Jagapathibabu: ఆనందయ్య నాటు మందుపై న‌టుడు జ‌గ‌ప‌తిబాబు కీల‌క వ్యాఖ్య‌లు..
జ‌గ‌ప‌తిబాబు.. అద్భుత‌మైన న‌టుడు. ఆ విష‌యం తెలుగువారికి ప్ర‌త్యేకంగా చెప్పాల్సిన ప‌నిలేదు. కాగా తెలుగు ఇండ‌స్ట్రీలో సూటిగా, సుత్తి లేకుండా...
జ‌గ‌ప‌తిబాబు.. అద్భుత‌మైన న‌టుడు. ఆ విష‌యం తెలుగువారికి ప్ర‌త్యేకంగా చెప్పాల్సిన ప‌నిలేదు. కాగా తెలుగు ఇండ‌స్ట్రీలో సూటిగా, సుత్తి లేకుండా మాట్లాడే వ్య‌క్తి జ‌గ్గూ భాయ్. త‌న మ‌న‌సులో అనిపించింది.. క్లియ‌ర్ క‌ట్‌గా చెప్పేస్తారు. తాజాగా ఆనందయ్య నాటుమందుపై ఆయ‌న త‌న అభిప్రాయాన్ని తెలిపారు. మాన‌వ‌జాతిని కాపాడాటానికి నేచ‌ర్ ముందుకు వ‌చ్చింద‌ని, ఆనందయ్య గారి మందు శాస్త్రీయంగా అనుమ‌తి పొందుతుంద‌ని ఆయ‌న ఆశాభావం వ్య‌క్తం చేశారు.
‘మ‌న‌ల్ని కాపాడేందుకు నేచ‌ర్ ముందుకొచ్చిన‌ట్లు అనిపిస్తుంది. ఆనందయ్య గారి తెర‌ఫీ శాస్త్రీయంగా అనుమ‌తులు పొంది.. ప్ర‌పంచాన్ని కాపాడుతుంద‌ని ఆశిస్తున్నాను. అత‌డిని దేవుడు ఆశీర్వ‌దించాలి’ అని జ‌గ‌ప‌తిబాబు ట్వీట్ చేశారు
ఆనందయ్య నాటు మందు దేశ‌వ్యాప్తంగా చ‌ర్చ‌నీయాంశం అయిన విష‌యం తెలిసిందే. తెలుగు రాష్ట్రాల్లో అయితే ఇప్పుడు ఈ మందు హాట్ టాపిక్. తెలుగు రాష్ట్రాల్లోని ప్ర‌జ‌ల అటెన్ష‌న్ మొత్తం నెల్లూరు కృష్ణపట్నం వైపే ఉంది. ఆనందయ్య నాటు మందు కరోనాపై పనిచేస్తుందా లేదా అనే అంశంపై ఇంకా స్పష్ట రాకపోయినా.. జనం మాత్రం ఆ ముందును బాగా నమ్ముతున్నారు. వేల సంఖ్యలో జనం దాని కోసం ఎగబడుతున్నారు. అయితే పూర్తి స్థాయి నివేదిక‌లు వ‌చ్చేవ‌రకు ప్ర‌భుత్వం మందు పంపిణీని నిలిపివేసింది. దీంతో బ్లాక్ మార్కెట్‌కు తెర‌లేపారు కొంద‌రు దుండ‌గులు. రోగుల ప‌రిస్థితిని క్యాష్ చేసుకుంటున్నారు కేటుగాళ్లు… రూ. 20 వేలు రూ. 50 వేల‌కు దండుకునే ప్ర‌య‌త్నాల‌ను టీవీ9 స్టింగ్ ఆప‌రేష‌న్ లో బ‌ట్ట‌బ‌య‌లు చేసిన విష‌యం తెలిసిందే.
Also Read: రైతుల ఖాతాల్లో నగదు జమ చేసిన సీఎం జగన్‌.. ఉచిత పంట బీమా పథకం కింద నిధుల విడుదల