Pushpa 2 : ‘అప్పుడే మైండ్‌లో ఫిక్సయ్యా.. పుష్ప2 లో కుమ్మేద్దామని’: రష్మిక మందన్నా
ఐకాన్ స్టార్ అల్లు అర్జున్ హీరోగా నటించిన పుష్ప 2 చిత్రం డిసెంబర్ 05న ప్రపంచ వ్యాప్తంగా విడుదల కానుంది. ప్రమోషన్లలో భాగంగా సోమవారం (డిసెంబర్ 02)న హైదరాబాద్ లో పుష్ప గాడి వైల్డ్ ఫైర్ జాతర ఈవెంట్ నిర్వహించారు.
అల్లు అర్జున్ నటించిన పుష్ప 2 సినిమా మరికొన్ని గంటల్లో ప్రేక్షకుల ముందుకు రానుంది. డిసెంబర్ 05న ఈ మూవీ ప్రేక్షకుల ముందుకు రానుంది. దీంతో ప్రమోషన్ కార్యక్రమాలు మరింత స్పీడ్ అందుకున్నాయి. రోజు ఏదో ఒక అప్ డేట్ ఇస్తున్నారు మేకర్స్. ప్రమోషన్లలో భాగంగా సోమవారం (డిసెంబర్ 09)లో హైదరాబాద్ లో ప్రత్యేక ఈవెంట్ నిర్వహించారు. ఈ కార్యక్రమానికి చిత్ర బృందంతో పాటు పలువురు సినీ ప్రముఖులు హాజరయ్యారు. ఈ సందర్భంగా నేషనల్ క్రష్ రష్మిక మందన్న మాట్లాడుతూ… “అందరూ బాగున్నారా? మేము దేశం వ్యాప్తంగా ఈ సినిమా ప్రమోట్ చేయడానికి తిరిగాం. కానీ నేను ఎక్కడ ఎక్కువగా మాట్లాడలేదు. ఈరోజు కొంచెం టైం తీసుకుని అయినా మాట్లాడుతాను. పుష్ప 1 చేస్తున్నప్పుడే పుష్ప 2లో ఇంతకంటే బాగా చేయాలనుకున్నాను. సుకుమార్ గారి దర్శకత్వంలో అల్లు అర్జున్ గారితో నటిస్తూ నా పూర్తి పెర్ఫార్మన్స్ ఇచ్చాను. ఈరోజు నేను ఇలా నటిస్తున్నాను అంటే అది కేవలం సుకుమార్ , అల్లుఅర్జున్ వల్లే. సుకుమార్ గారు సాధారణంగా చాలా సైలెంట్ గా ఉంటారు. పుష్ప 1 చేసేటప్పుడు ఎలా మాట్లాడాలి, ఏం మాట్లాడాలి అనుకున్నాను. కానీ పుష్ప 2 సమయంలో చాలా సౌకర్యంగా ఫీల్ అవుతూ మాట్లాడుకునేవాళ్లం’
‘సుకుమార్ గారి దర్శకత్వంలో ఇంకొక సినిమాకు అవకాశం వస్తుందని ఆశిస్తున్నాను. సుకుమార్అంటే నాకు అంత ఇష్టం. ఈ సినిమా కోసం ఆయన ఎంత కష్టపడుతున్నారు అనేది అందరికీ కనిపిస్తుంది. ఈ సినిమాతో మీరు ఈ రాష్ట్ర దేశ సరిహద్దులు దాటి అంతర్జాతీయ స్థాయిలో నిలిచిపోవాలని కోరుకుంటున్నాను. అలాగే మైత్రి మూవీ మేకర్స్ తో పనిచేయడం నాకు ఎంత సంతోషంగా ఉంది. మరిన్ని సినిమాలు మీతో కలిసి చేయడానికి నేను మీకు చూస్తాను. ఈ సినిమా మంచి హిట్ అయ్యి మీకు డబ్బులు తీసుకురావాలని కోరుకుంటున్నాను. అలాగే డిఓపీ సినిమాలో ప్రతి ఫ్రేమ్ ని ఒక పెయింటింగ్ లా చూపించారు. అలాగే ఈ చిత్రం కోసం 5 సంవత్సరాలపాటు ఇంతగా కష్టపడిన చిత్ర బృందానికి నా ధన్యవాదాలు. దేవిశ్రీ ప్రసాద్ గారికి ప్రత్యేక ధన్యవాదాలు. శ్రీలీల చేసిన డాన్స్ తో నా హార్ట్ కిస్సిక్ అయిపోయింది. చివరిగా అల్లు అర్జున్ గారి గురించి చెప్పాలంటే మీతో కలిసి నటించడం ఒక అదృష్టంగా భావిస్తున్నాను. మీరు సరిహద్దులు దాటి వెళ్లేలా చేశారు. ఈ సినిమా ప్రపంచ వ్యాప్తంగా వైల్డ్ ఫైర్ కావలి అని ప్రార్థిస్తున్నాను. అలాగే అభిమానులకు ప్రేక్షకులకు ఎప్పుడు రుణపడి ఉంటాను” అన్నారు.
పుష్ప 2 హైదరాబాద్ ఈవెంట్లో రష్మిక మందన్నా ఫుల్ స్పీచ్.. వీడియో ఇదిగో..
.మరిన్ని సినిమా వార్తల కోసం ఇక్కడ క్లిక్ చేయండి.