన ఆహారాన్ని కూడా వదిలివేస్తారు. అయితే బరువు తగ్గడం అంత తేలికైన పని కాదు. దీనికి ఓర్పు, కృషి, అంకితభావం అవసరం. వ్యాయామంతో పాటు, మీరు ఆహారంపై పూర్తిగా దృష్టి పెట్టాలి. ఫాస్ట్ ఫుడ్ నుంచి దూరంగా ఉండాలి. బరువు తగ్గడానికి ఆహారాన్ని సరిదిద్దడం చాలా ముఖ్యం. ఆరోగ్యానికి మేలు చేసే వాటిలో కొన్ని డ్రై ఫ్రూట్స్ కూడా తీసుకోవచ్చు. వాటిని సూపర్ ఫుడ్స్ అని పిలిస్తే తప్పులేదు. వీటిలో చాలా యాంటీఆక్సిడెంట్లు ఉంటాయి. ఇవి శరీరాన్ని ఫిట్‌గా ఉంచుతాయి. ఈ డ్రై ఫ్రైట్స్‌లో ఖనిజాలు, విటమిన్లు, ప్రోటీన్లు, ఫైబర్, ఆరోగ్యకరమైన కొవ్వు వంటి వాటిని కలిగి ఉంటాయి. ఇది పొట్టలోని కొవ్వును కూడా కరిగిస్తుంది. వాటి ప్రయోజనాల గురించి తెలుసుకుందాం.

బాదం _

బాదం మంచి జీవనశైలి, బరువు తగ్గించే ఆహారంగా చాలా ఉపయోగకరంగా ఉంటుంది. ప్రోటీన్, ఫైబర్ పుష్కలంగా ఉండటం వల్ల బరువు తగ్గడంలో ప్రభావవంతంగా ఉంటుంది. ఎందుకంటే బాదంపప్పు తీసుకోవడం ద్వారా శరీరంలో శక్తి ఉత్పత్తి అవుతుంది. దీనివల్ల మీరు తక్కువ ఆహారం తీసుకుంటారు. బరువు తగ్గుతారు.

వాల్‌నట్ _

మీరు ప్రతిరోజూ కొన్ని వాల్‌నట్‌లను తింటే, అది బరువు తగ్గడంలో ప్రభావవంతంగా ఉంటుంది. ఆకలిని నియంత్రించే శక్తి కూడా దీనికి ఉంది. ఇది కాకుండా, ప్రోటీన్, విటమిన్-ఎ, డి, మెగ్నీషియం, యాంటీఆక్సిడెంట్లు, ఐరన్ కూడా ఉన్నాయి. దీని వల్ల శరీరానికి అనేక ఇతర ప్రయోజనాలు లభిస్తాయి. దీంతో గుండెకు సంబంధించిన వ్యాధులు దూరమై మధుమేహం కూడా అదుపులో ఉంటుంది.

పిస్తా _

మీరు బరువు తగ్గాలనుకుంటే, ఖచ్చితంగా ఆహారంలో చేర్చండి. ఇది కడుపు నిండుగా ఉంచుతుంది. మీరు జంక్ ఫుడ్ తినడం మానేస్తారు. ఇందులో ఉండే ఫ్లేవనాయిడ్స్, కెరోటినాయిడ్స్, ల్యూటిన్, జియాక్సంథిన్, ఆంథోసైనిన్, ప్రోయాంతోసైనిడిన్ వంటి యాంటీ ఆక్సిడెంట్లు గుండె జబ్బుల ప్రమాదాన్ని తగ్గిస్తాయి. ఇది కాకుండా, చక్కెర స్థాయి, కొలెస్ట్రాల్, తక్కువ రక్తపోటు, వాపు కూడా తగ్గుతుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం