Kantara: సూపర్ హిట్ ‘కాంతార’కు సీక్వెల్ రానుందా..? ఆసక్తికర కామెంట్స్ చేసిన హీరో
ఈ క్రమంలోనే రీసెంట్ గా వచ్చిన కాంతార కూడా సూపర్ హిట్ గా నిలిచింది. కన్నడ మూవీ అయినా కాంతార ప్రస్తుతం అన్ని భాషల్లోనూ సూపర్ హిట్ గా నిలిచింది. అద్భుతమైన కథను అంతే అద్భుతంగా చూపించారు.
Updated on: Oct 20, 2022 | 7:59 AM
ప్రస్తుతం ఎక్కడ చూసిన వినిపిస్తోన్న పేరు కాంతార. కంటెంట్ ఉన్న సినిమాలు మంచి ప్రాధాన్యత దక్కుతోంది. ఇప్పటికే చాలా సినిమాలు అది నిరూపించాయి. ఈ క్రమంలోనే రీసెంట్ గా వచ్చిన కాంతార కూడా సూపర్ హిట్ గా నిలిచింది. కన్నడ మూవీ అయిన కాంతార ప్రస్తుతం అన్ని భాషల్లోనూ సూపర్ హిట్ గా నిలిచింది. అద్భుతమైన కథను అంతే అద్భుతంగా చూపించారు. ఈ సినిమాలో రిషబ్ శెట్టి హీరోగా నటించడంతో పాటు ఆయనే దర్శకత్వం వహించారు. 16 కోట్ల బడ్జెట్ తో కన్నడలో నిర్మించిన ఈ మూవీ దేశ వ్యాప్తంగా సంచలనాలు సృష్టిస్తూ బాక్సాఫీస్ వద్ద రికార్డు స్థాయి వసూళ్లని రాబడుతోంది. గత నెల 30న కన్నడలో విడుదలైన ఈ సినిమా సూపర్ హిట్ అవ్వడంతో ఇప్పుడు పలుభాషల్లో రిలీజ్ చేశారు. విడుదలైన అన్ని చోట్ల మంచి రెస్పాన్స్ ను సొంతం చేసుకుంది ఈ మూవీ.
ప్రపంచవ్యాప్తంగా ఉన్న సినిమా అభిమానులను విశేషంగా ఆకట్టుకుంటున్న ఈ చిత్రాన్ని తెలుగులో గీతా ఆర్ట్స్ సంస్థ అనువాదరూపంలో విడుదల చేసింది. ఇక ఈ సినిమానా తెలుగు ప్రేక్షకులను కూడా విపరీతంగా ఆకట్టుకుంది. ఇక ఈ సినిమా ఈ నెల 15న తెలుగుతో పాటు పలు భాషల్లో ప్రేక్షకుల ముందుకు వచ్చింది. ఇక ఇప్పుడు ఈ సినిమాకు సీక్వెల్ రాబవుతుందని టాక్ వినిపిస్తోంది.
అంతే కాదు ఈ సినిమాకు ప్రీక్వెల్ కి కూడా అవకాశం వుందని వార్తలు వినిపిస్తున్నాయి. ఈ నేపథ్యంలో హీరో, డైరెక్టర్ రిషబ్ శెట్టి దీనిపై ఆసక్తికర సమాధానం చెప్పాడు. ప్రస్తుతం ఈ మూవీకి సీక్వెల్ ప్రీక్వెల్ గురించి ఇంకా ఏమీ ఆలోచించడం లేదన్నాడు. అంతే కాకుండా రెండు నెలల పాటు విశ్రాంతి తీసుకున్న తరువాతే దాని గురించి ఆలోచిస్తానని చెప్పుకొచ్చాడు.
మరిన్ని సినిమా వార్తల కోసం క్లిక్ చేయండి..
