RRR: ఆర్ఆర్ఆర్ లో అందమైన ప్రేమకావ్యం.. ఇద్దరు భామలతో ఎన్టీఆర్ ప్రేమాయణం
ఆర్ఆర్ఆర్ .. ఈ సినిమా కోసం ప్రపంచ వ్యాప్తంగా ఉన్న తెలుగు ప్రేక్షకులు ఆసక్తిగా ఎదురు చూస్తున్నారు. బాహుబలి సినిమాతో తెలుగు సినిమా స్థాయిని పెంచిన దర్శకుడు రాజమౌళి
RRR:
ఆర్ఆర్ఆర్ .. ఈ సినిమా కోసం ప్రపంచ వ్యాప్తంగా ఉన్న తెలుగు ప్రేక్షకులు ఆసక్తిగా ఎదురు చూస్తున్నారు. బాహుబలి సినిమాతో తెలుగు సినిమా స్థాయిని పెంచిన దర్శకుడు రాజమౌళి నుంచి వస్తున్న సినిమా కావడంతో సినీప్రేమికులంతా సినిమాకోసం ఎంతగానో వెయిట్ చేస్తున్నారు. ఇప్పుడీ సినిమా షూటింగ్ స్పాట్‌ నుంచి ఎలాంటి న్యూస్ వచ్చిన అది క్షణాల్లో వైరల్‌గా మారి.. సోషల్ మీడియాలో తెగ హల్‌ చల్‌ చేస్తోంది. అప్పుడెప్పుడో గ్రాండ్ గా ప్రారంభమైన ఈ సినిమా.. కరోనా కష్టాలు పడుతూ.. రీసెంట్గా క్లైమాక్స్‌ చేరుకుంది. దాదాపు రూ.400 కోట్ల భారీ బడ్జెట్‌తో తెరకెక్కుతున్న ఈ చిత్రాన్ని డీవీవీ ధానయ్య నిర్మిస్తుండగా.. ఎంఎం కీరవాణి స్వరాలు సమకూరుస్తున్నారు. ఇక సినిమాలో చరణ్, ఎన్టీఆర్‌కు జోడీగా అలియా భట్‌, ఓలివియా మోరిస్‌ నటిస్తున్నారు. వీళ్లతో పాటు అజయ్‌ దేవ్‌గణ్‌, శ్రియ, సముద్రఖని, అలీ కీ రోల్స్‌ ప్లే చేస్తున్నారు. ఇక పోతే దసరా కానుకగా ‘ఆర్ఆర్ఆర్’సినిమా వరల్డ్‌ వైడ్‌గా అక్టోబరు 13న విడుదల కానుంది. ఈ సినిమాలో మన్యం వీరుడు అల్లూరి సీతారామరాజుగా రామ్ చరణ్, గిరిజన వీరుడు కొమురం భీమ్ గా యంగ్ టైగర్ ఎన్టీఆర్ నటిస్తున్న విషయం తెలిసిందే. అయితే కొమురం భీమ్ జీవితంలో ఇద్దరు మహిళలు ఉన్నారు. అందులో ఒకరు బ్రిటీష్ యువతి కాగా మరొకరు గిరిజన యువతి. ఆ ఇద్దరు యువతులతో భీమ్ ప్రేమాయణం ఆసక్తికరంగా ఉంటుందట. దాన్ని అందంగా అద్భుతంగా సినిమా చూపించనున్నాడు జక్కన్న.
మరిన్ని ఇక్కడ చదవండి :