Prabhas Salar: డ‌బుల్ ధ‌మాకా.. ఒక్క‌టి కాదు రెండు. పాన్ ఇండియా చిత్రాల న‌యా ట్రెండ్.. ప్ర‌భాస్‌కూడా అదే బాట‌లో.?
Prabhas Salar: ప్ర‌స్తుతం పాన్ ఇండియా చిత్రాల హ‌వా బాగా పెరిగింది. ముఖ్యంగా తెలుగు సినిమాలు దేశ వ్యాప్తంగా అన్ని భాష‌ల్లో విడుద‌ల‌వుతున్నాయి. అంతేకాకుండా సినిమాను రెండు భాగాలుగా విడుదల చేయ‌డం ఇప్పుడో ట్రెండ్‌గా...
Prabhas Salar: ప్ర‌స్తుతం పాన్ ఇండియా చిత్రాల హ‌వా బాగా పెరిగింది. ముఖ్యంగా తెలుగు సినిమాలు దేశ వ్యాప్తంగా అన్ని భాష‌ల్లో విడుద‌ల‌వుతున్నాయి. అంతేకాకుండా సినిమాను రెండు భాగాలుగా విడుదల చేయ‌డం ఇప్పుడో ట్రెండ్‌గా న‌డుస్తోంది. గ‌తంలో కేవ‌లం సీక్వెల్‌కే ప‌రిమిత‌మైన ఈ ట్రెండ్ ఇప్పుడు సినిమాను రెండు భాగాలుగా విడుద‌ల‌కు దారి తీసింది. ఈ కొత్త ర‌కం ట్రెండ్‌కు శ్రీకారం చుట్టింది బాహుబ‌లి అని చెప్ప‌డంలో ఎలాంటి సందేహం లేదు.
తాజాగా అల్లుఅర్జున్ న‌టిస్తోన్న పుష్పను కూడా రెండు భాగాలుగా విడుదల చేయ‌నున్న‌ట్లు వార్తలు వ‌చ్చిన విష‌యం తెలిసిందే. సినిమా క‌థ దృష్ట్యా పుష్ప చిత్రాన్ని రెండు పార్టులుగా విడుదల చేయాని చిత్ర యూనిట్ భావిస్తోంది. ఇదిలా ఉంటే తాజాగా ఈ జాబితాలోకి ప్ర‌భాస్ హీరోగా తెర‌కెక్కుతోన్న స‌లార్ చిత్రం కూడా వచ్చి చేరిన‌ట్లు వార్తలు వ‌స్తున్నాయి. సినిమా క‌థా, బ‌డ్జెట్ దృష్ట్యా స‌లార్‌ని రెండు భాగాలుగా విడుదల చేయాల‌ని ద‌ర్శ‌కుడు ప్ర‌శాంత్ నీల్ తెరెక్కిస్తున్న‌ట్లు స‌మాచారం. ప్ర‌శాంత్ ద‌ర్శ‌క‌త్వంలో వ‌చ్చిన కేజీఎఫ్ చిత్రాన్ని కూడా రెండు పార్టులుగా తెర‌కెక్కిస్తోన్న విష‌యం విధిత‌మే. మ‌రి ఈ వార్త‌ల్లో ఎంత వ‌ర‌కు నిజం ఉందో తెలియాలంటే అధికారిక ప్ర‌క‌ట‌న వ‌చ్చే వ‌ర‌కు వేచి చూడాల్సిందే. ఇదిలా ఉంటే జ‌న‌వ‌రిలో ప్రారంభ‌మైన స‌లార్ చిత్ర షూటింగ్ క‌రోనా కార‌ణంగా వాయిదా ప‌డింది. ప్ర‌స్తుతం ప‌రిస్థితులు మెరుగుప‌డ‌డంతో చిత్రీక‌ర‌ణ‌ను తిరిగి ప్రారంభించేందుకు చిత్ర యూనిట్ సిద్ధ‌మ‌వుతున్న‌ట్లు స‌మాచారం.
Also Read: Saranga Dariya: నెమలి లాంటి నాట్యానికి, కోయిల లాంటి గాత్రానికి ఎన్నో రికార్డులు… ( వీడియో )
Shahid Kapoor: నాని నటన అద్భుతం.. ‘జెర్సీ’ సినిమా చూసి చాలా సార్లు ఏడ్చేశాను… షాహిద్ కపూర్..