Tollywood : ఫలిస్తున్నప్రొడ్యూసర్స్ గిల్డ్ నిర్ణయం.. రెమ్యునరేషన్ తగ్గిస్తామన్న స్టార్ హీరోలు
సినిమా బడ్జెట్లు పెరిగిపోవడంతో దానిని ఎలా నియంత్రించాలన్న దానిపై ప్రొడ్యూసర్స్ గ్లిడ్ ఓ కీలక నిర్ణయం తీసుకున్న విషయం తెలిసిందే. ఆగస్టు 1 నుంచి సినిమా షూటింగ్ ను నిలిపివేయాలని నిర్ణయించుకున్నారు.
సినిమా బడ్జెట్లు పెరిగిపోవడంతో దానిని ఎలా నియంత్రించాలన్న దానిపై ప్రొడ్యూసర్స్ గిల్డ్ ఓ కీలక నిర్ణయం తీసుకున్న విషయం తెలిసిందే. ఆగస్టు 1 నుంచి సినిమా షూటింగ్ ను నిలిపివేయాలని నిర్ణయించుకున్నారు. దాంతో షూటింగ్ దశలో ఉన్న బడా సినిమాలన్నీ ఆగిపోనున్నాయి. పెద్ద పెద్ద స్టార్ హీరోల సినిమాలు ప్రస్తుతం షూటింగ్ దశలో ఉన్నాయి. దాంతో స్టార్ హీరోలు రెమ్యునరేషన్ తగ్గించుకునేందుకు అంగీకరించారని తెలుస్తోంది. సినిమా బడ్జెట్ కంట్రోల్ లో భాగంగా జూనియర్ ఎన్టీఆర్, రామ్ చరణ్, అల్లు అర్జున్ తో నిర్మాత దిల్ రాజు సంప్రదింపులు జరిపారు. ముగ్గురు హీరోలు తమ రెమ్యునరేషన్ తగ్గించుకునేందుకు అంగీకారం తెలిపారని సమాచారం.
అలాగే ఓటీటీల విషయాల్లోనూ నిర్ణయాలు తీసుకోనున్నారని తెలుస్తోంది. పెద్ద సినిమాలను 10 వారలతర్వాత, చిన్న సినిమాలు నాలుగు వారల తర్వాత ఓటీటీలో రిలీజ్ చేయాలని ప్రొడ్యూసర్స్ గిల్డ్ నిర్ణయం పైన కూడా చర్చ జరుగుతోందని తెలుస్తోంది. అలాగే కార్మికుల వేతనాల పై కూడా సంప్రదింపులు జరుపుతున్నారు నిర్మాతలు. అయినా కూడా ఆగస్టు 1 నుంచి కొన్ని రోజుల పాటు షూటింగ్ లను నిలిపివేయాలని ప్రొడ్యూసర్స్ గిల్డ్ నిర్ణయించుకుంది. మరి చరణ్, తారక్, బన్నీ తోపాటు మిగిలిన హీరోలు కూడా తమ రెమ్యునరేషన్ తగ్గించుకుంటారేమో చూడాలి.
