Devara: దేవర కోసం స్పెషల్ ట్రైనింగ్ తీసుకుంటున్న ఎన్టీఆర్..? అదే సినిమాకు హైలైట్ కానుందట!

Devara

యంగ్ టైగర్ ఎన్టీఆర్ ఆర్ఆర్ఆర్ సినిమాతో పాన్ ఇండియా స్టార్ గా మారిపోయారు. దాంతో ఆయన సినిమాల పై భారీ అంచనాలు నెలకొన్నాయి. ప్రస్తుతం ఎన్టీఆర్ కొరటాల శివ దర్శకత్వంలో సినిమా చేస్తున్న విషయం తెలిసిందే. ఈ సినిమా పై భారీ అంచనాలు నెలకొన్నాయి. ఈ సినిమాకు దేవర అనే టైటిల్ ను కన్ఫర్మ్ చేశారు. పవర్ ఫుల్ టైటిల్ తో తెరకెక్కుతోన్న ఈ సినిమా కంప్లీట్ యాక్షన్ ఎంటర్టైనర్ గా ఉండనుందని తెలుస్తోంది. సముద్రం బ్యాక్ డ్రాప్ లో ఈ సినిమాను తెరకెక్కిస్తున్నారు కొరటాల శివ. ఆచార్య లాంటి డిజాస్టర్ తర్వాత కొరటాల చేస్తున్న సినిమా కావడంతో ఈ సినిమా పై అంచనాలు నెలకొన్నాయి. ఈ సినిమాతో కొరటాల తిరిగి ట్రాక్ లోకి వస్తారని అంటున్నారు ఫ్యాన్స్. పాన్ ఇండియా మూవీ తెరకెక్కుతున్న ఈ సినిమాతో ఎన్టీఆర్ మరో హిట్ కొట్టడం ఖాయం అంటున్న నందమూరి ఫ్యాన్స్.

ఇక ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుంది. ఈ సినిమాతో గ్రాండ్ ఎంట్రీ ఇస్తుంది జాన్వీ. తారక్ తో నటించాలన్నది తన డ్రీమ్ అని అది ఇప్పుడు నెరవేరిందని పలు ఇంటర్వ్యూల్లో తెలిపింది జాన్వీ. అలాగే ఈ సినిమాలో విలన్ గా బాలీవుడ్ నటుడు సైఫ్ అలీఖాన్ నటిస్తున్నారు. ఇటీవలే ఈ సినిమానుంచి ఆయన లుక్ ను రిలీజ్ చేశారు.

ఇదిలా ఉంటే సముద్రం బ్యాక్ డ్రాప్ లో తెరకెక్కుతున్న ఈ సినిమాలో యాక్షన్స్ సీన్స్ హైలైట్ గా ఉండనున్నాయని తెలుస్తుంది. అలాగే ఈ మూవీలో అండర్ వాటర్ ఫైట్ ఉంటుందంట. ఈ యాక్షన్ సీక్వెన్స్ సినిమాకే హైలైట్ గా ఉంటుందని టాక్.

ఈ యాక్షన్స్ సీక్వెన్స్ కోసం ఎన్టీఆర్ అండర్ వాటర్ ట్రైనింగ్ తీసుకుంటున్నారని ప్రచారం జరుగుతోంది. మరి ఈ వార్తల్లో వాస్తవం ఎంతో తెలియాల్సి ఉంది. ఇక ఈ సినిమా తర్వాత ఎన్టీఆర్ ప్రశాంత్ నీల్ డైరెక్షన్ లో సినిమా చేస్తున్నారు.

మరిన్ని సినిమా వార్తల కోసం క్లిక్ చేయండి..