‘సారంగదరియా’ సెన్సెషనల్ .. సౌత్ ఇండియాలో ఆ రికార్డ్ సాధించిన ఏకైక సాంగ్.. సాయిపల్లవి క్రేజ్ మాములుగా లేదుగా..
Sarangadariya Song: సారంగదరియా... ఇప్పుడు ఈ సాంగ్ యూట్యూబ్లో రచ్చ చేస్తుంది. "దాని కుడీ భుజం మీద కడవా.. దాని గుత్తెపు రైకలు మెరియా.. అది రమ్మంటె రాదురా సెలియా.. దాని పేరే సారంగదరియా"...అంటూ
Sarangadariya Song: ‘సారంగదరియా’… ఇప్పుడు ఈ సాంగ్ యూట్యూబ్లో రచ్చ చేస్తుంది. “దాని కుడీ భుజం మీద కడవా.. దాని గుత్తెపు రైకలు మెరియా.. అది రమ్మంటె రాదురా సెలియా.. దాని పేరే సారంగదరియా”…అంటూ సాగే ఈ జానపద పాట ప్రతి ఒక్కరిని ఎంతగానో ఆకట్టుకుంటుంది. నాగ చైతన్య, సాయి పల్లవి జంటగా శేఖర్ కమ్ముల దర్శకత్వంలో తెరకెక్కుతున్న ‘లవ్ స్టోరీ’ మూవీలో నుంచి విడుదలైన ఈ పాట సరికొత్త రికార్డులు సృష్టిస్తుంది. సుద్దాల అశోక తేజ రాసిన లిరిక్స్ను.. సింగర్ మంగ్లీ అద్భుతంగా ఆలపించగా… హీరోయిన్ సాయిపల్లవి మెరుపుతీగల వేసిన స్టెప్పులకు ప్రతిఒక్కరు ఫిదా అయిపోయారు. ముఖ్యంగా ‘సారంగ దరియా’ పాటకు సాయిపల్లవి టైమింగ్, ఎనర్జీ, ఎక్స్ ప్రెషన్స్, ఇన్వాల్వ్మెంట్ ప్రధాన ఆకర్షణ అయ్యాయి. దీంతో ఈ పాటకు ఎంతో మంది తమదైన స్టైల్లో స్టెప్పులేస్తూ.. ఎంజాయ్ చేస్తున్నారు.
ఇటీవలే విడుదలై అతి తక్కువ కాలంలోనే యూట్యూబ్లో 75 మిలియన్ వ్యూస్ క్రాస్ చేసి కొత్త రికార్డును క్రియేట్ చేసిన ఈ సాంగ్ ఇప్పుడు మరో కొత్త రికార్డు క్రియేట్ చేసింది. కేవలం 32 రోజుల్లోనే 100 మిలియన్ వ్యూస్ సాధించింది. సౌతిండియాలో మరే లిరికల్ సాంగ్ ఇంత తక్కువ సమయంలో వంద మిలియన్ మార్క్ చేరుకోలేదు. ‘రౌడీ బేబీ’, ‘బుట్ట బొమ్మ’ వంటి సంచలన పాటలు కూడా లిరికల్ సాంగ్ వ్యూస్ లో ‘సారంగ దరియా’ కంటే వెనకబడ్డాయి. ఫిబ్రవరి 28న ఆదిత్య మ్యూజిక్ ఛానెల్ లో అప్ లోడ్ అయిన ‘సారంగ దరియా’ పాట తొలి రోజు నుంచే శ్రోతలను ఆకట్టుకుంటుంది. రోజూ రోజూకు ఈ పాట ప్రతివారి మదిని తాకుతూ.. మిలియన్స్ కొద్ది వ్యూస్ సాధిస్తూ.. రికార్డుల మోత మోగిస్తుంది. ఇక ఈ పాటకు మ్యూజిక్ డైరెక్టర్ పవన్ సీహెచ్ అందించిన క్యాచీ ట్యూన్ హైలెట్గా చెప్పుకోవచ్చు.
“లవ్ స్టోరి” సినిమాలో ‘సారంగదరియా’ పాటను తీసుకోవాలి అని దర్శకుడు శేఖర్ కమ్ముల చేసిన ఆలోచన నూటికి నూరు శాతం హిట్ అయ్యింది. మొత్తంగా ఈ సినిమాకు ‘సారంగ దరియా’ డ్రైవింగ్ ఫోర్స్ అయ్యిందని చెప్పొచ్చు. రేవంత్, మౌనిక లవ్ స్టోరిని ఏప్రిల్ 16న ప్రేక్షకుల ముందుకు తీసుకొస్తున్నట్లుగా చిత్రయూనిట్ ప్రకటించిన సంగతి తెలిసిందే. ఈ చిత్రాన్ని శ్రీ వెంకటేశ్వర సినిమాస్ ఎల్ఎల్ పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్నాయి. ఇందులో రాజీవ్ కనకాల, ఈశ్వరీ రావు, దేవయాని ఇతర కీలక పాత్రల్లో నటించారు.
సాంగ్..
Also Read: