Tamannah: మెగాహీరో సినిమాలో స్పెషల్ సాంగ్లో మెరవనున్న మిల్కీబ్యూటీ ..?
టాలీవుడ్ మిల్కీ బ్యూటీ తమన్నా దూకుడు ప్రస్తుతం కాస్త తగ్గినట్టు కనిపిస్తోంది. బాహుబలి సినిమా వరకు ఈ అమ్మడు వరుస సినిమాలతో దూసుకుపోయింది.
Tamannah: టాలీవుడ్ మిల్కీబ్యూటీ తమన్నా దూకుడు ప్రస్తుతం కాస్త తగ్గినట్టు కనిపిస్తోంది. బాహుబలి సినిమా వరకు ఈ అమ్మడు వరుస సినిమాలతో దూసుకుపోయింది. బ్యాక్ టూ బ్యాక్ సినిమాలతో రెచ్చిపోయింది. కానీ ఈ మధ్య కాలంలో తమన్నా నుంచి సినిమాలు చాలా తక్కువగా వస్తున్నాయి. హీరోయిన్ గానే కాకుండా ఐటమ్ సాంగ్స్తో కూడా అలరిస్తోంది ఈ చిన్నది. బెల్లంకొండ సాయి శ్రీనివాస్ నటించిన అల్లుడు శీను సినిమాలో స్పెషల్ సాంగ్లో మొదటిసారి కనిపించింది. ఆ తర్వాత గతంలో జై లవకుశ, కేజీఎఫ్ మరియు సరిలేరు నీకెవ్వరు సినిమాల్లో కూడా స్పెషల్ సాంగ్స్తో ఆకట్టుకుంది. తాజాగా ఇప్పుడు మెగా హీరో సినిమాలో ఐటెమ్ సాంగ్లో మెరవబోతుంది ఈ బ్యూటీ.
మెగా హీరో వరుణ్ తేజ్ నటిస్తోన్న గని సినిమాలో తమన్నా అదిరిపోయే ఐటమ్ సాంగ్లో కనిపించనుందని వార్తలు వినిపిస్తున్నాయి. వరుణ్ తేజ్ హీరోగా కిరణ్ కొర్రపాటి దర్శకత్వంలో రూపొందుతోన్న గని సినిమా షూటింగ్ స్పాట్లో తమన్నా కనిపించడంతో ఆమె ఐటెం సాంగ్ చేస్తుందనే వార్తలు పుట్టుకొస్తున్నాయి. స్పోర్ట్స్ బ్యాడ్రాప్ లో రాబోతోన్న గని సినిమాలో బాక్సర్ గా కనిపించనున్నాడు వరుణ్. ఈ సినిమా కోసం బాక్సింగ్ లో ప్రత్యేక శిక్షణ కూడా తీసుకున్నాడు. ప్రస్తుతం సత్యదేవ్ నటిస్తున్న గుర్తుందా శీతాకాలం, ఎఫ్ 3, సీటీమార్ సినిమాలో హీరోయిన్ గా నటిస్తూ.. మాస్టర్ చెఫ్ టీవీ షో కు హోస్టింగ్ చేస్తోంది తమన్నా. మరి గని సినిమాలో తమన్నా ఐటెమ్ సాంగ్ పై త్వరలోనే క్లారిటీ వచ్చే అవకాశం ఉంది.
మరిన్ని ఇక్కడ చదవండి :