Thalapathy Vijay: మరోసారి క్రేజీ కాంబినేషన్ రిపీట్.. ఈసారి ఇలా రాబోతున్నారట..
దళపతి విజయ్ క్రేజ్ గురించి ప్రత్యేకించి చెప్పాల్సిన అవసరం లేదు. విజయ్ నటించిన సినిమాలు తమిళ్ , తెలుగు భాషల్లో విడుదలై భారీ విజయాలను అందుకుంటుంటాయి
Thalapathy Vijay: దళపతి విజయ్ క్రేజ్ గురించి ప్రత్యేకించి చెప్పాల్సిన అవసరం లేదు. విజయ్ నటించిన సినిమాలు తమిళ్ , తెలుగు భాషల్లో విడుదలై భారీ విజయాలను అందుకుంటుంటాయి. ఇటీవల విజయ్ నటించిన సినిమాలు అనీ 100 కోట్ల మార్క్ ను చాలా సులువుగా క్రాస్ చేశాయి. తుపాకీ సినిమానుంచి విజయ్ నటించిన సినిమాలు దాదాపు బ్లాక్ బస్టర్ హిట్స్ గా నిలిచాయి. చివరగా మాస్టర్ సినిమాతో హిట్ అందుకున్నారు విజయ్. ఇక ఇప్పుడు బీస్ట్ సినిమాతో రావడానికి సిద్ధంగా ఉన్నాడు దళపతి. నెల్సన్ దిలీప్ కుమార్ దర్శకత్వం వహిస్తున్న ఈ సినిమా వచ్చే ఏడాది ప్రేక్షకుల ముందుకు రానుంది. ఈ సినిమాలో బుట్టబొమ్మ పూజ హెగ్డే హీరోయిన్ గా నటిస్తుంది. ఇదిలా ఉంటే తనకు హ్యాట్రిక్ హిట్ ఇచ్చిన దర్శకుడితో మరోసారి దళపతి నటించబోతున్నారని ఇప్పుడు కోలీవుడ్ లో వార్త చెక్కారు కొడుతుంది.
చేసింది తక్కువ సినిమాలే అయినా సూపర్ హిట్స్ అందుకున్నాడు దర్శకుడు అట్లీ. రాజా రాణి సినిమాతో దర్శకుడిగా పరిచయమైన అట్లీ వరుస హిట్స్ తో స్టార్ డైరెక్టర్ గా మారాడు. ఇక దళపతి విజయ్ తో కలిసి `తేరి`..`మెర్సల్`..`బిగిల్ సినిమాలను తెరకెక్కించాడు. ఈ మూడు సినిమాలు మంచి విజయాలను అందుకున్నాయి. ఈ మూడు సినిమాలు బాక్సాఫీస్ దగ్గర భారీ వసూళ్లను రాబట్టడంతో.. విజయ్ , అట్లీ కోలీవుడ్ లోనే సక్సెస్ ఫుల్ కాంబినేషన్ గా నిలిచారు. వచ్చే ఏడాది ఈ కాంబినేషన్ లో మరో చిత్రం ప్రారంభం అవుతుందని టాక్ వినిపిస్తుంది. ఈ సారి విజయ్ తో భారీ యాక్షన్ ఎంటర్ టైగనర్ సినిమాను అట్లీ ప్లాన్ చేసినట్లు సమాచారం. ఏజీఎస్ ఎంటర్ టైన్ మెంట్ ఈ చిత్రాన్ని భారీ బడ్జెట్ తో నిర్మించడానికి ముందుకు వచ్చిందట. త్వరలోనే దీనిపై అధికారిక ప్రకటన వెల్లడించనున్నారని తెలుస్తుంది.
మరిన్ని ఇక్కడ చదవండి :