సంక్షోభ స‌మ‌యంలో సినిమా షూటింగులపై ప‌వ‌న్ మ‌న‌సులో మాట‌..

Pawan Kalyan : రాజకీయాల్లో బిజీ అయిన ప‌వ‌న్ క‌ళ్యాణ్..కొంత‌కాలం సినిమా ప‌రిశ్ర‌మ‌కు దూర‌మైన సంగ‌తి తెలిసిందే. కాగా ఇటీవ‌ల ఆయ‌న వ‌ర‌స సినిమాల‌కు గ్రీన్ సిగ్న‌ల్ ఇవ్వ‌డంతో పాటు బిజీ షెడ్యూల్స్ లో తీరిక లేకుండా షూటింగ్ చేశారు. కానీ ఊహించ‌ని విధంగా క‌రోనా మ‌హ‌మ్మారి వీర‌విహారం చేయ‌డంతో చిత్రీక‌ర‌ణ‌ల‌కు బ్రేక్ ప‌డింది. తాజాగా పవన్ కల్యాణ్ త‌న‌ కొత్త సినిమా ప్రాజెక్టుల గురించి అభిప్రాయాన్ని వెల్లడించారు. ప్ర‌స్తుతం షూటింగ్ చేసే పరిస్థితులు లేవని, సినిమాల షూటింగులకు కరోనా వైరస్ ఆటంకంగా ఉందని పేర్కొన్నారు. ఎవరికి వైర‌స్ సోకినా సమస్యే అని వ్యాఖ్యానించారు.

ప్ర‌జంట్ పవన్ కల్యాణ్ ‘వకీల్ సాబ్’ సినిమాతో పాటు క్రిష్ దర్శకత్వంలోని మరో చిత్రం సెట్స్ మీద ఉన్నాయి. జనసేన పార్టీ కార్యక్రమాలను నడుపుతూనే మరో వైపు ఆ సినిమాల చిత్రీకరణల్లో పాల్గొంటూ వచ్చారు ప‌వ‌న్. కరోనా మహమ్మారి తీసుకొచ్చిన ఆరోగ్య విపత్తుతో చిత్రసీమ స్తంభించిపోయింది. సినిమాల షూటింగ్స్ నిలిచిపోయాయి. పవన్ కల్యాణ్ సినిమాలు మళ్ళీ ఎప్పుడు మొదలవుతాయనే చర్చ అటు ఆయన అభిమానుల్లోనూ… ఇటు చిత్ర వర్గాల్లోనూ ఉంది. ఈ విష‌యంపై ఇటీవ‌ల‌ ఇంటర్వ్యూలో మాట్లాడిన‌ పవన్ కల్యాణ్ కొత్త సినిమా ప్రాజెక్టుల గురించి తన అభిప్రాయాన్ని వెల్లడించారు.

ప్రశ్న: మీ కొత్త సినిమా ప్రాజెక్టుల గురించి ఏమైనా చెబుతారా?

ప‌వ‌న్ స‌మాధానం: కరోనా వల్ల అన్నీ ఆగిపోయాయి. అవి ఎప్పుడు మొదలవుతాయో తెలియదు. సామాజిక దూరం పాటించాలి. తొందరపడి షూటింగులు చేసుకున్నా కష్టమే. ఆ మధ్యన కొంత మంది ఆంధ్రప్రదేశ్ ప్రభుత్వాన్ని, కేసీఆర్ గారిని కలిశారు. అనుమతులు ఇచ్చినప్పటికీ షూటింగ్ చేసే పరిస్థితులు లేవు. ఎవరికైనా కరోనా సోకితే.. ఉదాహరణకు మొన్న అమితాబచ్చన్ గారికి వచ్చింది. ముఖ్య నటులకు వచ్చినా.. ఎవరికి వచ్చినా.. ఇబ్బందే. వ్యాక్సిన్ వచ్చే వరకు ఒక నిస్సహాయతతో అంతా వెయిట్ చేస్తూ ఉండాల్సిందే.

ఇది కూడా చ‌ద‌వండి : సినిమా పుట్టిన నాలుగేళ్లకే కైకాల జ‌న‌నం.. విభిన్న‌మైన పాత్ర‌ల‌తో చెర‌గ‌ని ముద్ర‌..