Hanuman Movie: ఇట్స్ అఫీషియల్.. ‘హనుమాన్’ కోసం అంజనీపుత్రుడి ఆగమనం.. పోస్టర్ సూపర్..

Hanuman

సంక్రాంతి రేసులో ఉన్న భారీ బడ్జెట్ చిత్రాల్లో ‘హనుమాన్’ ఒకటి. డైరెక్టర్ ప్రశాంత్ వర్మ ఈ సినిమాకు దర్శకత్వం వహిస్తున్నారు. జాంబిరెడ్డి తర్వాత ప్రశాంత్ వర్మ తెరకెక్కిస్తున్న ఈ సినిమాపై ఇప్పటికే ప్రేక్షకుల్లో క్యూరియాసిటీ నెలకొంది. భారతీయ ఇతిహాసాల్లోని హనుమంతుడి కథ స్పూర్తితో ఈ చిత్రాన్ని రూపొందించారు. ఇందులో యంగ్ హీరో తేజ సజ్జా ప్రధాన పాత్రలో నటిస్తున్నారు. ఇప్పటికే విడుదలైన పోస్టర్స్, టీజర్ ఆకట్టుకున్నాయి. గతంలో విడుదలైన టీజర్ చూస్తుంటే.. మరోసారి వెండితెరపై మ్యాజిక్ చేయబోతున్నారు ప్రశాంత్ వర్మ. సంక్రాంతి కానుకగా జనవరి 12న ప్రపంచవ్యాప్తంగా ఈ సినిమా విడుదల కాబోతుంది. తెలుగు, తమిళంతోపాటు.. దాదాపు 12 భాషల్లో ఈ సినిమాను రిలీజ్ చేయబోతున్నారు మేకర్స్. ఈ క్రమంలో కొద్దిరోజులుగా హనుమాన్ ప్రమోషన్స్ జోరుగా సాగుతున్నాయి.

హనుమాన్ ప్రీ రిలీజ్ వేడుకను పెద్ద ఎత్తున ప్లాన్ చేశారు మేకర్స్. జనవరి 7న ఈ సినిమా మెగా ప్రీ రిలీజ్ ఉత్సవ్ పేరితో ఈ వేడుకను గ్రాండ్‏గా నిర్వహించనున్నారు. అయితే ఈ వేడుకకు మెగాస్టార్ చిరంజీవి ముఖ్య అతిథిగా రాబోతున్నట్లు టాక్ నడిచింది. అంతేకాదు..ఇందులో హనుమాన్ పాత్రలో చిరు కనిపించనున్నాడని అంటున్నారు. అయితే ఈ విషయంపై ఇప్పటికీ ఎలాంటి క్లారిటీ మాత్రం రాలేదు. కానీ హనుమాన్ ప్రీ రిలీజ్ వేడుకకు మెగాస్టార్ చిరంజీవి అతిథిగా వస్తున్నట్లు అధికారికంగా ప్రకటించారు మేకర్స్. ఈ విషయాన్ని తెలియజేస్తూ కొత్త పోస్టర్ పంచుకున్నారు చిత్రయూనిట్ సభ్యులు.

తాజాగా విడుదలైన పోస్టర్ ఆకట్టుకుంటుంది. సైరా నరసింహా రెడ్డి చిత్రంలోని చిరు లుక్‏తో హనుమాన్ సినిమాలో తేజ సజ్జా లుక్ జత చేసిన పోస్టర్ ఆకట్టుకుంటుంది. ఇదే వేడుకలో మెగాస్టార్ చిరంజీవి చేతుల మీదుగా హనుమాన్ ట్రైలర్ రిలీజ్ చేయనున్నట్లు తెలుస్తోంది. ఈ సినిమాలో అమృతా అయ్యార్, వరలక్ష్మి శరత్ కుమార్, వినయ్ రాయ్, రాజ్ దీపక్ శెట్టి, సముద్రఖని, వెన్నెల కిషోర్ కీలకపాత్రలలో నటిస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి.