Trailer Talk: అసలు సూర్యకు ఏమైంది.. అతను కనబడకుండా పోవడానికి కారణమేంటి? ఆసక్తికరంగా సునీల్‌ సినిమా ట్రైలర్‌.
Trailer Talk: చాలా రోజుల తర్వాత సునీల్‌ ప్రధాన పాత్రలో నటిస్తోన్న చిత్రం 'కనబడుటలేదు'. బాలరాజు దర్శకత్వం వహిస్తున్న ఈ సినిమాకు సాగర్‌ మంచనూరు నిర్మాతగా వ్యవహరించారు. కరోనా కారణంగా...
Trailer Talk: చాలా రోజుల తర్వాత సునీల్‌ ప్రధాన పాత్రలో నటిస్తోన్న చిత్రం ‘కనబడుటలేదు’. బాలరాజు దర్శకత్వం వహిస్తున్న ఈ సినిమాకు సాగర్‌ మంచనూరు నిర్మాతగా వ్యవహరించారు. కరోనా కారణంగా విడుదల వాయిదా పడ్డ ఈ సినిమాను తాజాగా మేకర్స్‌ విడుదల చేయడానికి సిద్ధమయ్యారు. ఇందులో భాగంగా ఈ సినిమా ఆగస్టు 13న ప్రేక్షకుల ముందుకు రానుంది. దీంతో సినిమా ప్రచారాన్ని వేగవంతం చేసిన చిత్ర యూనిట్‌ శనివారం ప్రీరిలీజ్‌ ఈవెంట్‌ను నిర్వహించారు. ఈ సందర్భంగానే సినిమా ట్రైలర్‌ను విడుదల చేశారు. ఆద్యంతం ఆసక్తితో సాగిన ఈ ట్రైలర్‌ సినిమా ఒక్కసారిగా అంచనాలు పెంచేసింది.
ఈ సినిమాలో సునీల్‌ డిటెక్టివ్‌ ఆఫీసర్‌గా కనిపిస్తున్నారు. ఇక ట్రైలర్‌ను గమనిస్తే సినిమా థ్రిల్లర్‌ కథాంశంతో ఉన్నట్లు కనిపిస్తోంది. ‘శిశిత, సూర్య ఇద్దరు ప్రేమించుకుంటారు. అయితే శిశితను ఆదిత్య అనే మరో అబ్బాయి ప్రేమిస్తాడు. వీరిద్దరి మధ్య ప్రేమ సంగతి కుటుంబంతో పాటు ఆదిత్యకు తెలుస్తోంది. దీంతో ఓ రోజు శిశిత, సూర్య ఇద్దరు ఇంటి నుంచి పారిపోదామని ప్లాన్‌ వేసుకుంటారు. ఈ క్రమంలోనే శిశిత రైల్వే స్టేషన్‌కు వెళుతుంది.. ఇంటి నుంచి బయలు దేరిన సూర్య మాత్రం స్టేషన్‌కు చేరుకోడు. ఆ రోజు నుంచి సూర్య కనబడకుండా పోతాడు. దీంతో ఈ కేసు మిస్టరీని చేధించడానికి సునీల్‌ రంగంలోకి దిగుతాడు’ క్లుప్తంగా సినిమా కథ ఇదీ. ఇంతకీ సూర్యకు ఏమైంది. అతనిని ఎవరైనా హతమార్చారా.? అన్న ఆసక్తిని రేకెత్తిస్తోంది. ఇక ట్రైలర్‌లో వచ్చే.. ‘ఈ కథలో హీరోల్లేరు అందరూ విలన్లే’ అనే డైలాగ్‌ ట్రైలర్‌కే హైలెట్‌గా నిలిచింది.
Also Read: Pushpa: పుష్ప సినిమాలో ఈవిల్‌‌‌‌గా ఫహద్ ఫాజిల్.. స్పెషల్ పోస్టర్‌‌‌‌తో విషెస్ చెప్పిన టీమ్..
Nagarjuna: వైరల్ అవుతున్న నాగ్ నయా లుక్.. చైతూ- అఖిల్‌‌‌‌కు అన్నయ్యలా ఉన్నారుగా..