2019 రివైండ్ః ప్రేక్షకులు మెచ్చిన టాలీవుడ్ చిత్రాలు ఇవే..!

87 ఏళ్ళ తెలుగు చిత్రసీమలో ఎన్నో అద్భుతమైన సినిమాలు ఇండస్ట్రీ హిట్స్ కాగా.. మరెన్నో చిత్రాలు దారుణమైన డిజాస్టర్లుగా నిర్మాతలకు కోట్లలో లాస్ తెచ్చిపెట్టాయి. ప్రతి ఏడాది టాలీవుడ్‌లో చిన్న, పెద్ద చిత్రాలన్నీ అన్ని కలిపితే దాదాపు 200 సినిమాలకు పైగా విడుదలవుతుంటాయి. ఇక ఎప్పటిలానే ఈ 2019 సంవత్సరంలో కూడా చాలా సినిమాలు విడుదల అయ్యాయి. కొన్ని బాక్స్ ఆఫీస్ దగ్గర డిజాస్టర్లు కాగా.. మరికొన్ని ఇండస్ట్రీ హిట్స్ అయ్యాయి. మరి ఇప్పటివరకు ప్రేక్షకులు బ్రహ్మరథం పట్టిన మూవీస్ మీద మనం కూడా ఓ లుక్కేద్దాం.

ఎఫ్ 2 (ఫన్ అండ్ ఫ్రస్టేషన్)…

విక్టరీ వెంకటేష్, వరుణ్ తేజ్ ప్రధాన పాత్రల్లో దర్శకుడు అనిల్ రావిపూడి తెరకెక్కించిన ‘ఎఫ్ 2’ 2019 సంక్రాంతికి ప్రేక్షకుల ముందుకు వచ్చింది. ‘పెటా’, ‘వినయ విధేయ రామ’ వంటి బడా చిత్రాలు ఆ తరుణంలో విడుదలైనా.. ఈ చిత్రం ఫుల్ లెంగ్త్ కామెడీ ఎంటర్టైనర్‌గా ప్రేక్షకులను అలరించింది. అంతేకాక పండగకు ఈ మూవీ పెద్ద బ్లాక్‌బస్టర్‌గా నిలిచింది.

కల్కి….

యాంగ్రీ స్టార్ రాజశేఖర్ ప్రధాన పాత్రలో ప్రశాంత్ వర్మ తెరకెక్కించిన చిత్రం ‘కల్కి’.  సస్పెన్స్ థ్రిల్లర్ నేపథ్యంతో రూపొందిన ఈ చిత్రం ప్రేక్షకులను విపరీతంగా ఆకట్టుకుంది. చాలా ఏళ్ళ తర్వాత వెండితెరపై రీ-ఎంట్రీ ఇచ్చిన రాజశేఖర్‌కు ఈ సినిమా పెద్ద హిట్ ఇవ్వడమే కాకుండా.. ఆయన కెరీర్‌కు బూస్ట్ అప్ ఇచ్చిందని చెప్పాలి. పూజిత పొన్నాడ, నందిత శ్వేతా, ఆదా శర్మ హీరోయిన్లుగా నటించిన ఈ చిత్రం 2019లో బెస్ట్ సస్పెన్స్ థ్రిల్లర్స్‌లో ఒకటని చెప్పొచ్చు.

మహర్షి…

సూపర్ స్టార్ మహేష్ బాబు 25వ చిత్రంగా తెరకెక్కింది ‘మహర్షి’. మహేష్ కెరీర్‌లోనే ఇదొక మైల్‌స్టోన్ అని చెప్పొచ్చు. యాక్షన్, మెసేజ్, ఎమోషన్స్ ఒకటేమిటి ఇలా అన్ని కూడా ఈ మూవీలో సమపాళ్ళులో ఉన్నాయి. ఈ ఏడాది బెస్ట్ మూవీస్‌లో ఒకటిగా నిలిచిన ‘మహర్షి’ మహేష్‌కు మెమరబుల్ మూవీగా మిగిలిపోయింది.

మజిలీ…

నవీన్ పోలిశెట్టి హీరోగా వచ్చిన చిత్రం ‘ఏజెంట్ సాయి శ్రీనివాస ఆత్రేయ’. డిటెక్టీవ్, మర్డర్ మిస్టరీ కథాంశంతో రూపొందిన ఈ చిత్రానికి ప్రేక్షకులు బ్రహ్మరథం పట్టారు. 2019లో చిన్న సినిమాగా వచ్చి బాక్స్ ఆఫీస్ దగ్గర పెద్ద బ్లాక్‌బస్టర్‌గా మారింది.

