20 ఏళ్ల కుర్రాడికి 60 ఏళ్ల భార్యనా.. ఎలా.. ?  ఆసక్తికరంగా ‘సావిత్రి w/o సత్యమూర్తి’ పోస్టర్..

Savithri Satyamurthi

ఇటీవల కాలంలో పెద్ద సినిమాల కంటే చిన్న సినిమాలను ప్రేక్షకులు ఆదరిస్తున్నాయి. సరికొత్త కాన్సెప్ట్‏తో ప్రేక్షకుల ముందుకు వస్తున్న చిన్న సినిమాలు సూపర్ హిట్ అందుకుంటున్నాయి. హీరోహీరోయిన్స్‏తో సంబంధం లేకుండా.. కథ నచ్చితేచాలు.. జై కొట్టేస్తున్నారు ప్రేక్షకులు. తాజాగా రెగ్యులర్ ఫార్మాట్‏కు పూర్తి భిన్నంగా 20 ఏళ్ల కుర్రాడికి 60 ఏళ్ల భార్య అనే కాన్సెప్ట్‏తో సినిమా తెరకెక్కిస్తున్నారు కొత్త దర్శకుడు చైతన్య కొండ. వైవిధ్యమైన కాన్సెప్ట్‎తో రూపొందిస్తున్న ఈ చిత్రానికి సావిత్రి w/o సత్యమూర్తి అనే టైటిల్ ఖరారు చేశారు. తాజాగా ఈ మూవీకి సంబంధించిన ఫస్ట్‏లుక్ విడుదల చేసింది చిత్రయూనిట్.

ఈ సినిమాలో హాస్యనటి శ్రీలక్ష్మి, కేరింత ఫేమ్ పార్వతీశం ప్రధాన పాత్రలలో నటించగా.. వారెడ్డి, సుమన్ శెట్టి, గౌతంరాజు, అనంత్, జెన్ని, సుబ్బరాయశర్మ, కోట శంకరావు, పద్మజయంతి కీలక పాత్రలలో నటిస్తున్నారు. ఈ సినిమాను ఏ1 క్రియేషన్స్ బ్యానర్ పై నరేంద్ర నిర్మిస్తుండగా.. ఇందులో శ్రీలక్ష్మి, పార్వతీశం భార్యభర్తలుగా కనిపించనున్నారు. తాజాగా విడుదలైన మూవీ ఫస్ట్‏లుక్ పోస్టర్ ప్రేక్షకులను ఆకట్టుకుంటుంది. ‘సావిత్రి w/o సత్యమూర్తి’ మూవీ కంప్లీట్ ఫ్యామిలీ ఎంటర్‌టైనర్ అని, కుటుంబసమేతంగా అంతా కలిసి చూడదగ్గ మంచి వినోదాత్మక సినిమా అని చిత్రయూనిట్ తెలిపింది.  ఇప్పటికే షూటింగ్ పూర్తిచేసుకున్న ఈమూవీ త్వరలోనే ఆడియన్స్ ముందుకు రానున్నట్లుగా తెలుస్తోంది. ఈ సినిమాకు సత్య కశ్యప్ సంగీత అందిస్తున్నారు.

Also Read: Singer Smita: రేపు హైదరాబాద్ గోషామహాల్‏లో ఫ్రీ వ్యాక్సినేషన్ డ్రైవ్.. వివరాలను షేర్ చేసిన సింగర్  స్మిత.. 

Pushpa Shooting: కోలుకున్న సుకుమార్‌.. చిన్న బ్రేక్‌ తర్వాత మళ్లీ మొదలైన పుష్ప షూటింగ్‌. హైదరాబాద్‌లో…

Anchor Syamala: ఉయ్యాలో.. జంపాలో.. కొడుకుతో ఆటలాడుతున్న స్టార్‌ యాంకర్

Sonu Sood: రోడ్డుపక్కన ఉన్న జూస్ షాపులో సడన్‌‌‌గా ప్రత్యక్షమైన సోనూసూద్ ..