RRR Movie: సినిమా టికెట్ల కోసం ఒంగోలులో వివాదం.. రచ్చ చేసిన ఇద్దరు హీరోల ఫ్యాన్స్..

Rrr

RRR: సినిమా టికెట్ల కోసం ఒంగోలులో వివాదం తెలత్తింది. మెగా, నందమూరి ఫ్యాన్స్‌కు సమానంగా టికెట్లు ఇవ్వాలని థియేటర్‌ యాజమాన్యాం దగ్గరి పంచాయితీ పెట్టారు ఫ్యాన్స్‌. సినిమా టికెట్ల విషయంలో తమకు అన్యాయం జరిగిందని వాపోయారు మెగా ఫ్యాన్స్‌. ఎప్పుడెప్పుడా అని ఎదురుచూస్తూ వచ్చిన ఆర్‌ఆర్‌ఆర్‌ చలనచిత్రం విడుదలకు ముందే అభిమానులు గొడవకు దిగారు. చిత్రంలో ఇద్దరు ప్రముఖ కథానాయకులు నటించడం, ఫ్యాన్సీ షో టికెట్లు ఇవ్వాలని రెండువర్గాలు పట్టుబట్టడం.. పరోక్షంగా రాజకీయ నేతల హస్తం ఉండటంతో స్థానిక థియేటర్‌ వద్ద గందరగోళ పరిస్థితి కనిపించింది. తొలుత ఓ హీరో అభిమానులు వచ్చి సింహభాగం టికెట్లు తమకే ఇవ్వాలని పట్టుబట్టగా ఇది తెలుసుకున్న మరోవర్గం అభిమానులు గొడవకు దిగారు. పరిస్థితి గందరగోళంగా మారి థియేటర్‌లో ఓతలుపుతో పాటు అద్దాలకు అమర్చిన హ్యాండిళ్లను అభిమానులు ధ్వంసం చేశారు.

సమాచారం తెలుసుకున్న పోలీసులు థియేటర్‌ వద్దకు చేరుకుని పరిస్థితిని అదుపులోనికి తీసుకువచ్చేందుకు యత్నించారు. థియేటర్‌ వద్ద పరిస్థితి ఇలా ఉంటే చలనచిత్రం విడుదల సందర్భంగా పద్మశాలిపేటకు చెందిన కొందరు ఇద్దరు కథానాయకుల ఫొటోలతో పట్టణంలో ర్యాలీ నిర్వహించారు. హీరోల చిత్రాలకు రక్తతిలకం దిద్దారు. ఇండియన్‌ సినిమా ఇండస్ట్రీ రికార్డులను తిరగరాసేందుకు ఆర్‌ఆర్‌ఆర్‌ ప్రేక్షకులకు ముందుకు వచ్చేసింది. ప్రస్తుతం దేశ వ్యాప్తంగా ఆ మాటకొస్తే ప్రపంచంలో భారతీయులు ఉన్న చోట్లలో ఆర్‌ఆర్‌ఆర్‌ మేనియా నడుస్తోంది. ఇప్పటికే బెన్‌ఫిట్‌ షోలు, ప్రీమియర్‌ ఫోలు మొదలయ్యాయి.ఈ సినిమాలో బాలీవుడ్ బ్యూటీ అలియా భట్, హాలీవుడ్ బ్యూటీ ఒలివియా మోరీస్‌, అజయ్ దేవగణ్, శ్రియా శరన్.. సముద్రఖని కీలకపాత్రలలో నటిస్తున్నారు. రిలీజ్​కు ముందే​రికార్డులను తిరగేస్తున్న ఈ సినిమాను ఫస్ట్‌ షోలోనే చూడాలని ఫ్యాన్స్‌ ఉవ్విళ్లూరుతున్నారు. ఇక థియేటర్ల వద్ద హీరోల కటౌట్లు, పోస్టర్లు ఏర్పాటుచేసి తమ అభిమానాన్ని చాటుకుంటున్నారు.

మరిన్ని ఇక్కడ చదవండి :