ఇదెక్కడి సినిమా రా బాబు.. బాక్సాఫీస్ వద్ద దుమ్మురేపింది.. 5 రోజుల్లోనే 2700 కోట్లతో..

జూలై 4న దేశంలోని థియేటర్లలో విడుదలైన ఓ సినిమా ఇప్పుడు బాక్సాఫీస్ వద్ద సంచలనం సృష్టిస్తుంది. ఇప్పుడు ఆ మూవీ మన దేశంలోనే రూ.50 కోట్ల వైపు అడుగులు వేస్తుంది. అంతేకాకుండా ఇప్పుడు ఊహించని రేంజ్ లో మలుపులు తిప్పుతుంది. ఇంతకీ ఆ సినిమా పేరెంటో తెలుసా.. ? ఆ సినిమాకు సంబంధించిన పూర్తి వివరాలు తెలుసుకుందామా.

Jurassic World Rebirth

Rajitha Chanti |
Updated on: Jul 10, 2025 | 3:03 PM

ఆమిర్ ఖాన్ సినిమా ‘సీతారే జమీన్ పర్’ ఇప్పుడు బాక్సాఫీస్ వద్ద దూసుకుపోతుంది. ఈ సినిమాకు అన్ని వర్గాల అడియన్స్ నుంచి మంచి రెస్పాన్స్ వస్తుంది. అయితే ఇటీవల విడుదలైన ఓ సినిమా ఇప్పుడు అన్ని రికార్డులను బద్దలు కొడుతుంది. థియేటర్లలో రిలీజ్ అయిన 5 రోజుల్లోనే రూ.2,700 కోట్లకు పైగా వసూళ్లు రాబట్టింది. అదే జురాసిక్ వరల్డ్ రీబర్త్ సినిమా. ఈ సినిమా జూలై 4న భారతదేశంలో, జూలై 2న ప్రపంచవ్యాప్తంగా విడుదలైంది. ఇది ప్రపంచవ్యాప్తంగా సంచలనం సృష్టించింది. తాజా వివరాల ప్రకారం.. భారతదేశంలో రూ. 50 కోట్ల దిశగా పయనిస్తోంది. జురాసిక్ వరల్డ్ రీబర్త్ మొదటి రోజు రూ. 9 కోట్లు, రెండవ రోజు రూ. 13.5 కోట్లు, మూడవ రోజు రూ. 16 కోట్లు వసూలు చేసింది.

ఇప్పటివరకు ఈ సినిమా రూ.2.23 కోట్లు.. మొత్తం రూ.41.23 కోట్లు వసూలు చేసింది. జురాసిక్ వరల్డ్ రీబర్త్ అమీర్ ఖాన్ సితారే జమీన్ పర్, మెట్రో ఇన్ డినో చిత్రాలను బీట్ చేసింది. ఈ చిత్రాన్ని రూ.1540 కోట్లతో నిర్మించగా.. 5 రోజుల్లోనే రూ.2734 కోట్లు రాబట్టింది. ఈ డైనోసార్ నేపథ్య చిత్రం బ్రాడ్ పిట్ నటించిన F1 చిత్రాన్ని వారాంతపు ఆదాయంలో సగం కంటే ఎక్కువగా వసూలు చేసింది.

ఇందులో మహర్షల అలీ, స్కార్లెట్ జోహన్సన్ ముఖ్యపాత్రలు పోషించారు. అలాగే గాడ్జిల్లా, ది క్రియేటర్ వంటి చిత్రాల దర్శకుడు గారెత్ జేమ్స్ ఎడ్వర్డ్స్ ఈ చిత్రానికి దర్శకత్వం వహించారు. ప్రస్తుతం ఈ సినిమా బాక్సాఫీస్ వద్ద సంచలనం సృష్టిస్తుంది.

ఇవి కూడా చదవండి