Pooja Hegde: మీ ఇద్దరిని స్ర్కీన్‌పై ఎప్పుడెప్పుడు చూద్దామా అని అనిపిస్తోంది.. చరణ్‌, తారక్‌ న్యూ లుక్స్‌పై పూజా హెగ్డే..

ప్రస్తుతం టాలీవుడ్‌తో పాటు యావత్‌ భారతీయ సినిమా పరిశ్రమ ఆసక్తిగా ఎదురుచూస్తోన్న చిత్రం ‘ఆర్‌ ఆర్‌ ఆర్‌’. దర్శకధీరుడు రాజమౌళి తెరకెక్కిస్తోన్న ఈ పాన్‌ ఇండియా సినిమాలో మెగాపవర్‌ స్టార్‌ రామ్‌చరణ్‌, యంగ్‌ టైగర్‌ ఎన్టీఆర్‌ హీరోలుగా నటిస్తున్నారు. అలియా భట్‌, ఒలివియా మోరీస్‌, శ్రియా శరణ్‌, అజయ్‌ దేవ్‌గణ్‌ తదితరులు ప్రధాన పాత్రలు పోషిస్తున్నారు. కరోనా కారణంగా ఇప్పటికే పలుమార్లు వాయిదా పడిన ఈ చిత్రం ఎట్టకేలకు విడుదలకు సిద్ధమైంది. వచ్చే ఏడాది జనవరి 7న సంక్రాంతి కానుకగా ప్రపంచవ్యాప్తంగా ప్రేక్షకుల ముందుకు ఈ చిత్రాన్ని తీసుకొచ్చేందుకు దర్శక నిర్మాతలు సన్నాహాలు చేస్తున్నారు. కాగా సినిమా రిలీజ్‌ డేట్‌ దగ్గరపడుతోన్న నేపథ్యంలో చిత్ర బృందం ప్రమోషన్‌ కార్యక్రమాలను వేగవంతం చేసింది. ఇందులో భాగంగానే డిసెంబర్‌ 9న ‘ఆర్‌ ఆర్‌ ఆర్‌’ సినిమా ట్రైలర్‌ను విడుదల చేయనున్నట్లు ప్రకటించింది.

కాగా ఈ సినిమాలో కొమురం భీమ్‌ పాత్రలో ఎన్టీఆర్‌, అల్లూరి పాత్రలో రామ్‌చరణ్‌ కనిపించనున్నారు. ఈక్రమంలో ట్రైలర్‌కు ముందే ప్రేక్షకులకు వరుస సర్‌ప్రైజ్‌లు ఇచ్చింది చిత్ర బృందం. సోమవారం ఉదయం సినిమాలోని ఎన్టీఆర్‌, రామ్‌చరణ్‌ కొత్త లుక్స్‌ను విడుదల చేసింది. ఇవి అభిమానులను ఎంతగానో ఆకట్టుకుంటున్నాయి. తాజాగా స్టార్ హీరోయిన్ పూజా హెగ్డే ఈ పోస్టర్లపై స్పందించింది. ట్విట్టర్‌ వేదికగా ‘రాజమౌళి సర్‌ చేసిన ఈ ఎమోషనల్ డ్రైవ్‌ను చూసేందుకు చాలా ఆసక్తిగా ఎదురు చూస్తున్నాను. రామ్ చరణ్, ఎన్టీఆర్‌లు ఇద్దరూ కూడా ఫెంటాస్టిక్‌గా కనిపిస్తున్నారు. మీ ఇద్దరినీ స్ర్కీన్‌పై ఎప్పుడెప్పుడు చూద్దామా అని అనిపిస్తోంది’ అని ప్రశంసించింది. కాగా పూజా హెగ్డే ప్రస్తుతం ప్రభాస్ సరసన ‘రాధేశ్యామ్‌’ సినిమాలో నటిస్తోంది. రాధాకృష్ణ దర్శకత్వం వహిస్తున్నారు. కాగా ఈ పీరియాడిక్‌ వింటేజ్‌ లవ్‌స్టోరీని కూడా సంక్రాంతి కానుకగా జనవరి 14న విడుదల చేసేందుకు దర్శకనిర్మాతలు సన్నాహాలు చేస్తున్నారు.

Also read:

Salaar: సలార్ సినిమా సీన్స్ పై ప్రశాంత్ నీల్ అసంతృప్తి.. రీ షూట్ చేసేందుకు సిద్ధమైన డైరెక్టర్..

Bigg Boss 5 Telugu: అలాంటివారికి నువ్వే ఆదర్శం.. పింకీపై ప్రశంసలు కురిపించిన మెగాబ్రదర్‌..

Megastar Chiranjeevi: స్పీడ్ పెంచిన చిరంజీవి.. మెగా డిసెంబర్ అంటూ నెట్టింట్లో చిరు మేనియా..