Thamanna: డిజిటల్ ప్రాజెక్ట్స్‌తోపాటు బుల్లితెర పై కూడా సందడి చేయనున్న మిల్కీబ్యూటీ..
మిల్కీ బ్యూటీ తమన్నా ట్రెండ్ మార్చారు. ఇన్నాళ్లు గ్లామర్ హీరోయిన్‌గా సిల్వర్‌ స్క్రీన్‌ షేక్ చేసిన ఈ బ్యూటీ.. ఇప్పుడు రొమాంటిక్‌ రోల్స్‌కు నో అంటే నో అనేస్తున్నారు.
Thamanna: మిల్కీ బ్యూటీ తమన్నా ట్రెండ్ మార్చారు. ఇన్నాళ్లు గ్లామర్ హీరోయిన్‌గా సిల్వర్‌ స్క్రీన్‌ షేక్ చేసిన ఈ బ్యూటీ.. ఇప్పుడు రొమాంటిక్‌ రోల్స్‌కు నో అంటే నో అనేస్తున్నారు. కొంత కాలంగా క్యారెక్టర్స్‌ విషయంలో సెలెక్టివ్‌గా ఉన్న ఈ బ్యూటీ.. తన రోల్‌కు ఇంపార్టెన్స్‌ ఉంటేనే సినిమాకు గ్రీన్ సిగ్నల్ ఇస్తున్నారు. రీసెంట్‌గా డిజిటల్ ఎంట్రీలోనూ సత్తా చాటారు ఈ బ్యూటీ. 11th అవర్‌తో డిజిటల్ ఆడియన్స్‌ను ఫిదా చేసిన మిల్కీ బ్యూటీ … తరువాత నవంబర్‌ స్టోరీస్‌తో నేషనల్ లెవల్‌లో సౌండ్ చేశారు. అదే జోరులో మరిన్ని డిజిటల్ ప్రాజెక్ట్స్‌ కు రెడీ అవుతున్నారు. నాట్‌ ఓన్లీ డిజిటల్ కాన్సెప్ట్స్.. కంటెంట్‌ ఎగ్జైటింగ్‌ ఉంటే బుల్లితెరకు కూడా రెడీ అంటున్నారు.
తాజాగా తమన్నా ఓ కుకరీ షో హోస్ట్ చేసేందుకు రెడీ అవుతున్నారన్న టాక్ వినిపిస్తోంది. ఇంటర్‌నేషనల్‌ లెవల్‌లో పాపులర్ అయిన మాస్టర్ చెఫ్‌ తెలుగు వర్షన్‌కు తమన్నా హోస్ట్‌గా వ్యవహరించే ఛాన్స్ కనిపిస్తోంది. ఈ షో తమిళ వర్షన్‌కు సంబంధించి ఈ మధ్యే ఎనౌన్స్‌మెంట్ వచ్చింది. విజయ్‌ సేతుపతి కోలీవుడ్‌లో ఈ షోను హోస్ట్ చేస్తున్నారు. అదే షోను తెలుగులో తమన్నాతో ప్లాన్ చేస్తున్నారట మేకర్స్‌. ఇక తమన్నా సినిమాల విషయానికొస్తే ప్రస్తుతం సంపత్ నంది దర్శకత్వంలో తెరకెక్కుతున్న సీటీమార్ సినిమాలో నటిస్తుంది. ఈ సినిమాలో మ్యాచో హీరో గోపీచంద్ నటిస్తున్నాడు. అలాగే సత్య దేవ్ హీరోగా నటిస్తున్న గుర్తుందా శీతాకాలం సినిమాలో చేస్తుంది. ఇలా సినిమాలతో మరోవైపు టీవీ షోలతోనూ బిజీ గా ఉంది తమన్నా.
మరిన్ని ఇక్కడ చదవండి :