Workouts after Corona: కరోనా నుంచి కోలుకున్నాకా.. ఎన్నిరోజుల తరువాత వ్యాయామాలు చేయొచ్చు? నిపుణులు ఏం చెబుతున్నారు?
Workouts after Corona: కరోనా మహమ్మారి మనుషుల ఆరోగ్యాన్ని చిదిమేస్తోంది. కరోనా నుంచి కోలుకున్నాకా ఎక్కువగా కనిపించే దీర్ఘకాలిక ప్రభావం బలహీనత.
Workouts after Corona: కరోనా మహమ్మారి మనుషుల ఆరోగ్యాన్ని చిదిమేస్తోంది. కరోనా నుంచి కోలుకున్నాకా ఎక్కువగా కనిపించే దీర్ఘకాలిక ప్రభావం బలహీనత. కరోనా నుంచి కోరుకున్న తరువాత వ్యాధి లక్షణాలు తగ్గినప్పటికీ, చాలా మంది ప్రజలు అలసటతో బాధపడుతున్నారు. చాలామంది వ్యాయామం చేయడానికి లేదా రోజువారీ కార్యకలాపాలను నిర్వహించడానికి పరిమిత సామర్థ్యాన్ని కలిగి ఉంటారు. కోలుకున్న తర్వాత చాలా మంది రోగులు కండరాల నొప్పిని కూడా అనుభవిస్తారు. చాలామంది ఫిట్‌నెస్ కోసం ఎప్పుడూ వ్యాయామాలు చేసే అలవాటు ఉన్నవారు ఉంటారు. వారికి కరోనా సోకి తగ్గిన తరువాత చాలా ఇబ్బందిగా పరిస్థితి మారుతుంది. చాలా మందిలో కరోనా తగ్గిన తరువాత వర్కౌట్స్ ఎప్పటి నుంచి మొదలు పెట్టాలి? అనే సందేహం ఉంటుంది. కోవిడ్ నుంచి కోలుకున్నాకా వచ్చే శారీరక ఇబ్బందులను మెల్లగా తొలగించుకుంటూ వర్కౌట్స్ మొదలు పెట్టాలనుకునే వారికోసం వైద్యులు ఏం చెబుతున్నారో ఒక సారి పరిశీలిస్తే..
కోలుకున్న వెంటనే, కోవిడ్ మీ శరీరాన్ని బలహీనంగా చేస్తుంది అందువల్ల ఫిట్‌నెస్ సెషన్‌ కోసం తొందర పడకూడదు. శారీరక శ్రమ వెంటనే చేయడం మంచిది కాదు. నెమ్మదిగా అదేవిధంగా స్థిరమైన వ్యాయామ షెడ్యూల్ సిద్ధం చేసుకోవాలి. వ్యాయామం చేసినపుడు ఊపిరితిత్తుల్లో ఆక్సిజన్ శాతం తగ్గుతుంది. అందువల్ల కోవిడ్ వచ్చి తగ్గిన తరువాత వేగవంతంగా వ్యాయామాలు చేయడం మంచిది కాదని వైద్యులు చెబుతున్నారు.
మీరు ఇంట్లో సాధారణ పనులను తిరిగి ప్రారంభించవచ్చు, కానీ, ఆ విషయంలో ఒత్తిడికి గురికావద్దు. శ్వాస వ్యాయామాలు అలాగే, ప్రాణాయామం వెంటనే చేయడానికి మంచివి. మీరు ఇంట్లో ప్రతి ప్రత్యామ్నాయ రోజున 15-30 నిమిషాలు చురుకైన నడక ద్వారా మీ వ్యాయామాలు ప్రారంభించవచ్చు. మీరు తీవ్రమైన వ్యాయామాలు చేయడంఇష్టపడేవారైతే, అందుకోసం ఒక నెల పాటు ఆగాల్సి ఉంటుంది. కోవిడ్ నుండి కోలుకున్న సుమారు 30 రోజుల తరువాత, పుష్-అప్స్ అలాగే, కండరాల నిర్మాణ వ్యాయామాలు చేయవచ్చని వైద్యులు సూచిస్తున్నారు.
లక్షణాలు లేకుండా కరోనా సోకి, తగ్గిన వారి విషయానికి వస్తే, వారి శరీరంలో కోవిడ్ వైరస్ ప్రభావాన్ని అంచనా వేసుకోవాల్సి ఉంటుంది. రోగి లక్షణరహితంగా ఉంటే, కండరాలు కదిలే విధంగా 15-20 నిమిషాలు చురుకైన నడకతో వ్యాయామాలు ప్రారంభించావచ్చు. ఇది మంచిది కూడా. కరోనా నుంచి కోలుకున్న వారు రోగనిరోధక శక్తిని పెంచుకోవాడంపై ఎక్కువ దృష్టి పెట్టాలి. మీరు కోవిడ్‌ను ఓడించారు అనేది మంచి విషయం. అయినప్పటికీ, మీ శారీరక వ్యవస్థను బలోపేతం చేయడానికి మీరు రోగనిరోధక శక్తిని పెంచే పానీయాలు అలాగే, ఆరోగ్యకరమైన ఆహారాన్ని తీసుకోవడం కొనసాగించాలి. ఆవిరి పీల్చడం, లోతైన శ్వాస వ్యాయామాలు చేయడం రోగనిరోధక శక్తిని పునర్నిర్మించడానికి దానిని స్థిరీకరించడానికి సహాయపడే ఉత్తమ మార్గాలు అని నిపుణులు అంటున్నారు.
ప్రతిరోజూ 8-10 గ్లాసుల నీరు తాగడం తప్పనిసరి. ప్రతి అరగంటకూ ఒకసారి కనీసం 200 మిల్లీలీటర్ల నీరు తాగడం ద్వారా హైడ్రేట్ గా ఉండేలా చూసుకోవాలి. అదేవిధంగా మీ స్వంత పరిమితుల ప్రకారం వ్యాయామం చేయాలి. అతి వ్యాయామం కోవిడ్ నుంచి కోలుకున్న వ్యక్తులు చేయడం అంత మంచిది కాదు. వ్యాధి నుంచి కోలుకున్నతరువాత కనీసం నెలరోజుల పాటు వేచి చూసి అప్పుడు వ్యాయామాలు ప్రారంభిస్తే మంచింది. అప్పుడు కూడా ఒక పధ్ధతి ప్రకారం మొదట చిన్నగా మొదలు పెట్టి తరువాత శారీరం అనుమతించే విధంగా మెల్లగా పెంచుకుంటూ వెళ్ళొచ్చు. వ్యాయామం చేస్తున్న సమయంలో శ్వాసకు సంబంధించి ఏవైనా సమస్యలు ఎదురైతే వెంటనే వైద్యుల సలహా తప్పనిసరిగా తీసుకోవాలని నిపుణులు చెబుతున్నారు.
CHINA MYSTERY CAVE: కరోనా మూలాలు గబ్బిలాల్లో..! చైనా గుహలపై వాల్‌స్ట్రీట్ జర్నల్ సంచలన కథనం