Pisachi 2: మరోసారి మెస్మరైజ్ చేసిన సిద్ శ్రీరామ్.. ‘పిశాచి 2’ నుంచి ఫస్ట్ సింగిల్
హర్రర్ సినిమాలకు ఇండస్ట్రీలో మంచి క్రేజ్ ఉంది. ఇప్పటికీ ఈ సినిమాలు ప్రేక్షకులను అలరిస్తూనే ఉన్నాయి. అప్పట్లో రామ్ గోపాల్ వర్మ తెరకెక్కించిన దెయ్యం సినిమానుంచి రీసెంట్ గా వచ్చిన కాంచన సిరీస్ వరకు హారర్ సినిమాలకు అదే క్రేజ్ ఉంది
హర్రర్ సినిమాలకు ఇండస్ట్రీలో మంచి క్రేజ్ ఉంది. ఇప్పటికీ ఈ సినిమాలు ప్రేక్షకులను అలరిస్తూనే ఉన్నాయి. అప్పట్లో రామ్ గోపాల్ వర్మ తెరకెక్కించిన దెయ్యం సినిమానుంచి రీసెంట్ గా వచ్చిన కాంచన సిరీస్ వరకు హారర్ సినిమాలకు అదే క్రేజ్ ఉంది. ఇక గతంలో విలక్షణ దర్శకుడు మిస్కిన్ దర్శకత్వం వహించిన పిశాచి(Pisachi)తెలుగు, తమిళ భాషల్లో పెద్ద హిట్ గా నిలిచిన విషయం తెలిసిందే. ఇప్పుడు ఈ సినిమాకు రెండో పార్ట్ రానుంది. ఇప్పుడు మిస్కిన్ ‘పిశాచి2’ తో ప్రేక్షకుల ముందుకు వస్తున్నారు. ఇది సీక్వెల్ కాదు. కానీ అదే జోనర్లో వస్తుంది. పిశాచి మొదటి పార్ట్ కొత్త నటీనటులతో వచ్చింది. అయితే రెండవ ఫ్రాంచైజీలో ఆండ్రియా జెరెమియా, విజయ్ సేతుపతి, సంతోష్ ప్రతాప్, పూర్ణ లాంటి స్టార్ కాస్ట్ పిశాచి2 లో ప్రధాన పాత్రలు పోషిస్తున్నారు.
దిల్రాజు శ్రీ వెంకటేశ్వర క్రియేషన్స్ సమర్పణలో రాక్ఫోర్ట్ ఎంటర్టైన్మెంట్ సంస్థ నిర్మిస్తోంది. తాజాగా ఈ చిత్రం నుంచి ఫస్ట్ సింగల్ ‘కాలమెంత వేగములే’ అనే పాట విడుదలైంది. సంగీత దర్శకుడు కార్తీక్ రాజా, గాయకుడు సిద్ శ్రీరామ్ల మ్యాజికల్ కాంబినేషన్లో హార్ట్ టచ్చింగ్ గా అనిపిస్తుందీ పాట. కంపోజిషన్ ఆహ్లాదకరంగా మనసుని హత్తుకునేలా వుంది. సిద్ శ్రీరామ్ మరోసారి తన వాయిస్ తో మెస్మరైజ్ చేశారు. ఈ పాటకు పోతుల రవికిరణ్ సాహిత్యం అదించారు. ఈ చిత్రం టీజర్కు కూడా మంచి స్పందన లభించింది, మొదటి సింగిల్ కాలమెంత వేగములే ఇన్స్టంట్ హిట్ అయ్యింది. త్వరలోనే సినిమా విడుదల తేదీని ప్రకటించనున్నారు మేకర్స్.
