OTT Horror: రూ.2 కోట్ల బడ్జెట్.. రూ.1600 కోట్ల కలెక్షన్స్.. బాక్సాఫీస్ షేక్ చేసిన హారర్ మూవీ…

ప్రపంచవ్యాప్తంగా సినీప్రియుల నుంచి మంచి ఆదరణ పొందిన హారర్ సినిమా గురించి తెలుసా.. ? రూ.2 కోట్ల బడ్జెట్ తో నిర్మించిన ఈ సినిమా వరల్డ్ వైడ్ రూ.1600 కోట్లకు పైగా వసూల్లు రాబట్టింది. ఇక ఇప్పుడు ఓటీటీలో దుమ్మురేపుతున్న సినిమా గురించి మీకు తెలుసా.. ? ఇప్పుడు ఆ చిత్రం గురించి తెలుసుకోవాల్సిందే.

Paranormal Activity

Rajitha Chanti |
Updated on: Jul 13, 2025 | 8:54 AM

ఎలాంటి అంచనాలు లేకుండా వచ్చిన ఓ చిన్న సినిమా బాక్సాఫీస్ షేక్ చేసింది. ప్రపంచవ్యాప్తంగా అడియన్స్ నుంచి విపరీతమైన క్రేజ్ సొంతం చేసుకుంది. కేవలం రూ.2 కోట్లతో నిర్మించిన ఈ మూవీ వరల్డ్ వైడ్ రూ.1600 కోట్లకు పైగా వసూళ్లు రాబట్టింది. కానీ విషయం ఏంటంటే.. ఈ సినిమాను కేవలం 7 రోజుల్లోనే షూటింగ్ చేసినట్లు సమాచారం. చరిత్రలో అత్యధిక వసూళ్లు రాబట్టిన హారర్ సినిమాగా ఇది అగ్రస్థానంలో నిలిచింది. పెద్ద స్టార్ హీరోలు లేరు.. గొప్ప సన్నివేశాలు లేవు.. ఈ చిత్రాన్ని హ్యాండ్ హెల్డ్ కెమెరాతో చిత్రీకరించడం మరో విశేషం. కానీ ఈ సినిమా లక్షలాది మందిని భయపెట్టింది. ఆ సినిమా పేరు ‘పారానార్మల్ యాక్టివిటీ’. 2007లో విడుదలైన ఈ సినిమా అప్పట్లో భారీ విజయాన్ని అందుకుంది.

కేటీ ఫెదర్‌స్టన్, మికా స్లాట్ నటించిన ఈ చిత్రాన్ని ఓరెన్ పీలే రచించి, దర్శకత్వం వహించి, నిర్మించారు. దర్శకుడు ఓరెన్ బెలికి ఇది మొదటి సినిమా. ఈ మూవీ మొత్తాన్ని ఆయన తన సొంత ఇంట్లోనే చిత్రీకరించారు. దర్శకత్వం నుంచి ఎడిటింగ్ వరకు ప్రతిదీ ఆయనే చూసుకున్నారు. ఈ సినిమాలో అందరూ చిన్న చిన్న నటీనటులు నటించారు. అలాగే ఈ మూవీ చూడటానికి చాలా వాస్తవికంగా ఉంటుంది.

ఈ సినిమా మొత్తానికి కేవలం రూ.12 లక్షల ఖర్చు అయినట్లు సమాచారం. ముఖ్యంగా ఈ సినిమా క్లైమాక్స్ తిరిగి చిత్రీకరించడంతో బడ్జెట్ రూ.2 కోట్లకు చేరింది. ఒక యువ జంటను కనిపించని దెయ్యం ఎలా హింసిస్తుందనేది కథ. చీకటిలో అడుగుల చప్పుడు, భయంకరమైన నిశ్శబ్దం… అన్నీ థ్రిల్లింగ్ హర్రర్ అనుభవాన్ని ఇస్తాయి. ప్రస్తుతం ఈ సినిమా అమెజాన్ ప్రైమ్ వీడియోతోపాటు నెట్ ఫ్లిక్స్ లోనూ స్ట్రీమింగ్ అవుతుంది.

ఇవి కూడా చదవండి