Chiranjeevi: ఈ సెంటిమెంట్ వర్కవుట్ అయితే భోళా శంకర్‌ బ్లాక్ బాస్టర్ అంతే

Bhola Shankar

ఇండస్ట్రీలో అన్నింటికంటే ఎక్కువగా నమ్మేది సెంటిమెంట్‌నే. వర్కవుట్ అయ్యే సెంటిమెంట్ వైపు అందరి అడుగులు పడుతుంటాయి. ఇప్పుడు చిరంజీవి భోళా శంకర్‌కు కూడా ఇదే జరుగుతుంది. ఇందులో చిరు టాక్సీ డ్రైవర్‌గా నటిస్తున్నారు. మే డే సందర్భంగా విడుదలైన స్టిల్స్ బాగా ట్రెండ్ అవుతున్నాయి. చిరంజీవి స్టీరింగ్ పట్టిన ప్రతీసారి బాక్సాఫీస్ దగ్గర కాసుల వర్షం కురిసింది. అది ఆటో అయినా.. లారీ అయినా.. టాక్సీ అయినా..! ఆయన స్టీరింగ్ తిప్పారంటే మరో డౌట్ లేకుండా బొమ్మ బ్లాక్‌బస్టర్ అని ఫిక్సైపోతారు ఫ్యాన్స్. తాజాగా భోళా శంకర్‌లోనూ చిరు టాక్సీ డ్రైవర్‌గా నటిస్తున్నారు. అప్పట్లో ఇంద్రలోనూ టాక్సీ నడిపిన చిరు.. అన్నయ్యలో లారీ డ్రైవర్‌గా నటించారు.

90ల్లోనూ చిరంజీవికి స్టీరింగ్ బాగానే కలిసొచ్చింది. రౌడీ అల్లుడులో ఆటో జానీగా అదరగొట్టారు మెగాస్టార్. అందులో ఆయన గెటప్ ప్లస్ డైలాగ్స్‌కు సపరేట్ ఫ్యాన్ బేస్ ఉంది. గ్యాంగ్ లీడర్‌లోనూ టాక్సీ డ్రైవర్‌గా నటించారు చిరంజీవి. అందులో విజయశాంతితో వచ్చే సీన్స్ ఎప్పటికీ మరిచిపోలేం. ఇలా ఒకటి రెండు కాదు.. చిరు స్టీరింగ్ తిప్పిన ప్రతీసారి కాసుల వర్షం కురిసింది. ఇదే సెంటిమెంట్ భోళా శంకర్‌కు వర్కవుట్ అవుతుందని నమ్ముతున్నారు ఫ్యాన్స్. ఆగస్ట్ 11న ఈ సినిమా విడుదల కానుంది. ప్రస్తుతం డబ్బింగ్ పనుల్లో బిజీగా ఉందీ సినిమా.

మరిన్ని సినిమా వార్తల కోసం ఇక్కడ క్లిక్ చేయండి.