Maharaja 2 Movie: మహారాజ మళ్లీ వస్తున్నాడు.. ఈసారి విజయ్ సేతుపతితో పాటు ఆ స్టార్ హీరో కూడా.. రికార్డులు బద్దలే

Vijay Sethupathi

విజయ్ సేతుపతి , అనురాగ్ కశ్యప్ ప్రధాన పాత్రల్లో నటించిన చిత్రం మహారాజ. గతేడాది విడుదలైన ఈ చిత్రం అటు థియేటర్లలోనూ ఇటు ఓటీటీలోనూ రికార్డులు బద్దలు కొట్టింది. విమర్శకుల ప్రశంసలు సైతం అందాయి. ఒక రివేంజ్ యాక్షన్ థ్రిల్లర్ ను ఇలా కూడా తెరకెక్కించా? అనే రీతిలో తన టేకింగ్ తో ఆడియెన్స్ ను మెస్మరైజ్ చేశారు దర్శకుడు నితిలన్ సామినాథన్. ముఖ్యంగా విజయ్ సేతుపతి పాత్ర అందరినీ కదిలించింది. కన్నీళ్లు పెట్టించింది. ఈ సినిమాకు భారతదేశంలోనే కాకుండా దుబాయ్, జపాన్, అమెరికా ఇతర దేశాల్లోనూ భారీ వసూళ్లు దక్కాయి. ఇప్పుడీ బ్లాక్ బస్టర్ సినిమాకు సీక్వెల్ వస్తోంది. ‘మహారాజా 2’ విడుదలకు రంగం సిద్ధమవుతోంది. నితిలన్ స్వామినాథన్ ‘మహారాజా 2’ చిత్రానికి దర్శకత్వం వహించాలని నిర్ణయించుకున్నారు. ‘బాహుబలి 2’ తప్ప మన దేశంలో మొదటి భాగం కంటే బాగా ఆడిన సినిమాలు చాలా తక్కువ అని గమనించాలి. ఇప్పుడు ‘మహారాజా’ సినిమా మొదటి భాగం బ్లాక్ బస్టర్ హిట్ అయ్యింది. మరి ఇప్పుడు ‘మహారాజా 2’ సినిమా ప్రేక్షకుల అంచనాలను అందుకుంటుందో లేదో చూడాలి.

మహారాజ మొదటి చిత్రాన్ని నిర్మించిన సుధన్ సుందరం, జగదీష్ పళనిస్వామి, విజయ్ సేతుపతే రెండో పార్ట్ ను కూడా నిర్మించనున్నారు. ఈ చిత్రంలోనూ విజయ్ సేతుపతి ప్రధాన పాత్రలో నటించనున్నారు. కానీ ఇతర పాత్రలు మారుతాయని తెలుస్తోంది. సినిమా కథ కూడా మారుతుంది. మొదటి భాగం కథకు, రెండవ భాగం కథకు ఎలాంటి సంబంధం లేదని చెబుతున్నారు.

ఈసారి పుష్ప విలన్ కూడా..

‘మహారాజా 2’ సినిమా చైనాలో ‘బాహుబలి 2’ సినిమా రికార్డును బద్దలు కొట్టింది. అలాగే ఈ సినిమా జపాన్‌లో భారీ వసూళ్లు సాధించింది. ఓవరాల్ గా దాదాపు 15 కోట్ల బడ్జెట్‌తో నిర్మించిన ‘మహారాజా’ చిత్రం బాక్సాఫీస్ వద్ద 300 కోట్లకు పైగా వసూలు చేసింది. ‘మహారాజా 2’ సినిమాలో విజయ్ సేతుపతితో మలయాళ స్టార్ నటుడు ఫహద్ ఫాసిల్ కనిపించనున్నాడని తెలుస్తోంది.

మరిన్ని సినిమా వార్తల కోసం ఇక్కడ క్లిక్ చేయండి.