Megastar Chiranjeevi: సిద్ధ పాత్ర రామ్ చరణ్ చేయకపోతే పవన్ కళ్యాణ్ బెస్ట్.. మెగాస్టార్ చిరంజీవి కామెంట్స్ వైరల్..
మెగాస్టార్ చిరంజీవి (Megastar Chiranjeevi) ప్రధాన పాత్రలో డైరెక్టర్ కొరటాల శివ తెరకెక్కించిన సినిమా ఆచార్య (Acharya).
మెగాస్టార్ చిరంజీవి (Megastar Chiranjeevi) ప్రధాన పాత్రలో డైరెక్టర్ కొరటాల శివ తెరకెక్కించిన సినిమా ఆచార్య (Acharya). ఈ మూవీ కోసం మెగా అభిమానులు ఎప్పుడెప్పుడా అని ఎదురుచూస్తున్న ఈ సినిమా ఏప్రిల్ 29న గ్రాండ్గా విడుదల కాబోతుంది. ఇందులో మెగా పవర్ స్టార్ రామ్ చరణ్, పూజా హెగ్డే కీలకపాత్రలో నటించిన సంగతి తెలిసిందే. ఇప్పటికే విడుదలైన ట్రైలర్ సినిమా పై మరిన్ని అంచనాలను పెంచేసింది. చిరు, చరణ్ కలిసి నటిస్తుండడంతో ఆచార్య సినిమాను చూసేందుకు అభిమానులు వేయి కళ్లతో ఎదురుచూస్తున్నారు. సినిమా విడుదల తేదీ దగ్గర పడుతుండడంతో మూవీ ప్రమోషన్స్ వేగవంతం చేసింది చిత్రయూనిట్. ఈ క్రమంలో మంగళవారం హైదరాబాద్లో ఏర్పాటు చేసిన విలేకరుల సమావేశంలో రామ్ చరణ్, చిరంజీవి, కొరటాల శివ, పూజాహెగ్డేలు పలు ఆసక్తికర విషయాలను పంచుకున్నారు. ఈ సందర్భంగా చిరు మాట్లాడుతూ.. ఆచార్య సినిమాలో సిద్ధ పాత్ర చరణ్ చేయకపోతే ఆ పాత్రకు రామ్ చరణ్ బెస్ట్ అంటూ చెప్పుకొచ్చారు.
సిద్ధ పాత్రలో పవన్ కళ్యాణ్ ఉంటే బాగుండేదనిపించిందా ? అంటూ విలేకరి అడిగిన ప్రశ్నకు తనదైన స్టైల్లో ఆన్సర్ ఇచ్చాడు మెగాస్టార్.. “చరణ్ కాకుండా.. మరే నటుడైనా సిద్ధ పాత్రకు న్యాయం చేసేవారే అయితే నిజ జీవితంలో తండ్రీ కొడుకులు ఈ పాత్రలో చేస్తే వాటి మధ్య అనుబంధం మరింత బలంగా తెరపై కనిపిస్తుంది. కథకు అదనపు బలం చేకూరుతుంది. ఒకవేళ చరణ్ ఈ పాత్ర చేయకపోతే ప్రత్యామ్నాయం పవన్ కళ్యాణ్. ఎందుకంటే కథలో ఆ ఫీల్ 100 శాతం పవన్ కళ్యాణ్ తీసుకువస్తాడని నా అభిప్రాయం.. కానీ చరణ్ సిద్ధ రోల్ చేయడానికి ఒకే చెప్పాడు.. ” అంటూ చెప్పుకొచ్చారు చిరంజీవి.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
Also Read: Sarkaru Vaari Paata: దూసుకుపోతోన్న కళావతి సాంగ్.. యూట్యూబ్‌లో అరుదైన రికార్డ్ క్రియేట్ చేసిన సర్కారు వారి పాట
Acharya Press Conference: నేను ప్రతి ఒక్కరిలోనూ ఆచార్యను చూస్తుంటాను : మెగాస్టార్ చిరంజీవి
Mani Ratnam: ‘దక్షిణాది సినిమాల విజయాలను ఎవ్వరూ ఆపలేరు’.. మణిరత్నం సంచలన కామెంట్స్