pawan kalyan: అయ్యప్పనుమ్ కోషియమ్ రీమేక్ లోమార్పులు.. పవన్ కోసం ఆ సీన్స్ యాడ్ చేస్తున్నారట..
పవర్ స్టార్ పవన్ కళ్యాణ్ ఇటీవల వకీల్ సాబ్ గా మారి సంచలన విజయాన్ని సొంతం చేసుకున్నారు. కొంతకాలం గ్యాప్ తర్వాత పవన్ నటించిన...
pawan kalyan: పవర్ స్టార్ పవన్ కళ్యాణ్ ఇటీవల వకీల్ సాబ్ గా మారి సంచలన విజయాన్ని సొంతం చేసుకున్నారు. కొంతకాలం గ్యాప్ తర్వాత పవన్ నటించిన ఈ సినిమా మొదటి షో నుంచే బ్లాక్ బస్టర్ టాక్ ను అందుకుంది. వేణు శ్రీరామ్ దర్శకత్వం వహించిన ఈ సినిమా బాలీవుడ్ సినిమా పింక్ కు రీమేక్ గా తెరకెక్కింది. ఈ సినిమాలో పవన్ పవర్ ఫుల్ లాయర్ పాత్రలో నటించి ఆకట్టుకున్నారు. ఈ సినిమా తర్వాత పవన్ కళ్యాణ్ అయ్యప్పనుమ్ కోషియమ్ రీమేక్ లో నటిస్తున్న విషయం తెలిసిందే. ఈ సినిమాలో రానా మరో హీరోగా నటిస్తున్నారు. ఈ మల్టీస్టారర్ సినిమాకు సాగర్ చంద్ర దర్శకత్వం వహిస్తున్నాడు. ఈ సినిమా ఇటీవలే రెగ్యులర్ షూటింగ్ ప్రారంభం అయ్యింది. ఈ మూవీలో పవర్ స్టార్ పవర్ ఫుల్ పోలీస్ పాత్రలో కనిపించనున్నారు. ఈ సినిమా షూటింగ్ శరవేగంగా జరుగుతుంది. ఇప్పటికే పవన్ పైన సన్నివేశాలను మొదలు పెట్టేసాడు దర్శకుడు. ఈ మేరకు ఒక మేకింగ్ వీడియోను కూడా రిలీజ్ చేశారు. ఇక మలయాళం ఒరిజనల్ స్టోరీని తెలుగు నేటివిటీకి తగ్గట్టుగా మార్పులు చేర్పులు జరిగాయని తెలుస్తుంది. కాగా ఈ సినిమాలో పవన్ సరసన సాయి పల్లవి హీరోయిన్ గా నటిస్తున్నదని..అలాగే రానా కు జోడీగా ఐశ్వర్య రాజేష్ ను ఎంపిక చేసేఅవకాశాలు ఉన్నాయని వార్తలు వస్తున్నాయి. పవన్ లాంటి స్టార్ ఉన్నారు కాబట్టి ఫ్లాష్ బ్యాక్ ని పెడుతున్నామని ఇటీవల ప్రొడ్యూసర్ నాగవంశీ వెల్లడించారు. అయితే వకీల్ సాబ్ సినిమాలో ఫ్లాష్ బ్యాక్ ప్రేక్షకులను కాస్త నిరాశకు గురిచేసింది. అనవసరంగా ఆ సీన్స్ పెట్టారంటూ ఫ్యాన్స్ ఫీల్ అయ్యారు. ఇప్పుడు ఈ సినిమాలో కూడా ఫ్లాష్ బ్యాక్ యాడ్ చేస్తుండటంతో అభిమానుల మధ్య డిస్కషన్ మొదలైంది. మరి ఈ ఫ్లాష్ బ్యాక్ ఎపిసోడ్ ఎలా ఉండబోతుందో చూడాలి.
మరిన్ని ఇక్కడ చదవండి :