Naga Chaitanya: ఎంత మంచి వాడివయ్యా! అతని బర్త్‌డేను గ్రాండ్‌గా సెలబ్రేట్ చేసిన నాగ చైతన్య.. వీడియో

Naga Chaitanya

లవ్ స్టోరీ వంటి బ్లాక్ బస్టర్ హిట్ తర్వాత అక్కినేని నాగ చైతన్య, సాయిపల్లవి జంటగా నటిస్తోన్న చిత్రం తండేల్. మత్స్యకారుల బ్యాక్‌ డ్రాప్‌లో చందు మొండేటి ఈ సినిమాను తెరకెక్కిస్తున్నారు. గీతా ఆర్ట్స్‌ బ్యానర్‌పై బన్నీవాసు అత్యంత ప్రతిష్ఠాత్మకంగా తండేల్ ను నిర్మిస్తున్నారు. ఇప్పటికే రిలీజైన పోస్టర్స్, టీజర్స్, సాంగ్స్ సినిమాపై అంచనాలను పెంచేశాయి. ఇదిలా ఉండగా.. హీరో నాగచైతన్య మరోసారి తన విశాల హృదయాన్ని చాటుకున్నారు. తన పర్సనల్ అసిస్టెంట్ వెంకటేష్ పుట్టిన రోజును గ్రాండ్ గా సెలబ్రేట్ చేశాడు. తండేల్ సినిమా కేక్ కట్ చేసి అతనికి జన్మదిన శుభాకాంక్షలు తెలిపారు. హీరోయిన్ సాయి పల్లవి, డైరెక్టర్ చందూ మొండేటి కూడా ఈ సెలబ్రేషన్స్ లో భాగమయ్యారు. అసిస్టెంట్ నోరు తీపి చేసి పుట్టిన రోజు శుభాకాంక్షలు తెలిపారు.దీనికి సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది. తన వ్యక్తిగత సిబ్బందిని కూడా సొంత కుటుంబ సభ్యుల్లా చూసుకుంటున్నాడంటూ చైతన్యపై అభిమానులు, నెటిజన్లు ప్రశంసల వర్షం కురిపిస్తున్నారు.

తండేల్ సినిమాలో జాలరి రాజు పాత్రలో నాగచైతన్య, సత్య పాత్రలో సాయిపల్లవి కనిపించనున్నారు. దేవిశ్రీ ప్రసాద్‌ ఈ సినిమాకు స్వరాలు సమకూరుస్తున్నారు.కాగా తండేల్ మూవీ సినిమా కోసం పూర్తిగా తన లుక్ మార్చుకున్నాడు నాగ చైతన్య. జుట్టు, గడ్డం పెంచేసి రగ్గడ్ లుక్ లోకి మారిపోయాడు. చైతూతో పాటు సాయి పల్లవి కూడా ఈ సినిమాలో ఢీ గ్లామర్ లుక్‏లో కనిపించనున్నారు. ఇప్పటికే చాలా భాగం షూటింగ్ పూర్తి చేసుకున్న తండేల్ ఈ ఏడాది దసరాకు ప్రేక్షకుల ముందుకు రానుందని సమాచారం. త్వరలోనే దీనిపై క్లారిటీ రానుంది.

అసిస్టెంట్ పుట్టిన రోజు వేడుకల్లో నాగ చైతన్య, సాయి పల్లవి..

తండేల్ సెట్ లో నాగచైతన్య, సాయి పల్లవి..

మరిన్ని సినిమా వార్తల కోసం ఇక్కడ క్లిక్ చేయండి.