Vijay Deverakonda: రామ్ చరణ్ నో చెప్పిన సినిమాకే విజయ్ దేవరకొండ గ్రీన్ సిగ్నల్ ఇచ్చాడా.?

Vijay Devarakonda

“రామ్ చరణ్ మరో కొత్త ప్రాజెక్ట్ అనౌన్స్ చేశారు. జెర్సీ ఫేం.. గౌతమ్ తిన్ననూరితో ఓ సినిమా చేయబోతున్నట్లుగా తన సోషల్ మీడియా ఖాతా ద్వారా అధికారికంగా ప్రకటించారు. ప్రకటించడమే కాదు రేపో మాపో షూటింగ్ మొదలెట్టనున్నారు.” ఇది నిన్నమొన్నటి వరకు నెట్టింట వైరల్ అయిన మాటలు. ఇండస్ట్రీ నుంచి కూడా లీకైన కబుర్లు. వీటిని కంటిన్యూ చేస్తూ… ఈ సినిమా క్యాన్సిల్ అయిందనే ఫ్రెష్ న్యూస్‌లు. ఇక ఇప్పుడేమో.. విజయ్‌ దేవరకొండ చేస్తున్నాడనే కొత్త టాక్‌లు. వెరసి ఇవే ఇప్పుడు హాట్ హాట్ విషయాలు. కాదు కాదు.. తాజాగా రిలీజైన పోస్టర్‌ తో అయిపోయిన నిజాలు. పాన్ ఇండియన్ హీరోగా మారారనే కారణమో.. స్టోరీ నచ్చలేదనే రీజనో తెలియదు కాని.. చెర్రీ జెర్సీ డైరెక్టర్ గౌతమ్ తిన్ననూరి సినిమా నుంచి తప్పుకున్నారట. ఇక ఆ సినిమా బదులు రంగస్థలం 2 సినిమాను.. దాంతో పాటే బుబ్బి బాబు సనా సినిమాను మొదలెట్టనున్నారట.

ఇక దీంతో ఈ డైరెక్టర్ చేసేదేం లేక .. చెర్రీకి నరేట్ చేసిన స్టోరీనే వేరే హీరోతో చేయడానికి ఫిక్స్ అయ్యారట. ఈ క్రమంలోనే రౌడీ బాయ్‌ విజయ్ దేవరకొండ డేట్స్‌ను లాక్‌ చేశారట. స్టోరీ తనకు కూడా నచ్చడంతో.. వెంటనే ఈ సినిమాను సెట్స్ మీదకు తీసుకెళ్లనున్నారట ఈ యంగ్ డైరెక్టర్. ఇక ఈ క్రమంలోనే తాజాగా VD12 టైటిల్ తో సినిమాను అనౌన్స్ చేశారు డైరెక్టర్ గౌతమ్‌ అండ్ రౌడీ బాయ్ విజయ్ దేవరకొండ. అంతే కాదు.. ఓ పోస్ట్ ర్ రిలీజ్ చేశారు. అందులో మొఖాన్ని బ్లాక్ మాస్కుకున్న ఓ పోలీస్‌ ఉన్నట్టు.. డిజైన్ చేశారు. అంటే స్పై చేస్తున్నారనే హింట్ ఇచ్చారు ఈ మేకర్స్.

ఇక స్పై సినిమా.. అందులోనూ.. క్లాసీ డైరెక్టర్ గౌతమ్‌ మూవీ కావడంతో… ఈ సినిమా చెర్రీ చేస్తేనే బాగుండేదనే టాక్ ఇప్పుడు నెట్టింట వస్తుంది. స్పై రోల్లో చరణ్ సూపర్ గా సెట్టవుతారనే కామెంట్ విరీతంగా వస్తోంది.