మహిళలూ జర జాగ్రత్త.. ఈ లక్షణాలు కనిపిస్తే అస్సలు లేట్ చేయకండి.. యమడేంజర్..

క్యాన్సర్.. ఈ మహమ్మారి పేరు వినగానే ప్రతి ఒక్కరు వణికిపోతారు. అయితే మహిళల్లో వచ్చే ఒక నిర్దిష్ట క్యాన్సర్ మొదట్లో సాధారణ సమస్యలలో దాగి ఉంటుందని మీకు తెలుసా? అవును, తెలియకపోతే ఈ విషయాలను తెలుసుకోవాలని నిపుణులు సూచిస్తున్నారు.. ప్రస్తుత కాలంలో చాలా మంది అండాశయ క్యాన్సర్ బారిన పడుతున్నారు. ఈ అండాశయ క్యాన్సర్ (Ovarian Cancer)చాలా ప్రమాదకరమైనది.. ప్రారంభ దశలో దాని లక్షణాలను గుర్తించడం కష్టం అవుతుంది. అండాశయ క్యాన్సర్ అనేది మహిళలను ప్రభావితం చేసే తీవ్రమైన వ్యాధి.. ప్రారంభ దశలో లక్షణాలు అస్పష్టంగా ఉంటాయి.. ఇది తరచుగా ఆలస్యంగా గుర్తించబడుతుంది. అయితే దీనికి పెద్దగా భయపడాల్సిన పనిలేదని వైద్య నిపుణులు చెబుతున్నారు. ఎందుకంటే.. కొన్ని ముందస్తు సంకేతాలను పసిగట్టడం ద్వారా మీరు ఈ వ్యాధిని ముందుగానే గుర్తించి, చికిత్స పొంది ఆరోగ్యంగా ఉండగలరు. అండాశయ క్యాన్సర్ 5 ప్రారంభ లక్షణాలు ఏంటో ఇప్పుడు తెలుసుకోండి..

Ovarian Cancer లక్షణాలు..

కడుపు నొప్పి – వాపు: అండాశయ క్యాన్సర్ అత్యంత సాధారణ లక్షణాలు. పొత్తికడుపు దిగువ భాగంలో నిరంతర నొప్పి లేదా అసౌకర్యం.. ముఖ్యంగా భోజనం తర్వాత లేదా పీరియడ్స్ సమయంలో నొప్పి రావడం ఈ వ్యాధికి సంకేతం. అలాగే, తరచుగా కడుపులో వాపు లేదా ఉబ్బినట్లు అనిపించడం కూడా ఒక లక్షణం.

త్వరగా కడుపు నిండిన అనుభూతి – ఆకలి లేకపోవడం: మీరు కొంచెం తిన్న తర్వాత కడుపు నిండినట్లు అనిపిస్తే, తక్కువ ఆకలిగా అనిపిస్తే, దానిని నిర్లక్ష్యం చేయవద్దు. ఇది అండాశయ క్యాన్సర్ ప్రారంభ సంకేతం కూడా కావచ్చు.

తరచుగా మూత్రవిసర్జన: మీరు ఎటువంటి కారణం లేకుండా తరచుగా మూత్రవిసర్జన చేస్తుంటే, ముఖ్యంగా రాత్రి సమయంలో, అది అండాశయ క్యాన్సర్ లక్షణం కావచ్చు.

మలబద్ధకం లేదా అతిసారం: మలబద్ధకం లేదా అతిసారం ఎటువంటి కారణం లేకుండా అకస్మాత్తుగా మొదలవుతుంది. మీ ఆహారంలో లేదా దినచర్యలో మార్పులకు అనుసంధానం చేయడం ద్వారా దీనిని పూర్తిగా వివరించలేము.. ఇలాంటి పరిస్థితులు తరచూ కనిపిస్తుంటే.. ఇది కూడా అండాశయ క్యాన్సర్ సంకేతాలు కావచ్చు.

అసాధారణ రక్తస్రావం: మీకు పీరియడ్స్ మధ్య లేదా మెనోపాజ్ తర్వాత కూడా రక్తస్రావం ఉంటే, వెంటనే వైద్యుడిని సంప్రదించండి. ఇది అండాశయ క్యాన్సర్ లక్షణం కావచ్చు.

ఈ లక్షణాలు అండాశయ క్యాన్సర్ మాత్రమే కాకుండా ఇతర ఆరోగ్య సమస్యలు కూడా కావచ్చు. కానీ ఈ లక్షణాలు ఏవైనా కనిపిస్తే, వైద్యుడిని సంప్రదించండి. ప్రారంభ రోగ నిర్ధారణ, చికిత్సతో, ఈ తీవ్రమైన వ్యాధిని ఓడించడం సాధ్యమవుతుంది.

మిమ్మల్ని మీరు ఆరోగ్యంగా ఉంచుకోవడం ఎలా?

• ముఖ్యంగా మీరు 50 ఏళ్లు పైబడిన వారైతే, క్రమం తప్పకుండా గైనకాలజిస్ట్‌తో చెక్ చేయించుకోండి.
• మీ కుటుంబంలో అండాశయ క్యాన్సర్ చరిత్ర ఉన్నట్లయితే, దాని గురించి మీ వైద్యునితో మాట్లాడి సలహాలు, సూచనలు తీసుకోండి..
• ఆరోగ్యకరమైన బరువును నిర్వహించండి.
• క్రమం తప్పకుండా వ్యాయామం చేయండి.
• ధూమపానం మానుకోండి.
• క్రమంతప్పకుండా పౌష్టికాహారం తీసుకోవాలి.

మరిన్ని హెల్త్ వార్తల కోసం ఇక్కడ క్లిక్ చేయండి..