Chor Bazaar: సెన్సార్ కంప్లీట్ చేసుకున్న ఆకాష్ పూరి సినిమా.. చోర్ బజార్ రిలీజ్ ఎప్పుడంటే ?..

Chor Bazaar

యంగ్ హీరో అకాష్ పూరి ప్రధాన పాత్రలో నటిస్తోన్న లేటేస్ట్ చిత్రం చోర్ బజార్ (Chor Bazaar). ఈ చిత్రానికి జార్జీ రెడ్డి ఫేమ్ డైరెక్టర్ జీవన్ రెడ్డి దర్శకత్వం వహిస్తుండగా.. గెహనా సిప్పీ కథానాయికగా నటిస్తోంది. ఐవి ప్రొడక్షన్స్ బ్యానర్ పై నిర్మాత వీఎస్ రాజు ఈ చిత్రాన్ని నిర్మిస్తున్నారు. ఇప్పటికే షూటింగ్ పూర్తిచేసుకున్న ఈ సినిమా ఈనెల 24న ప్రేక్షకుల ముందుకు రాబోతుంది. లవ్ అండ్ యాక్షన్ ఎంటర్టైనర్ గా రాబోతున్న ఈ సినిమా ప్రమోషన్స్ షూరు చేసింది చిత్రయూనిట్. ఈ క్రమంలో తాజాగా చోర్ బజార్ మూవీ సెన్సార్ పనులు పూర్తిచేసుకుంది. సెన్సార్ యూనిట్ ఈ చిత్రానికి యూ/ఏ సర్టిఫికెట్ అందించింది..

మాస్ డైరెక్టర్ పూరీ జగన్నాథ్ తనయుడిగా చిత్రపరిశ్రమలోకి ఎంట్రీ ఇచ్చి తనకంటూ ప్రత్యేక గుర్తంపు తెచ్చుకున్నాడు యంగ్ హీరో ఆకాష్. చైల్డ్ ఆర్టిస్ట్‏గా ఎన్నో సినిమాల్లో నటించి ఇప్పుడు హీరోగా రాణిస్తున్నాడు. ఇటీవల మెహబుబా, రొమాంటిక్ వంటి చిత్రాలతో ప్రేక్షకుల ముందుకు వచ్చినప్పటికీ ఆశించినంత స్థాయిలో అలరించలేకపోయాడు ఈ యంగ్ హీరో.. ఇప్పుడు ఆకాష్ పూరి ఆశలన్ని చోర్ బజార్ సినిమాపైనే ఉన్నాయి. ఈ సినిమాకు సురేష్ బొబ్బిలి సంగీతం అందించగా.. ప్రముఖ బ్యానర్ యూవీ క్రియేషన్స్ రిలీజ్ చేస్తున్నారు. ఇప్పటికే విడుదలైన ట్రైలర్, సాంగ్స్ మూవీపై మరింత క్యూరియాసిటీని పెంచేసింది. ఈ మూవీలో సీనియర్‌ నటి అర్చన, సునీల్‌, సంపూర్ణేశ్‌ బాబు తదితరులు కీలకపాత్రలలో నటించారు. ఈ సినిమాలో బచ్చన్ సాబ్ పాత్రలో కనిపించనున్నాడు ఆకాష్ పూరి.

ట్వీట్..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.