Varudu Kavalenu: వరుడు కావలెను నుంచి మరో సాంగ్.. ఆకట్టుకుంటున్న వడ్డాణం పాట..
యంగ్ హీరో నాగశౌర్య ప్రధాన పాత్రలో నటిస్తున్న లేటెస్ట్ చిత్రం వరుడు కావలెను. ఫ్యామిలీ ఎంటర్‌టైనర్‌గా రూపొందుతున్న
యంగ్ హీరో నాగశౌర్య ప్రధాన పాత్రలో నటిస్తున్న లేటెస్ట్ చిత్రం వరుడు కావలెను. ఫ్యామిలీ ఎంటర్‌టైనర్‌గా రూపొందుతున్న ఈ సినిమాలో రీతూవర్మ హీరోయిన్‌గా నటిస్తుంది. ఈ చిత్రాన్ని పీడీవీ ప్రసాద్ సమర్పణలో సితార ఎంటర్టైన్మెంట్స్ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తుండగా.. లక్ష్మీ సౌజన్య దర్శకత్వం వహిస్తున్నారు. ఇటీవలే షూటింగ్ పూర్తిచేసుకున్న ఈ మూవీ త్వరలోనే ప్రేక్షకుల ముందుకు రానుంది. ఈ క్రమంలోనే ఈ మూవీ నుంచి వరుస అప్డేట్స్ ఇస్తూ..సినిమా పై ఆసక్తిని కలిగిస్తున్నారు మేకర్స్. ఇటీవలే ఈ మూవీ నుంచి విడుదలైన దిగు దిగు నాగ పాటకు మంచి రెస్పాన్స్ వచ్చింది.తాజాగా ఈ మూవీ నుంచి మరో లిరికల్ సాంగ్ విడుదల చేసింది చిత్రయూనిట్.
తాజాగా ఈ సినిమా నుంచి వడ్డాణం అనే ఫన్ అండ్ పెప్పీ పాటను విడుదల చేసింది చిత్రూయనిట్. వడ్డాణం చుట్టేసి వచ్చారే భామలు..వయ్యారం చిందేసే అందాల బొమ్మలు అంటూ సాగే ఈ పాట ప్రేక్షకులను ఆకట్టుకుంటుంది. విడుదలైన కాసేపటికే యూట్యూబ్లో దూసుకుపోతుంది. కంప్లీట్ ఫ్యామిలీ ఎంటర్‌టైనర్‌గా వస్తున్న ఈ సినిమా అక్టోబర్ 15న ప్రేక్షకుల ముందుకు రానుంది. ఈ సినిమాలో నదియా, మురళీశర్మ, వెన్నెల కిశోర్, ప్రవీణ్, హర్ష వర్ధన్ ముఖ్యపాత్రల్లో కనిపించనున్నారు. ఇక ఈ సినిమానే కాకుండా.. టు సంతోష్‌ జాగర్లపూడి దర్శకత్వంలో లక్ష్య సినిమా చేస్తున్నాడు.. సోనాలి నారంగ్ సమర్పణలో శ్రీ వేంకటేశ్వర సినిమాస్‌ ఎల్‌ఎల్‌పి, నార్త్‌స్టార్‌ ఎంటర్‌టైన్‌మెంట్‌ పతాకాలపై నిర్మాతలు నారయణదాస్ కె. నారంగ్, పుస్కూర్‌ రామ్‌మోహన్‌రావు, శరత్‌ మరార్ సంయుక్తంగా ఈ చిత్రాన్ని నిర్మిస్తున్నారు. ఇందులో శౌర్యకు జోడీగా కేతిక శర్మ హీరోయిన్‌గా నటిస్తుంది. స్పోర్ట్స్ నేపథ్యంలో తెరకెక్కుతున్న ఈ సినిమాలో జగపతి బాబు కీలక పాత్రలో నటిస్తున్నారు. ఇప్పటికే ఈ మూవీ నుంచి విడుదలైన పోస్టర్స్ ఆకట్టుకున్నాయి. ఈ సినిమా నవంబర్ 12న విడుదల కానుంది.
వీడియో..
Also Read: Annatthe: విడుదలకు సిద్ధమైన SP బాలు పాట.. అన్నాత్తే నుంచి ఫస్ట్ సాంగ్ రిలీజ్ ఎప్పుడంటే..