బ్రోచేవారెవరురా…

తమిళ హిట్ మూవీ ‘రత్ససన్’కు తెలుగు రీమేక్‌గా తెరకెక్కిన ఈ చిత్రంలో బెల్లంకొండ శ్రీనివాస్, అనుపమ పరమేశ్వరన్ ప్రధాన పాత్రలు పోషించారు. మాతృకకు ఏ మాత్రం తీసిపోకుండా.. గ్రిప్పింగ్ స్క్రీన్‌ప్లేతో దర్శకుడు రమేష్ వర్మ చిత్రాన్ని అద్భుతంగా తెరకెక్కించాడు. వరుస ఫెయిల్యూర్స్‌లో ఉన్న హీరో, హీరోయిన్, దర్శకుడికి ఈ చిత్రం బిగ్ బూస్ట్ ఇవ్వడమే కాకుండా బ్లాక్ బస్టర్ హిట్‌గా నిలిచింది.

గద్దలకొండ గణేష్…

తమిళ కల్ట్ మూవీ ‘జిగర్ తండా’ ఆధారంగా ‘గద్దలకొండ గణేష్’ తీశారు. పూర్తి నెగటివ్ క్యారెక్టర్‌లో నటించిన వరుణ్ తేజ్.. ఈ సినిమాకు హైలైట్‌గా నిలిచాడు. గ్యాంగ్‌స్టర్‌ రోల్‌లో జీవించాడని చెప్పాలి. అథర్వ మురళీ, మృణాళిని రవి, పూజా హెగ్డేలు కీలక పాత్రలు పోషించిన ఈ సినిమాకు హరీష్ శంకర్ దర్శకుడు. పక్కా కమర్షియల్ ఎలిమెంట్స్‌తో తెరకెక్కిన ఈ చిత్రం పెద్ద హిట్ సాధించింది.

సైరా నరసింహా రెడ్డి…

తొలి స్వాతంత్ర్య సమరయోదుడు ఉయ్యాలవాడ నరసింహారెడ్డి కథతో రూపొందిన చిత్రం ‘సైరా నరసింహరెడ్డి’. ఇందులో మెగాస్టార్ చిరంజీవి, నయనతార, అమితాబ్ బచ్చాన్, సుదీప్, జగపతి బాబు, విజయ్ సేతుపతి తదితరులు ముఖ్యపాత్రలలో నటించారు. ఈ సినిమాకి దర్శకత్వం సురేంద్ర రెడ్డి వహించారు,  కొణిదెల ప్రొడ‌క్ష‌న్స్ బ్యానర్‌లో హీరో రామ్ చ‌ర‌ణ్ ఈ చిత్రాన్ని నిర్మించారు. తెలుగు రాష్ట్రాల్లో ఈ చిత్రం ఎంతటి బ్లాక్‌బస్టర్ విజయాన్ని సాధించిందో అందరికి తెలిసిందే.

జార్జ్ రెడ్డి…

‘జార్జ్ రెడ్డి’… ఇండియన్ చేగువేరా అని చెప్పాలి. ధైర్యం, సాహసానికి ప్రతీకగా ఈ పేరు నిలుస్తుంది. 1967లో ఉస్మానియా యూనివర్సిటీలో విద్యార్థి ఉద్యమాలకు బీజం వేసిన జార్జ్ రెడ్డి అనే విద్యార్థి నాయకుడి జీవిత కథ ఆధారంగా జార్జ్ రెడ్డి సినిమాను తెరకెక్కించారు. యూనివర్సిటీలో చదువుతూ ఎన్నో విద్యార్థి ఉద్యమాలకు తిరుగులేని నాయకుడిగా ఎదిగిన జార్జ్ రెడ్డిని చిన్న వయసులోనే కొందరు ప్రత్యర్ధులు క్యాంపస్‌లోనే హత్య చేశారు. 1965-75 మధ్య ఉస్మానియా యూనివర్సిటీలో చదువుకున్న ప్రతీ విద్యార్థికి జార్జ్ జీవితం గురించి తెలుసు. అలాంటి టెరిఫిక్ లీడర్ జీవితకథను ఈ తరానికి తెలిసే విధంగా ఈ మూవీను రూపొందించారు. కలెక్షన్స్ పరంగా నిరాశపరిచినా.. ఈ సినిమాను విమర్శకులు, ప్రేక్షకులు మంచి సినిమాగా పట్టం కట్టారని చెప్పాలి.