Shaik Madar Saheb |
Mar 31, 2021 | 5:57 AM
Flax Seeds Benefits: అవిసె గింజలు.. వీటి గురించి చాలామందికి పెద్దగా తెలిసి ఉండదు. కానీ వీటి వల్ల ఎన్ని ఆరోగ్య ప్రయోజనాలు ఉంటాయో తెలసుకుంటే మాత్రం అస్సలు వదిలిపెట్టరు. ఈ అవిసె గింజలను రోజూ వారి ఆహారంలో తీసుకుంటే.. ఎన్నో రకాల రోగాల నుంచి ఉపశమనం పొంది ఆరోగ్యవంతంగా ఉండవచ్చని నిపుణులు పేర్కొంటున్నారు.
ఈ అవిసె గింజల్లో అధికంగా ఫైబర్ ఉంటుంది. దీంతో ఒమేగా-3, యాంటీ ఇన్ఫెమేటరీ స్వభావం ఎక్కువగా ఉంటాయి. వీటిని తీనడం వల్ల గుండెకు మేలు జరుగుతుందని.. హృదయ సంబంధిత వ్యాధులనుంచి ఉపశమనం పొందవచ్చని పేర్కొంటున్నారు.
కీళ్ల నొప్పులు, వాపులు, కీళ్ల వాతం నిర్మూలనకు అవిసె గింజలు దివ్యఔషధంలా పనిచేస్తాయి. అయితే.. వీటిని వేయించి పొడి చేసి ఆహార పదార్ధాలలో కలుపుకొని తినవచ్చు. దీంతోపాటు పొడిని నీటిలో కలుపుకొని తాగవచ్చు.
అవిసె గింజలు రోజూ ఉపయోగించడం వల్ల జీర్ణవ్యవస్థ ప్రక్రియ మెరుగుపడుతుంది. అతిసారం, మలబద్ధకం వంటి సమస్యలు తొలిగిపోతాయి. ఉదరం సమస్యలను నియంత్రిస్తాయి.
రక్తంలోని షుగర్ లెవెల్స్ ను నియంత్రించడంలో అవిసెగింజలు బాగా సహాయపడతాయి. వీటిని తరచు తీసుకుంటే మధుమేహం బారిన త్వరగా పడే అవకాశముందని వైద్య నిపుణులు పేర్కొంటున్నారు.