చిరు, బాలయ్యల, నాగ్, వెంకీలతో బ్లాక్ బస్టర్స్.. కట్ చేస్తే సినిమాలకు దూరం.. ఇప్పుడు ఇలా
ఒకప్పుడు వెండితెరను ఏలిన ఈ అందాల నటి, రాబోయే రోజుల్లో క్యారెక్టర్ ఆర్టిస్ట్‌గా మంచి సినిమాలలో మెరిసి, ప్రేక్షకులను మళ్ళీ అలరించాలని సినీ ప్రియులు మనస్ఫూర్తిగా కోరుకుంటున్నారు. ప్రస్తుతం సినిమాలకు దూరంగా ఉన్నప్పటికీ, సోషల్ మీడియా ద్వారా తన అభిమానులతో నిరంతరం టచ్‌లో ఉంటున్నారు ఈ ముద్దుగుమ్మ.
90వ దశకంలో తెలుగు, తమిళ, కన్నడ సినీ పరిశ్రమలను ఏకధాటిగా ఏలిన అగ్ర కథానాయికలు చాలా మంది ఉన్నారు. అలాంటి వారిలో ఈ హీరోయిన్ ఒకరు. తన సహజ సిద్ధమైన నటనతో, కళ్లతోనే భావాలు పలికించే చురుకైన చూపులతో ప్రేక్షకులను మంత్రముగ్ధులను చేసింది ఆమె. సూపర్ స్టార్ కృష్ణ, చిరంజీవి, బాలకృష్ణ, నాగార్జున, వెంకటేష్ వంటి అగ్ర హీరోల సరసన నటించి, తెలుగు ప్రేక్షకుల హృదయాల్లో చెదరని ముద్ర వేసుకున్న బ్యూటీ ఆమె. ఈ ముద్దుగుమ్మ నటించిన ఎన్నో చిత్రాలు బాక్స్ ఆఫీస్ వద్ద బ్లాక్‌బస్టర్ విజయాలను నమోదు చేశాయి. ఆమె ఎవరో కాదు సంఘవి. ఈ హీరోయిన్ చాలా మంది కుర్రాళ్ల ఫేవరెట్ హీరోయిన్. సంఘవి అసలు పేరు కావ్య రమేష్. సినీ పరిశ్రమలోకి అడుగుపెట్టాక తన పేరును సంఘవిగా మార్చుకున్నారు. 1993లో తమిళ స్టార్ హీరో విజయ్ సరసన అమరావతి సినిమాతో ఆమె సినీ ప్రస్థానం మొదలైంది. తొలి చిత్రంతోనే ప్రేక్షకుల మన్ననలు పొందిన ఆమె, ఆ తర్వాత వెనుదిరిగి చూడలేదు. వరుసగా తెలుగులోనూ అద్భుతమైన అవకాశాలు రావడంతో అగ్ర తారగా ఎదిగారు.
బిగ్ బాస్ వల్ల నాపై నీచంగా కామెంట్స్ చేశారు.. తట్టుకోలేక వెక్కి వెక్కి ఏడ్చేశా
తెలుగులో ఆమె నటించిన తాజ్ మహల్, సమరసింహారెడ్డి, సూర్యవంశం, శివయ్య, సింధూరం వంటి చిత్రాలు భారీ విజయాలను సాధించాయి. ముఖ్యంగా సంఘవి కేవలం గ్లామర్ పాత్రలకే పరిమితం కాలేదు. సింధూరం వంటి చిత్రాలలో నటనకు ప్రాధాన్యత ఉన్న, హోమ్లీ క్యారెక్టర్లలోనూ ఒదిగిపోయి విమర్శకుల ప్రశంసలు అందుకున్నారు. ఎన్నో విభిన్నమైన పాత్రలను పోషించి, తన నటనా ప్రతిభను నిరూపించుకున్నారు. సుమారు 80కి పైగా చిత్రాలలో నటించి, ఆ కాలంలో అత్యంత బిజీ హీరోయిన్లలో ఒకరిగా నిలిచారు. సినిమాలలో అవకాశాలు తగ్గిన తర్వాత, సంఘవి బుల్లితెరపైకి అడుగుపెట్టారు. కొన్ని సీరియల్స్‌లో నటించడంతో పాటు పలు రియాలిటీ షోలకు జడ్జ్‌గా వ్యవహరించి ప్రేక్షకులను అలరించారు.
టాలీవుడ్‌లో టాప్ హీరోయిన్.. స్టార్ హీరోలతో ఎన్నో సినిమాలు.. కానీ చిరంజీవితో మాత్రం నటించలేదు!
2016లో సాఫ్ట్‌వేర్ ఇంజనీర్ వెంకటేష్‌ను వివాహం చేసుకుని వైవాహిక జీవితంలో స్థిరపడ్డారు. ఈ దంపతులకు ఒక అందమైన కుమార్తె కూడా ఉంది. వివాహం తర్వాత పూర్తిగా కుటుంబానికే సమయాన్ని కేటాయిస్తూ సినిమాలకు దూరంగా ఉన్నారు. అయితే, ఇటీవల సంఘవి మళ్ళీ సినిమాలలో సెకండ్ ఇన్నింగ్స్ ప్రారంభించేందుకు ఆసక్తి చూపుతున్నట్లు తెలుస్తోంది. ఈ క్రమంలోనే ఆమె సోషల్ మీడియాలో చాలా యాక్టివ్‌గా ఉంటున్నారు. తన వ్యక్తిగత విశేషాలను, తాజా ఫోటోలను అభిమానులతో పంచుకుంటున్నారు. తాజాగా ఆమె షేర్ చేసిన ఫోటోలు, వీడియోలు నెట్టింట తెగ వైరల్‌గా మారాయి. అప్పటి సంఘవికి, ఇప్పటి లుక్‌కి చాలా మార్పు వచ్చినా, వయసు పెరిగినా ఆమె ముఖంలో అదే గ్రేస్, కళ అలాగే ఉన్నాయంటూ నెటిజన్లు, అభిమానులు పెద్ద ఎత్తున కామెంట్లు చేస్తున్నారు.
ఇంతకాలం ఆయనతో సినిమా చేయకుండా ఎందుకు ఉన్నానా అనిపించింది: పూరి జగన్నాథ్
మరిన్ని సినిమా వార్తల కోసం ఇక్కడ క్లిక్ చేయండి.